Read Lengua Sur Salmos 26 Bible Online

Salmos 26 - Lengua Sur bible

Salmos 26

¹Wesse', hexén ko'o meyke sektémakxa, hakte malaneyk ko'o xama aqsok ekmaso neyseksa sekweynchámeykha. Wesse', may'ásseykmok ahagko' ko'o exchep;

²elano ko'o sektémakxa, ¡hékpelkoho! ¡elano ektémakxa nak élchetámeykha ewáxok, tén han ma'a kañók agko' nak ewáxok!

³Mehelwánaqmágweykmok ko'o m'a segásekhayo nak, mayenseykmok han xép;

⁴mapaxqeykha han ma'a apkelmopwancha'a nak amya'a, malyetleykha han ma'a apkelmeyókásamákpoho apagko' nak chá'a apkeltémakxa.

⁵Ataqnawhok chá'a ko'o m'a apchaqneykekxa nak élmasagcha'a apkeltémakxa; ¡mapaxqeykha xama enxoho m'a élmasagcha'a nak apkeltémakxa!

⁶Wesse', émenyeyk ko'o eypetchegwomhok ekwatnamáxchexa nak aqsok apagkok, yetlo sélyenyesso emék, hakte méko táhak may'assáxma,

⁷tén sa' anneykmaksek alpeykesho', axének sa' ma'a ektémakxa nak chá'a apkelane aqsok éltaqmalma.

⁸Wesse', eyásekhayók ko'o m'a tegma appagkanamap aphamakxa nak, ekyetnamakxa nak apcheymákpoho.

⁹Náheyaqha aqsa ko'o xamo' ma'a énxet'ák melya'assáxma nak; Nágyoho aqsa hetnehek ma'a ektamheykegkaxa nak énxet'ák ekyetno nak chá'a apkelyógkexma',

¹⁰cham'a ekmaso agko' nak aqsok apkelánéyak, tén han apkelmomo nak chá'a selyaqye yaqwayam mexének ektemégweykmoho exma.

¹¹Méko eyke ko'o aqsok ekmaso sélane neyseksa sekweynchámeykha, ¡hewagkas teyp, kapyósho hélano'!

¹²Méko élyapwátéyak xapop ma'a sénmeykegkaxa, ¡apcheymákpoho sa' chá'a ko'o atnéssesek Wesse' egegkok nápaqta'awók ma'a énxet'ák apagkok!