Read Lengua Sur Salmos 27 Bible Online

Salmos 27 - Lengua Sur bible

Salmos 27

¹Wesse' egegkok apteme ko'o sélsássessóxma, tén han sewagkasso teyp, ¿yaqsa aqsok ko'o wé'? Wesse' egegkok apteme semasma, ¿yaqsa awanchek ko'o hégwakkasek?

²Apchaqnákxeyk agkok yaqwayam hektámegmak ma'a élmasagcha'a nak apkeltémakxa, sélenmexma nak, tén han apmako enxoho hemasséssók, elpelapmok sa' apagkok elyaqnenagkok ma'a.

³Hewakhak sa' eykhe m'a sẽlpextétamo apxámokma, megkakyek sa' eyke ko'o ewáxok; elánekxak sa' eykhe aptamhágkaxa yaqwayam hektámegma', megkatneykha sa' eyke ko'o ewáxok.

⁴Xama aqsok akke élmaxneyk Wesse' egegkok, xama aqsok aqsa émenye': axek chá'a Wesse' egegkok tegma appagkanamap apagkok ekyókxoho ekhem, neyseksa sekha makham, yaqwayam enxoho alpeykeshok neyseksa sekha m'a kañe' tegma appagkanamap apagkok, tén han alanok ma'a ektémakxa nak aptaqmalma.

⁵Wa'ak sa' agkok ekhem ekmaso, hekpósek sa' Wesse' egegkok ma'a kañe' nak tegma appagkanamap apagkok, hexnések sa' hetaqmelchesek ma'a kóneg nak. ¡Hewagkasek sa' teyp hexnéssók ma'a netnók agko' nak meteymog!

⁶Keñe sa' ko'o amallánek nepyeseksa m'a sélenmexma; keñe sa' ewanchek alnáhakkasek aqsok ma'a tegma appagkanamap nak, tén han awónchesha kapayhekxak ewáxok, tén han anneykmássesek negmeneykmasso m'a Wesse' egegkok.

⁷Wesse', ekwóneyha ko'o exchep: heyeyxho. Yepyósho hélano', ¡heyátegmowák!

⁸Entáhak ko'o ekpaqméteykha ewáxok se'e: “Ektam aphakxa Wesse' egegkok.” Yetlókok han sétamso ko'o exchep aphakxa Wesse'.

⁹¡Ná héxánegkes aqsa ko'o! ¡Ná hétnakhés aqsa hetaqnók! ¡Xép apwánxa apagko' sepasmo! Ná heyenyow aqsa exakko', ná hetnésses meyke sekya'awánxa, hakte xép apteme Dios ahagkok, tén han sewagkasso teyp.

¹⁰Heyenyók sa' eykhe ko'o táta, tén han méme, xép sa' eyke etnehek setaqmelchesso Wesse'.

¹¹Wesse', hexekmós ko'o exchep ámay apagkok, héntemekxa m'a ektaqmelakxa nak ámay, hakte apxámok ko'o sélenmexma;

¹²nágyoho aqsa hetnéssesek ma'a apmakókxa enxoho hetnéssesek, hakte apkelmopwancha'a amya'a aptamhágkok sénmexa ko'o, apkelyennaqteyáseyha apyempe'ék sélana.

¹³Ekya'ásegkók eyke ko'o peya ótak ma'a ektémakxa nak ektaqmeleykha apwáxok henlanok Wesse' egegkok, neyseksa sekha makham nepyeseksa m'a énxet'ák apkelyenna nak makham keso náxop.

¹⁴¡Nágkólya'ássem Wesse' egegkok! ¡Kólwasqápekxoho, nágkólyelqaxche'! Naqso', ¡nágkólya'ássem Wesse' egegkok!