Read Lengua Sur Salmos 28 Bible Online

Salmos 28 - Lengua Sur bible

Salmos 28

¹Wesse', apteme nak semasma, ekwóneyha ko'o exchep. ¡Heyátegmowák sa'! Sa' agkok heyátegmowágkok, axhok sa' ma'a énxet'ák apkeletsapma nak.

²Yeyxho sa' sekwóneykha séltamho enxoho hepasmok, sélya'asa enxoho emék ma'a ekpayho nak apyetnakxa tegma appagkanamap apagkok aptaqmalma.

³Ná heñássesagkoho aqsa xamo' ma'a élmasagcha'a nak apkeltémakxa, nágyoho hetnehek ma'a ektamheykegkaxa nak apkeláneykegkoho nak aqsok ekmaso, negane nak kaltaqmeláha apkelwáxok elának pók, láneyók eyke m'a aqsok élmasagcha'a.

⁴Ellegássesagkoho eñama apkeltémakxa élmasagcha'a, exnésho sa' ma'a apkeltémakxa nak; ekhawo nak ektémakxa aqsok ekmaso apkeláneyak.

⁵Megkalxeyenmak apkelwáxok ma'a aqsok apkelane axta Wesse' egegkok, ¡emasséssók sa' meyke apkelánteyapwayam!

⁶¡Apcheymákpoho sa' chá'a kólteméssesek Wesse' egegkok, hakte apháxenmok ko'o sélmaxnagko!

⁷Wesse' egegkok apteme ko'o sénnaqtésso; tén han semasma; axta ko'o ay'ásseykmok, epasmomchek axta. Payhekxeyk ko'o ewáxok, anneykmaksek sa', agkések sa' ekxeyenma ewáxok Wesse' egegkok.

⁸Wesse' egegkok apkelyennaqtésso m'a énxet'ák apagkok; tén han appasmo, apyexánegweykekxexa m'a wesse' apwányam apkelyéseykha nak.

⁹Wesse', elwagkas teyp énxet'ák apagkok; elmésák éltaqmalma apheykha m'a ektáha nak xép apagkok. Eltaqmelches aptémól'a keláneykha nepkések; ¡elqeynmakha chá'a meyke néxa!