Read Lengua Sur Salmos 29 Bible Online

Salmos 29 - Lengua Sur bible

Salmos 29

¹Kóltemésses apcheymákpoho Wesse' egegkok, apteme nak apkelásenneyha kélheykha néten: kóltemésses eyeymáxkoho m'a apmopwána nak, tén han ma'a apcheymákpoho nak Wesse' egegkok,

²kóltemésses eyeymáxkoho apwesey Wesse' egegkok, kólpeykesho Wesse' egegkok ma'a kañe' nak tegma appagkanamap apagkok aptaqmalma.

³Kextegyókek appeywa Wesse' egegkok ma'a néten nak wátsam ekwányam; apkextegyawássek ma'a Dios apcheymákpoho: ¡apheyk Wesse' egegkok ma'a néten nak wátsam ekwányam!

⁴Kayhek éxtegyawà appeywa Wesse' egegkok, legáxkók ekyókxoho yókxexma;

⁵kelwáxchetchek Wesse' egegkok appeywa m'a yámet cedros. ¡Apkelekkexchek Wesse' egegkok ma'a cedros élámha nak ma'a Líbano!

⁶¡Apkelpexyennegkessek ma'a egkexe Líbano, tén han ma'a Sirión; máxa weyke kelennay'a tén han weyke étkók élnextegeykhal'a néten aptemessásak apkelnextegkáseyncha'a néten!

⁷Kelnextegkessek táxa eyáléwe m'a Wesse' egegkok appeywa;

⁸yawheyáseyha xapop meykexa nak énxet ma'a Wesse' egegkok appeywa; ¡apyawheyáseyha xapop Wesse' egegkok ma'a yókxexma meykexa nak énxet ma'a Cadés!

⁹Kelyawheyáseyha yámet encinas ma'a Wesse' egegkok appeywa, meyke yenta'a élyawe temessásak ma'a naxma. Apyókxoho énxet'ák aptáhak meleyságkoho apkelpaqmeta m'a tegma appagkanamap apagkok nak: ¡Apcheymákpoho Dios!

¹⁰Wesse' egegkok apteme wesse' agkok ma'a ekmámeye; ¡Wesse' egegkok apteme wesse' apwányam memassegwayam!

¹¹Wesse' egegkok apkelyennaqtésso énxet'ák apagkok, Wesse' egegkok apmésso ektaqmalma apheykha m'a énxet'ák apagkok nak.