Read Lengua Sur Salmos 3 Bible Online

Salmos 3 - Lengua Sur bible

Salmos 3

¹Wesse', apxámok apagko' ko'o sélenmexma, apxámok apagko' ma'a sénmexeykha nak ko'o,

²¡apxámok apagko' énxet'ák apteme nak chá'a ko'o sexeyenma s'e: “Mewagkasek teyp Dios!”

³Wesse', xép eyke apteme seyáhakkásamáxche', xép segkésso m'a seyeymáxkoho nak, xép segkésso m'a sekwasqápeykekxoho nak.

⁴Magweyságkohok ko'o sekwóneyncha'a Wesse' egegkok séltamho hepasmok, tén seyátegmowágko m'a ekpayhókxa nak egkexe apagkok ektaqmalma.

⁵Eytek chá'a ko'o atyenek, axatakhak han chá'a, hakte Wesse' egegkok chá'a hepasmok.

⁶Mehegwakkásak ko'o xa sẽlpextétamo apxámokma nak, sewakha'a nak ko'o apmako hektámegma'.

⁷¡Wesse', yempekxa néten! ¡Dios ahagkok, hewagkas ko'o teyp! Xép sa' eltekpogkasseták nápaqta'a m'a énxet'ák sélenmexma nak ko'o; ¡xép sa' elekkexchesseták apma'ák ma'a énxet'ák élmasagcha'a nak apkeltémakxa!

⁸Wesse', xép apteme segwagkasso teyp, ¡Elmés sa' ektaqmalma apheykha m'a énxet'ák apagkok nak xép!