Read Lengua Sur Salmos 30 Bible Online

Salmos 30 - Lengua Sur bible

Salmos 30

¹Wesse', ekteméssessek ko'o exchep apcheymákpoho, hakte emallahanchessek ko'o exchep aqsok ekmaso, megyahayók hésmaksek ma'a sélenmexma nak.

²Dios Wesse' ahagkok, élmaxnakkek axta exchep séltamho hepasmok, tén setaqmelchessekmo han;

³xép Wesse', ewagkassek axta teyp keto' sétsapmakxa', egkeyásekxeyk axta sekyennaqte, emallahanchessek axta m'a nétsapmakxa nak.

⁴Kéxegke megkólyenseyam nak Wesse' egegkok, ¡kólmeneykmásses negmeneykmasso! ¡kólpeykesho m'a apwesey ekpagkanamaxche nak!

⁵Hakte megkawegqók chá'a aplo m'a, megkamassegwomek eyke m'a ektaqmeleykha nak chá'a apwáxok henlano'. Nenlekxagweyha agkok chá'a axta'a, keñe axto'ók chá'a kapayhekxak egwáxok.

⁶Tásek axta ko'o sekha, keñe ektéma ewáxok se'e: “Méko kawának ko'o hetegkesek.”

⁷Wesse', xép nak axta eyke ekhel'a sexnésseyam ma'a ektaqmelakxa nak, eñama ektaqmeleykha apwáxok sélányo, xama axta mehepasma, axta hey'assásegkok sektáhakxa m'a seyeye.

⁸Wesse', ekwóneyha ko'o exchep; élmaxnakkek ko'o exchep:

⁹¿Yaqsa kataksek xép sétsapa enxoho, sélsawa enxoho m'a takhaxpop? ¡Yawanchek xép kalpeykeshok ma'a ektamheykekxa nak xapop, tén han kaxének ma'a ektémakxa nak xép mehenyenyaweykha!

¹⁰Wesse', heyeyxho ko'o, kapyósho hélano'; Wesse', ¡hepásem!

¹¹Seknéweykha aptemessásekxak ma'a sélekxagweykha, apmasséssek ko'o sélapwayam, etaxneyásekxeyk sélnáxegkáseyncha'a m'a apáwa apkeltaqmalma.

¹²Dios Wesse' ahagkok, ¡cháxa keñamak peya nak anneykmássesek negmeneykmasso, tén han agkések chá'a ekxeyenma ewáxok, mowanchek awanma' aqsa!