Read Lengua Sur Salmos 51 Bible Online

Salmos 51 - Lengua Sur bible

Salmos 51

¹Oh Dios, yepyósho ko'o hélano', eñama m'a aptémakxa nak chá'a segásekhayo, hemassésses ko'o may'assáxma, eñama m'a aptémakxa nak chá'a apmopyósa henlano'.

²¡Hemassésses ko'o sektémakxa ekmaso! ¡Heyenyókas may'assáxma!

³Ekya'ásegkók ko'o sekteme ekmaso sektémakxa; megkamassegweykmok ekxéneykha ewáxok may'assáxma.

⁴Xép aqsa énmexmak séláneya may'assáxma, xép aqsa énmexmak séláneya aqsok ekmaso aptaqnagkamo nak chá'a exchep. Cháxa keñamak ekpayhawo nak ma'a yaqwánxa nak hetnéssesek; naqso' agko' ma'a ektémakxa nak xép segyekpelchémo.

⁵Naqsók ko'o sekteme ekmaso sektémakxa sekxók axta sekteyékmo; may'assáxma eyeynamo m'a sekyetnamakxa axta kañe' méme awáxok.

⁶Naqsók chá'a exchep yásekhohok ma'a megkeyxamaxkoho nak chá'a apwáxok, egkéssegkek sekya'áseykegkoho ekweykmoho kañók agko' nak élchetámeykegkaxa ewáxok.

⁷Heyenyókas ko'o may'assáxma tén sa' wáxñekxoho'; heyáxñassásekxa émpehek, tén sa' amópekxohok ahagko', ayeykhágwomhok sa' ma'a aptémakxa nak apmópeyo yeyam appok.

⁸Hegkeyásekxa makham ekpayheykekxa agko' ewáxok, tén han ekmátsa, hepeykessásekxa makham ewáxok, neyseksa eykhe seyaqhakkassáseykha ewáxok tén han seháxésso.

⁹Ná elano may'assáxma, hemassésses ekyókxoho sektémakxa ekmaso.

¹⁰Oh Dios, ¡Hegkeyásekxa ko'o makham eyáxñeyo ewáxok! ¡hegkeyásekxa makham axnagkok sektémakxa, tén han mayenyaweykha!

¹¹Ná hetekkes aphakxa nak xép, ná hémentemekxa han ma'a espíritu appagkanamap apagkok nak.

¹²Hegkeyásekxa makham ekpayheykekxa ewáxok, eñama m'a sewagkasso teyp, hegkés ewáxok ekmámenyého nak kalyahakxoho,

¹³yaqwayam enxoho ko'o alxekmósek ámay apagkok ma'a énxet'ák élmasagcha'a nak apkeltémakxa, yaqwayam enxoho elyo'ótak xép ma'a énxet'ák melya'assáxma nak.

¹⁴Nágyoho ko'o keytek sekyógkexma waqhek émók, oh Dios, Dios apteme nak sewagkasso teyp, anneykmaksek sa' ko'o añeksek xép apteme appéwomo.

¹⁵Wesse', hegkés ko'o yaqwánxa atnehek sekpeywa, keñe sa' anneykmássesek alpeykesho'.

¹⁶Hakte mopmenyeyk xép ma'a aqsok ektekyawa tén han ma'a aqsok ekwatnamáxche nak; agkések eykhe ko'o exchep xa, háwe eyke m'a ekpeykessáseykekxohol'a apwáxok.

¹⁷Aqsok negmésso naqsa ekleklamo nak apwáxok Dios, cham'a élekxagweykha nak egwáxok; oh Dios, metaqnókek xép ma'a eyaqhe nak egwáxok nentémakxa!

¹⁸Etaqmelches sa' xép ma'a Sión, eñama ektaqmeleykha nak apwáxok; exátekhásekxa sa' makham ma'a kélhaxtegkesso nak Jerusalén.

¹⁹Keñe sa' emok takha' exchep ma'a kélnaqtósso ektekyawa, ekpayhawo nak chá'a exchep kólmések tén han ma'a aqsok kélmésso naqsa, tén han élwatnamáxche nak chá'a, tén sa' kólpekkenek néten ekwatnamáxchexa aqsok apagkok ma'a weyke kennawo' kélmésso.