Read Lengua Sur Salmos 60 Bible Online

Salmos 60 - Lengua Sur bible

Salmos 60

¹Oh Dios, aplo keñamak xép segkexakhama negko'o, nekha'a egketkók enteméssessók; ¡hentemessásekxa kaxwo' senteméssessamakxa axta nano'!

²Apyawheyáseykha axta xapop, tén axta ekmayheykekxo; ¡elápekxa kaxwók ma'a élmayhe nak, hakte palleykme'!

³Apkellegassáseykegkók axta ekyentaxno agko' ma'a énxet'ák apagkok, ẽleykegkek axta negko'o exchep vino segyeykessamo nak exma.

⁴Apkelméssegkek axta chá'a exchep xama aqsok magkenatchesso ektáha nak chá'a apcháyo, yaqwayam melyátakpehek yágke.

⁵¡Hegátegmowák negko'o, hẽlwagkas teyp yetlo apmopwána! ¡Elmallahanches ma'a ektáha nak apchásekhayo!

⁶Aptáhak appaqmeta Dios ma'a tegma appagkanamap apagkok nak: “¡Yetlo ekpayheykekxa ewáxok sa' ko'o almésagkok énxet'ák ahagkok ma'a xapop nak Siquem, tén han ma'a ekyapwátegweykenxa nak xapop Sucot, sekmallana sa'!

⁷Ahagkok ko'o m'a Galaad, tén han Manasés; Efraín akke apteme sétchesso épátek; Judá akke apteme yámet sekmeykencha'awól'a chá'a sekteme wesse';

⁸Moab akke apteme sokpayhe ekwányam sélyenyessamakxal'a chá'a emék; ayenyók sa' ko'o séltéto emagkok ma'a neyseksa Edom, magkenatchesso sektáha ahagkok; ¡awónchesha sa' sélma sa' ma'a filisteos!”

⁹¿Yaqsa sa' heyentemekxak ko'o m'a tegma apwányam kélhaxtegkesso nak nepyáwa'? ¿Yaqsa sa' heyentemekxak ekweykekxoho m'a Edom?

¹⁰Hakte egkexakhamchek negko'o exchep Dios; ¡massék apkelyetlawa m'a sẽlpextétamo egagkok!

¹¹Hempásem negko'o ólenmexek ma'a nélenmexma nak, hakte mékoho agko' ma'a sempasmo nak énxet.

¹²Anlának sa' negko'o ekyawe agko' aqsok yetlo sempasmo m'a Dios; ¡elteyammaha sa' nélenmexma nak!