Read Lengua Sur Salmos 63 Bible Online

Salmos 63 - Lengua Sur bible

Salmos 63

¹¡Dios ahagkok, xép apteme Dios ahagkok! Étámawók ahagko' ko'o exchep, hakte émenyeyk ko'o exchep; amenyeyk xép ewáxok, ektémól'a xapop ekyamaye meykel'a yegmen.

²¡Émenyeyk ko'o alanok ma'a tegma appagkanamap apagkok, tén han ótak ma'a apmopwána, tén han apcheymákpoho,

³hakte tásók agkók ma'a segásekhayo nak, megkaxnawok ma'a negyennaqte nak! Alteméssesek sa' apcheymákpoho.

⁴Axénmakha sa' chá'a ektaqmela neyseksa sekha makham, alya'ássesek sa' chá'a néten emék sélmaxneya enxoho chá'a.

⁵Kapayhekxohok agko' sa' chá'a ewáxok, ektémól'a antók ma'a nento élmátsa élánamáxche nak ektámáxche ekyawe, alpeykeshok sa' chá'a yetlo ekpayheykekxa ewáxok.

⁶Ekyetneyk agkok chá'a axta'a, kaxének chá'a ewáxok xép;

⁷hakte xép apteme chá'a sepasmo. ¡Kapayhekxak chá'a ewáxok anneykmaksek kóneg apxempenák!

⁸Yepetcheyak ko'o exchep sekyókxa; meheyenyeykekxak semeykegko apmek apkelya'assamakxa.

⁹Epallamok sa' kañók agko' takhaxpop ma'a apmáheyo nak chá'a ko'o heyaqhek;

¹⁰¡sókwenaqte sa' kólyetxeygkok etekyók, katawagkok sa' ma'a aqsok nawha'ák éllo!

¹¹Kapayhekxak sa' eyke apwáxok wesse' apwányam eñama apmallahanchesso m'a Dios; apyókxoho énxet'ák sa' elmeneykmaksek, cham'a apkeltennasso axta elanaksek aqsok ma'a Dios, keñe sa' ma'a apkelyexancháseykha nak chá'a, kóláhakkasagkok chá'a apatña'ák.