Read Lengua Sur Salmos 70 Bible Online

Salmos 70 - Lengua Sur bible

Salmos 70

¹Dios ahagkok, ¡hewagkasseta teyp! Wesse', ¡exegma heykxe hepásegwata'!

²¡Elasmésakpohok apagko' sa' ma'a apmáheyo nak chá'a heyaqhek! ¡Yenyahagkok sa' apkelmegqakto m'a apmáheyo nak chá'a hetnéssessamhok exma ekmaso!

³¡Yenyahagkok sa' apkelmegqakto m'a seyesmésso nak chá'a ko'o!

⁴Kalpayhekxohok agko' sa' eyke chá'a apkelwáxok apyókxoho m'a apketamso nak chá'a exchep, sa' etnehek chá'a elpaqmétek apkelmopmenyého nak chá'a nélwagkásamáxche teyp apagkok se'e: “¡Apwányam apagko' ma'a Dios!”

⁵Ko'o eyke, hey'óta heykxa', hepásegwata', Dios ahagkok, sektáha nak sekmayósa, tén han ekmaso sekha. Xép chá'a apteme sepasmo, tén han sewagkasso teyp; ¡Wesse', epekhésa hepásegwata'!