Read Lengua Sur Salmos 79 Bible Online

Salmos 79 - Lengua Sur bible

Salmos 79

¹¡Oh Dios, apkelántaxnegwa'ak xapop apagkok ma'a melya'áseyak nak xép! ¡Aptawáseyha m'a tegma appagkanamap apagkok, nápakha'a apketkók aptemessásekxak ma'a Jerusalén!

²¡Apméssek yaqwayam etawagkok máma m'a apkeláneykha aphopák, melyenseyam axta chá'a apkelyetleykha, tén han aqsok nawha'ák!

³Máxa yegmen aptemessásak apyegkenchesa éma apagkok ma'a ekyókxoho kañe' nak Jerusalén, méko han élátawaña.

⁴Ẽlya'ásseykmek chá'a negko'o m'a apheykha nak neyáwa negókxa; ẽlasméssegkek ma'a segwakhaya nak, ẽlxéneykha nahan chá'a ekmaso.

⁵Wesse' egegkok, ¿yaqsa sa' ekhem elwataksek sẽltaqnawéyak? ¿Megkamassegwomeya sa' aplo ektémól'a táxa?

⁶¡Eyenyenta aplo neyseksa apchókxa m'a melpeykessamo nak chá'a exchep, mey'áseykegko nak xép, tén han mewóneykencha'a nak chá'a.

⁷Hakte apmassésseykmek Jacob ma'a, ekmaso aptemessáseykekxak ma'a apchókxa'.

⁸Nágyána aqsa hempehewakxak negko'o apkeltémakxa ekmaso axta m'a ẽlyapmeyk nano'; ¡kapyósho henlanok negko'o s'e kaxwo' nak, hakte nélyelqáxche'!

⁹Oh Dios, Sẽlwagkasso nak chá'a teyp negko'o, ¡hempásem, hẽlmallahanches aqsok ekmaso, ná eyaqmagkásekxa mólya'assáxma, ¡eñama apkelmeyeykha apwesey eyeymáxkoho!

¹⁰Nágyoho etnehek apkelpeywa m'a pók énxet'ák nak: “¿Háxko aphakxa Dios apagkok?” ¡Hégho negko'o anlanha aphéssessamo mók apkeletsapma m'a apkeláneykha! ¡Keñe sa' elya'asagkohok han ma'a melpeykessamo nak chá'a exchep!

¹¹Yeyxho apkelápentegeykha ekmáske m'a apkelmomap nak, elwagkas teyp yetlo ekyawe agko' apmopwána m'a apkelxénamap nak etekyewekxa'.

¹²Oh Wesse', eyaqmagkásekxa sa' senteméssessamakxa negko'o m'a apheykha nak negyáwa', ekweykmoho siete, eñama aptaqnaweykha chá'a exchep;

¹³keñe sa' negko'o nenteme nak énxet'ák apagkok, nenteme nak nepkések apkelleykha yókxexma apagkok, agmések sa' chá'a ekxeyenma egwáxok xép, ¡agmeneykmássesek sa' chá'a negko'o negmeneykmasso, keso kaxwo' nak tén han megkatnégwayam néxa!