Read Lengua Sur Salmos 87 Bible Online

Salmos 87 - Lengua Sur bible

Salmos 87

¹Apkeláneyak Dios tegma appagkanamap apagkok ma'a néten egkexe ekpagkanamaxche nak.

²Apchásekhayók Wesse' egegkok ma'a tegma apwányam Sión, kaxnók ma'a apyókxoho apxanák nak Jacob énxet'ák apagkok.

³Dios tegma apwányam apagkok, tásók agko' nak la'a chá'a exchep katnehek apxénamap:

⁴“Ewanchek ko'o atnehek alyetsetek nepyeseksa énxet'ák sélweteykxa nak se'e: Egipto, Babilonia, Filistea, Tiro, tén han Etiopía; apyókxoho apteme apkelánteyapmakxa exchep ma'a.”

⁵Sa' katnehek amya'a exénakpok tegma apwányam Sión se'e: “Apyókxoho énxet apkeleñamakxa s'e.” Dios Meyke Ekhémo apagko' appekkenma m'a.

⁶Apnaqtáxésagkek sa' agkok Wesse' egegkok weykcha'áhak ekheykegkaxa nak chá'a apkelwesey énxet'ák. Sa' etnehek chá'a s'e: “Keso apkeleñamakxa s'e.”

⁷Sa' etnehek chá'a elpaqmétek apkelmeneykmasso nak chá'a s'e, tén han apnéweyak nak chá'a: “Enxanák negko'o m'a Jerusalén, ekmátsexa nak chá'a aghakha.”