Read Lengua Sur Cantares 3 Bible Online

Cantares 3 - Lengua Sur bible

Cantares 3

¹Étamchek axta sekpagkanma sekyetnamakxa néten axta'a. Étamchek axta, maxta eyke óteyákxa'.

²Tén axta sekhákxo néten, ekweynchámeyha axta nepyeseksa tegma apwányam sétama sekpagkanma ekmámenyého agko' nak ewáxok ma'a ámay nak tén han ma'a apkekhegweykekxexa nak chá'a énxet. Étamchek axta, maxta eyke óteyákxa'.

³Élmaxneyáha axta m'a apkeltaqmelchesso nak tegma apwányam apkelhaxnenchámeykegko axta chá'a m'a nepyáwa. Axta ektáhak séláneya s'e: ¿Yagkólwet'ak kéxegke sekpagkanma, ekmámenyého agko' nak ko'o ewáxok?

⁴Axta nahan kanéwók sekyeykhe apchaqnágkaxa m'a énxet nak sekwetákxo m'a sekpagkanma sekmámenyého ahagko' nak. Ekmeyk axta apmek sekyentamákxo m'a kañe' méme axagkok, meyke sekyenyeykekxa, cham'a séñamakxa axta ko'o sekteyapma.

⁵Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

⁶¿Yaqsa ekxegakmo nak yókxexma meykexa énxet, ekxegakmo nak ekho éten ekpánma ekmeyeykekxa néten, ekxegakmo nak yetlo émpasso ekpaqneyam ma'a yámet ánek ekmátsa nak ekpaqneyam tén han ma'a aqsok ekmátsa nak ekpaqneyam éten agkok, tén han ma'a ekyókxoho mók ektémakxa nak chá'a sokmátsa?

⁷¡Neykhe Salomón apchántél'a! Appasmokmek nahan apxegakmo sesenta sẽlpextétamo apkelyennaqte apagko' nak ma'a Israel;

⁸apwancha'ak nahan apkelmeykha sókwenaqte xa apyókxoho nak, kempakhakma yapmeyk apkelya'áseykegkoho ektémakxa némpakhe; xama xama nahan chá'a apketchesso nepxet ma'a sókwenaqte apagkok apkenchesso katnégwomhok exma axta'a.

⁹Apkeltémók axta kóllanaksek Salomón xama apchánte m'a yántéseksa'ák éltaqmalma agko' éleñama nak ma'a yókxexma Líbano.

¹⁰Sawo ekmope élmomnáwa axta m'a élámha nak; tén axta sawo ekyátekto ekmomnáwa m'a apteyassamakxa nak apkapok; apáwa hómáyok axta émpehek ma'a nentaháno nak; tén axta kelán'ák Jerusalén élnáxegkáseykha yetlo ektaqmelchessamo m'a kañe' awáxok nak.

¹¹Kelán'ák Sión, ¡Kólántép, kóllano wesse' apwányam Salomón! Apketchessek apqátek ma'a apkelháxaqxo élyenma élánésso axta egken yaqwayam emha m'a élyamhopa sa', ekhem ekpayhekxexa agko' sa' apwáxok.