Read Lengua Sur Oseas 7 Bible Online

Oseas 7 - Lengua Sur bible

Oseas 7

¹peyk agkok chá'a ko'o altaqmelchessók énxet'ák ahagkok nak Efraín, tén han ma'a Samaria, ótak chá'a melya'assáxma, tén han ma'a apkeltémakxa ekmaso nak. Hakte apyókxoho aptamheykegkok apkelmopwancha'a amya'a; máxa apkelmenyexma aptamheykegkok apkelántaxnama chá'a m'a tegma, tén han apkelyementamoma chá'a aqsok apagkok énxet'ák ma'a ámay.

²Megkalxeyenmak apkelwáxok mehelwánaqmeyk ko'o m'a ekyókxoho apkeltémakxa ekmaso nak. Wakheykekxeyk eyke kaxwók ma'a ektémakxa nak aqsok apkeláneyak apagkok apagko', sekweteya nak chá'a ko'o nahaqto'.

³“Apkeltémakxa ekmaso chá'a kapeykessásekxak apwáxok wesse' apwányam ma'a énxet'ák ahagkok, apkelmopwancha'a amya'a chá'a kalpeykessásekxak apkelwáxok ma'a apkelámha apmonye'e nak.

⁴Apyókxoho apnaqtawáseykegkoho apnaqteyegka'a xa apkelane chá'a mók, aphawók ma'a táxa axagkok la'a, cháléweyk agkok ma'a, kamaskok apkelwatchásegko táxa m'a ektáha nak apkelwatno, ekwokmoho apkempágko m'a hótáhap kélyélaqtésso.

⁵Apchaqhássessek axta vino apkelámha apmonye'e kélteméssesa axta wesse' apwányam ma'a wesse' apwányam egagkok. ¡Tén axta apya'ássesa apmek ma'a ektáha axta apkesmésso!

⁶Apkelyepetchegwokmók axta wesse' apwányam yetlo élxeyenma apkelwáxok etnéssessamhok exma ekmaso, máxa axta aptamhágkok ma'a kélwatneykekxal'a táxa; etyenek chá'a axta'a m'a apkelwatneykekxa nak chá'a táxa, káléwha eyke aqsa chá'a táxa ekwokmoho élsaka.

⁷Apkeláléwomchek ma'a, máxa m'a táxa axagkok la'a, apkelwatnegkek ma'a apkelwesse'e apagkok nak. Apsawhomákpók aptekyóma m'a apkelwesse'e apkelwányam apagkok, méko m'a xama enxoho sewóneykha yaqwayam yának apasmok.

⁸“Appaxqeykekxeyk Efraín ma'a pók énxet'ák nak. Máxa kelpasmaga kélmakhetchessól'a xama nápakha m'a Efraín.

⁹Apsawhéssegkek apkelyennaqte m'a énxet'ák apkeleñama nak mók nekha, meyke apya'áseyak. ¡Weykmók mey'áseykegko ekmópeya m'a apqátek!

¹⁰Apcheymákpoho keñamak Israel eksexnáneya. Neyseksa eykhe ekteme xa ekyókxoho aqsok nak, melye'eykekxak ma'a Dios Wesse' apagkok, melchetamsók nahan.

¹¹Aphawók Efraín ma'a aptémól'a wáx'ay ekyeyháxmal'a, meyke apya'áseyak aqsok: aptegyágweykmek ekpasmo m'a Egipto, keñe apmeyeykekxo nahan ma'a Asiria.

¹²Apkelmahágkek sa' agkok ma'a, wáhakkasek sa' yám'én ahagkok, kalmok sa', ektémól'a náta élchampeykhal'a néten, almok sa' ko'o eñama apkeltémakxa ekmaso.

¹³“¡Asagkek sa' katnehek ektáhakxa eñama seyamasma! Káhapwak sa' kélmassésseyam, hakte élenmexeykekxeyk ko'o. Émenyeyk eykhe ko'o alwagkasek teyp ma'a, apkelmopwancha'a amya'a eyke chá'a aptamheykegkok sénmexma ko'o.

¹⁴Elpáxamha eykhe chá'a ekyennaqte neyseksa aphéyak néten apkelyetnamakxa', háwe eyke ekmámnaqsoho chá'a sewóneykha. Elyensasha chá'a apyempe'ék sélmaxneya enxoho chá'a hótáhap tén han vino, ¡énmexeykekxeyk ko'o m'a!

¹⁵Élxekmóssegkek axta ko'o m'a, ekméssegkek axta nahan apkelyennaqte, apkeláneykekxeyk eyke apkeltémakxa ekmaso yaqweykenxa hetnéssesek ko'o.

¹⁶Apkelye'eykekxeyk axta eyke m'a aqsok kéleykmássesso, aphawók ma'a yágke ektaqhél'a, megkapayhémól'a negya'asakxa m'a aktek nak. Sókwenaqte sa' kólyetxák kólnápok ma'a apkelámha apmonye'e apagkok nak, eñama éleymáxkoho apkelpaqméteykha, elesmaksek sa' ma'a énxet'ák Egipto.