Read Lengua Sur Amós 1 Bible Online

Amós 1 - Lengua Sur bible

Amós 1

¹Keso amya'a apxawe axta Amós, apteme axta keláneykha nepkések ma'a Tecoa, apcháphássesso axta m'a Dios apkelxeyenma m'a énxet'ák Israel, aptáhakxa axta apqánet apyeyam amonye' ekwe m'a xóp ekyawheykha, apyennaqtamakxa axta m'a Ozías, wesse' apwányam axta m'a yókxexma Judá, tén han ma'a Jeroboam, Joás axta apketche, wesse' apwányam axta m'a Israel.

²Xama axta éxtegyawa appeywa Wesse' egegkok appaqmeta m'a egkexe Sión, cham'a Jerusalén nak, kelyameygkek axta pa'at ma'a yókxexma, yamakak axta nahan exma m'a naw'a nak egkexe Carmelo.

³Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Damasco, megkatnehek sa' mallegassáseykegkoho; hakte nápakha'a apketkók aptemessáseykegkok ma'a apheykha nak Galaad máxa aptemessessók ma'a hótáhap apaktek kélchexakkassól'a apyempe'ék, kélmeykhal'a m'a aqsok éxakkassól'a apyempe'ék élánamáxchel'a sawo.

⁴Cháxa keñamak peya nak ko'o awatnek ma'a wesse' apwányam Hazael apxagkok, kalwatnek sa' nahan Ben-hadad apxagkok apkelyawe nak xa táxa nak.

⁵Eynnaqtések sa' émpehek almeykesagkok ma'a atña'ák nak tegma apwányam Damasco; amasséssók sa' ma'a wesse' nak yókxexma Bicat-avén tén han apkeláneykha nak ma'a apchókxa Bet-edén, keñe sa' sirios elmakpok, kólnaqlakxak sa' ma'a Quir.” Wesse' egegkok apxeyenma xa.

⁶Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Gaza, megkatnehek sa' mallegassáseykegkoho; hakte apkelmomchek axta apyókxoho énxet'ák, keñe apkexakhagweykmo ekha ekyánmaga m'a Edom, yaqwayam etnahagkok kélásenneykha naqsa.

⁷Cháxa keñamak peya nak ko'o awatnek ma'a kélhaxtegkesso nak tegma apwányam Gaza, kamasséssók sa' tegma apkelyawe apagkok xa táxa nak.

⁸Amasséssók sa' ko'o m'a apheykha nak Asdod, tén han apkeláneykha nak apchókxa m'a Ascalón. ¡Aktamagkok sa' ko'o yetlo sekmowána m'a Ecrón, esawhakpohok apagko' sa' eletsapok ma'a filisteos!” Wesse' egegkok apxeyenma xa.

⁹Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Tiro, megkatnehek sa' mallegassáseykegkoho; hakte apkelméssegkek énxet'ák apkelma m'a énxet'ák Edom, cham'a apyókxoho énxet'ák aphéssamo axta mók apkelpaqhetchásamákpoho m'a apnámakkok.

¹⁰Cháxa keñamak peya nak ko'o awatnek ma'a kélhaxtegkesso nak tegma apwányam Tiro, kamasséssók sa' tegma apkelyawe apagkok xa táxa nak.”

¹¹Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Edom, megkatnehek sa' mallegassáseykegkoho; hakte yetlo sókwenaqte apkelmeykha apmenxeneykha m'a apkelyáxeg'a israelitas, meyke apkelmopyóseka apkelányo. Megyésseykekxak apkeltaqnagkama, megkamassegweykmok apkello.

¹²Cháxa keñamak peya nak ko'o awatnek ma'a tegma apwányam Temán, kamasséssók sa' tegma apkelyawe nak Bosrá xa táxa nak.”

¹³Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Amón, megkatnehek sa' mallegassáseykegkoho; hakte apkelpáxqatcháseykegkek axta awokma'ák kelán'ák lós'awo', ekheykha nak Galaad, apmáheyo eyánchesagkok ma'a xapop apagkok.

¹⁴Cháxa keñamak peya nak ko'o awatnek ma'a kélhaxtegkesso nak tegma apwányam Rabá, kamasséssessók sa' tegma apkelyawe apagkok xa táxa nak, neyseksa élpayheykha apatña'ák énxet'ák kempakhakma, tén han éxtegyawà ektémól'a éxchahayam ekyennaqte.

¹⁵Keñe sa' wesse' apwányam apagkok kólyentemekxak katnahakxa apchókxa', yetlo m'a apyókxoho énxet'ák apagkok ekha nak kéláyo.” Wesse' egegkok apxeyenma xa.