Read Lengua Sur Jonás 2 Bible Online

Jonás 2 - Lengua Sur bible

Jonás 2

¹Apkelmaxnakkek axta Jonás Dios Wesse' apagkok kañe' kelasma ekyawe awáxok.

²Aptáhak axta s'e: “Wesse', neyseksa ekmaso setnahakxa axta ko'o ekwóneyha exchep, apleg'ak axta nahan. Apkelmaheykegkaxa apkeletsapma axta payhok sekwónegkaxa exchep, apleg'ak axta nahan sekwóneykha.

³Eyenyenteyk axta exchep éttawanyexa agko' nak wátsam ekwányam, eyapchek axta yegmen ényé. Élyeyk'ak axta nahan élyaqyahayam élyawe apcháphasso axta exchep.

⁴Éneykek axta ko'o hetekkásak ma'a aphakxa nak xép; xénchek axta ewáxok mótekxók chá'a m'a tegma appagkanamap apagkok aptaqmalma nak.

⁵Ewakha'ak axta ko'o yegmen; eyapchek axta m'a wátsam ekwányam ekmattawóneg nak, kelpextetchek axta épátek ma'a yegmen ekto.

⁶Ekweywegkek axta kañók agko' ekweykmoho m'a awhak meteymog nak. ¡Éneykek axta matyepe'! Xép axta eyke ewagkásak teyp Dios Wesse' ahagkok, semallahanchesa nétsapma.

⁷Wesse', xama axta peya kamaskok sekyennaqte, tén ekxéna ewáxok xép; wokmek axta sélmaxnagko m'a tegma appagkanamap apagkok aptaqmalma nak, cham'a aphamakxa nak xép.

⁸Eyensamhok chá'a exchep apkelyetleykha m'a apkelpeykessamo nak chá'a kéleykmássesso.

⁹Almések sa' eyke ko'o exchep seknaqtósso sélnapma, yetlo sekmeneykmasso sekmésso ekxeyenma ewáxok. Alának sa' ma'a séltennasso axta alána'. ¡Wesse', xép apwánxa apagkok, apmopwána hegwagkasek teyp!”

¹⁰Keñe axta Wesse' egegkok apkeltamho kayekxagwók kelasma ekyawe Jonás ma'a néten xapop.