Read Lengua Sur Deuteronomio 23 Bible Online

Deuteronomio 23 - Lengua Sur bible

Deuteronomio 23

¹“Énxet élpaqxo nak chá'a apancha'ák essenhan ma'a kélyaqténchesso nak chá'a apmeykha, mopwanchek etnehek Wesse' egegkok énxet'ák apagkok.

²“Mopwanchek sa' etnehek Wesse' egegkok énxet'ák apagkok ma'a kélketchek apkelánteyapma naqsa nak chá'a ekho meyke apyapmeyk, kawakxohok sa' nahan ma'a kaxwe apmáheyo nak elántépekxak makham ma'a egmonye'.

³“Mopwanchek apagko' sa' etnahagkok Wesse' egegkok énxet'ák apagkok ma'a amonitas tén han ma'a moabitas, kawakxohok sa' nahan ma'a apmáheyo nak elántépekxak makham ma'a egmonye';

⁴hakte axta elmeyáseykegkok kéxegke yegmen tén han kéltéyak ma'a kélyeykhágweykmo axta m'a xapop apagkok nak, natámen axta kélánteyapma m'a Egipto; apyánmagkassegkek axta nahan yaqwayam elhak kéxegke aqsok ekmaso m'a Balaam, Beor apketche, apkeñama axta m'a yókxexma Petor Mesopotamia.

⁵Axta eyke yaháxenmók Dios Wesse' kélagkok ma'a Balaam, aptemessáseykekxeyk axta aqsa aqsok éltaqmalma m'a aqsok ekmaso yaqwayam axta eykhe yehekxak kéxegke, hakte apkelásekhayo'.

⁶Nágkólpásem aqsa chá'a kóltegyesha ektaqmalma apheykha yókxoho ekhem neyseksa kélheykha xa énxet'ák nak.

⁷“Eyke nágkóltaqnawák chá'a m'a edomitas, hakte kélteme kélnámakkok kéxegke m'a; tén han ma'a egipcios, hakte kélheykha axta kéxegke m'a apchókxa nak;

⁸apwanchek sa' chá'a etnahagkok Wesse' egegkok énxet'ák apagkok ma'a aptawán'ák nak.

⁹“Kélyo'ókmek sa' agkok chá'a kéxegke kempakhakma kólempakhak ma'a kélenmexma nak, nágkóllána chá'a xama enxoho m'a aqsok ényetséssamo nak chá'a egyempehek, cham'a kélpakxenwánxa enxoho chá'a.

¹⁰Yetneyk sa' agkok chá'a kélxama kéxegke ekmanyása apyempehek, eñama apyegkenmo neyseksa apteyenma axta'a, kéméxcheyk etyapok chá'a m'a apkelpakxeneykegkaxa nak, xama ekhem sa' nahan chá'a katnehek metaxnegweykta m'a.

¹¹Keñe sa' ma'a ektaxnakmo enxoho eyaqpaksek yegmen, apwanchek sa' etaxnegwakxak makham apkelpakxeneykegkaxa m'a ekyáqtésa enxoho.

¹²“Sa' nahan kólpekkenek chá'a kéxegke kélteyásseykekxexa m'a teyp nak kélpakxanma, cham'a yókxexma nak.

¹³Yámet sa' eyke chá'a kólsakxak kélmeyákxo enxoho chá'a m'a, yaqwayam sa' kólmetmok chá'a m'a kélmakókxa enxoho chá'a kóltésha, keñe kélpenchesa enxoho chá'a, kólápekxak xapop ma'a kélteyáseykha nak.

¹⁴Hakte apweynchámeykha kélnepyeseksa kéxegke Dios Wesse' kélagkok ma'a kélpakxeneykegkaxa nak, yaqwayam elmeyók tén han egkések yaqwayam kólmenxenek ma'a kélenmexma nak; cháxa keñamak eyeyméxko nak katnehek ekpagkanamaxche m'a kélpakxeneykegkaxa nak kéxegke, yaqwayam enxoho métyehek xama aqsok ekmanyása agko' Dios ma'a kañe' nak, hakte apwet'ak sa' agkok aqsok ekmanyása m'a kañe nak, kamaskok sa' apha kélnepyeseksa kéxegke.

¹⁵“Apxégánegkessek agkok wesse' apagkok xama kélásenneykha naqsa, keñe apkelmaxnegwa'a enxoho kéxegke yaqwayam kóltaqmelchesek. Nágkólmeyásekxa aqsa m'a ektáha nak nanók wesse' apagkok.

¹⁶Kólho sa' aqsa exek kélnepyeseksa kéxegke m'a tegma apwányam ekleyókxa enxoho apwáxok tén han ma'a apkelyéságkaxa enxoho yaqwánxa exek, méko sa' nahan kalya'aksek exma.

¹⁷“Méko sa' xama énxet tén han kelán'a israelitas kagkésaxchek ma'a nentémakxa ekmaso nak mansexta, apkeláneykegkohol'a chá'a énxet'ák melya'áseyak nak Dios elpeykeshok ma'a aqsok apcháyókxa.

¹⁸Nágkólsakxa aqsa kéxegke kólyánmagkasek kañe' Dios Wesse' kélagkok tegma appagkanamap apagkok ma'a aqsok ekxénamaxche nak yaqwayam kalanaxchek ma'a selyaqye eñama nak ekwetamaxche xa ektéma nak élánamáxche nentémakxa ekmaso mansexta, hakte megkalchek agko' apwáxok elanok Wesse' egegkok élánamáxche nak xa ektéma nak aqsok.

¹⁹“Nágkólána aqsa eyánmagkásekxohok mók néten kélmassáseykha aqsok kélagkok ma'a kélókxa xamo' nak, cham'a selyaqye nak, tén han ma'a aqsok nentamakxa nak essenhan ma'a mók aqsok kélmeykekxohol'a chá'a mók néten ekyánmaga agmaha.

²⁰Sa' eyke kélwanchek kólának eyánmagkásekxohok mók néten xama aqsok kélmassáseykha m'a énxet apkeñama nak mók apchókxa, eyke nágkóltemésses ma'a kélókxa xamo' nak. Keñe sa' etaqmelchessesek chá'a Dios Wesse' kélagkok ekyókxoho aqsok kéllanakxa enxoho chá'a m'a apchókxa kélmaheyókxa nak kólhamok.

²¹“Kéltennássek sa' agkok chá'a aqsok kélmáheyo kóllának ma'a Dios Wesse' kélagkok, kóllána chá'a ekmanyehe agko', hakte megkatnehek sa' melmaxneyeykekxoho Dios Wesse' kélagkok megkóllana enxoho m'a, keñe sa' kalpehemmok kéllánéyak megkólya'assáxma.

²²Agkok chá'a kóltennásak xama aqsok yaqwayam kóllának ma'a, megkóllañek chá'a xama enxoho m'a megkólya'assáxma;

²³eyke m'a ekxeyenma agko' enxoho chá'a kélwáxok kóltennaksek aqsok yaqwayam kóllának ma'a Dios Wesse' kélagkok, kéméxcheyk chá'a kóllána'.

²⁴“Kélántaxnegwokmek sa' agkok chá'a neyseksa apkeneykekxexa anmen yámet ma'a kélmók, kélwanchek chá'a kóltawagkok ma'a ekyexna nak ekwánxa enxoho chá'a kélmakókxa kóltók, eyke megkólwanchek kólsakxak xama enxoho kólxatmok ma'a xama kélxata nak.

²⁵Kélántaxneyk agkok nahan nepyeseksa m'a hótáhap apkeneykekxa nak, kélwanchek kóltéhek kélmék kólnakxek ma'a apyexna nak, eyke megkólwanchek kólyaqtennek kóltéhek ma'a sawo ekhaxe nak.