Read Lengua Sur Josué 12 Bible Online

Josué 12 - Lengua Sur bible

Josué 12

¹Keso apkelwesse'e apkelwányam apkelnapma axta m'a israelitas, apheykencha'a axta m'a teyapmakxa ekhem, teyp nak wátsam Jordán, keñe han xapop apkelmoma axta eyeynamo m'a wátsam Arnón ekweykekxoho m'a egkexe Hermón, tén han ekyókxoho m'a yókxexma ekteyapmakxa ekhem nak, ekyapwátegweykenxa nak xapop ma'a Jordán:

²Sihón, wesse' apwányam apagkok axta m'a amorreos aphama axta m'a Hesbón. Weykmók axta han apteme wesse' apwányam eyeynókxa m'a Aroer, neyáwa nak wátsam Arnón, keñe han ma'a nekha nak neyseksa m'a ekyapwátegweykenxa xapop, ekweykekxoho m'a wátsam Jaboc, eyeynókxa nak xapop apagkok ma'a amonitas (nekha nak ma'a Galaad),

³weykmók axta han apteme wesse' apwányam ma'a ekpayho nak ekteyapmakxa ekhem ekyapwátegweykenxa xapop ma'a Jordán, eyeynamo m'a wátsam ekpayhegwayam nak Quinéret, ekweykekxoho m'a Wátsam Ekwányam Étsapma nak, ekmahéyak nak ma'a Bet-jesimot, ekpayho nak han ekmahéyak ma'a nepyeyam, ekweykekxoho m'a émhakxa nak egkexe Pisgá.

⁴Tén han ma'a Og, wesse' apwányam axta m'a Basán, apteme axta wánxa xama apkeymomap apkeñama m'a nepyeseksa nak refaítas, aphama axta Astarot tén han ma'a Edrei.

⁵Weykmók axta han apagkok ma'a egkexe nak Hermón, keñe han eyeynókxa m'a yókxexma nak Salcá, tén han eyeynókxa m'a ekyókxoho yókxexma nak Basán, ekweykmoho m'a ektemegwánxa nak néxa yókxexma Guesur keñe han ma'a Maacá, tén han ektemegwánxa nak néxa m'a náxet yókxexma Galaad, ektáha axta apagkok ma'a Sihón wesse' apwányam axta m'a yókxexma Hesbón.

⁶Cháxa apkelwesse'e ektáha axta apmassésseyam ma'a Moisés tén han ma'a énxet'ák Israel, keñe han Moisés apkelméseykegko xapop apagkok ma'a Rubén nak énxet'ák apagkok, tén han ma'a Gad énxet'ák apagkok, keñe han ma'a nápakha nak Manasés énxet'ák apagkok.

⁷Keso ektáha axta apmassésseyam apkelwesse'e m'a Josué, tén han ma'a énxet'ák nak Israel, ekpayho nak ektaxnegwánxa ekhem halep nak wátsam Jordán, eyeynókxa m'a yókxexma Baal-gad, cham'a ekpayhegweykenxa nak xapop ma'a Líbano, néxa m'a egkexe nak Halac, ekpayhémo nak émha m'a yókxexma Seír. Apkelméságkek axta Josué xapop ma'a énxet'ák Israel, yaqwayam etnehek apagkok apagko' meyke néxa, cham'a apagkok axta m'a apkelwesse'e apkelwányam nak,

⁸ekpayho nak yókxexma ekxámakxa meteymog élekhahéyak, ekpayhegweykenxa nak xapop Jordán, ektáhakxa nak nekhaw'ék ekweyweykentamxa nak xapop, xapop meykexa nak énxet, keñe han ma'a yókxexma Négueb. Cháxa xapop nak ektáha axta apagkok ma'a hititas, amorreos, cananeos, ferezeos, heveos, tén han jebuseos.

⁹Keso apkelwesse'e kélmassésseyam axta s'e: wesse' Jericó, wesse' Ai, ketók axta m'a tegma apwányam nak Betel,

¹⁰wesse' nak ma'a Jerusalén, wesse' nak ma'a Hebrón,

¹¹wesse' nak ma'a Jarmut, wesse' nak ma'a Laquis,

¹²wesse' nak ma'a Eglón, wesse' nak ma'a Guézer,

¹³wesse' nak ma'a Debir, wesse' nak ma'a Guéder,

¹⁴wesse' nak ma'a Hormá, wesse' nak ma'a Arad,

¹⁵wesse' nak ma'a Libná, wesse' nak ma'a Adulam,

¹⁶wesse' nak ma'a Maquedá, wesse' nak ma'a Betel,

¹⁷wesse' nak ma'a Tapúah, wesse' nak ma'a Héfer,

¹⁸wesse' nak ma'a Afec, wesse' nak ma'a Sarón,

¹⁹wesse' nak ma'a Madón, wesse' nak ma'a Hasor,

²⁰wesse' nak ma'a Simron-merón, wesse' nak ma'a Acsaf,

²¹wesse' nak ma'a Taanac, wesse' nak ma'a Meguido,

²²wesse' nak ma'a Quedes, wesse' nak ma'a Jocneam ekpayho nak egkexe Carmelo,

²³wesse' nak ma'a Dor, cham'a yókxexma nak Dor, tén han ma'a Goím nak ma'a Guilgal,

²⁴keñe han ma'a wesse' nak Tirsá. Treinta y uno axta apyókxoho apkelwesse'e kélmassésseyam.