Read Lezgi New Testament – ЦӀийи Икьрар Ягья 15 Bible Online

Ягья 15 - Lezgi New Testament – ЦӀийи Икьрар bible

Ягья 15

¹ЦипицӀдин халисан ЧӀере — Зун я, Зи Бубани ципицӀбан я.

²Майваяр тегъидай Зи гьар са хел Ада атӀузва, майваяр гъидай гьар са хел, амайдалайни гзаф майваяр гъурай лугьуз, Ада михьзава.

³Зи гафариз яб гана куьн михьи хьанва.

⁴Куьн За хьухь, Зунни кве жеда. ЧӀередикай атӀай хилевай гьикӀ майваяр гъиз жедачтӀа, гьакӀ квевайни Закай чараз майваяр гъиз жедач.

⁵Зун ЧӀере я, куьн — хилер. Вуж За аватӀа ва Зун не аватӀа, гьада бул майваярни гъида, амма Зун галачиз квелай затӀни алакьдач.

⁶Вуж За амукьдачтӀа, гьам гадарнавай хел хьиз жеда, ам кьурада, ахьтин хилер кӀватӀна цӀуз вегьида, абур куда.

⁷Куьн За амукьайтӀа, Зи гафарни кве хьайитӀа, гьа чӀавуз квез вуч кӀан хьайитӀани, тӀалаб ая, квез гуда.

⁸Зи тилмизар яз куьне бул майваяр гъиз жеда, гьадалди Зи Бубади Вичин баркалла къалурда.

⁹Зун Бубадиз кӀан хьайивал, Зазни куьн гьакӀ кӀан хьанва. Зи кӀанивиле аваз уьмуьр твах.

¹⁰За Зи Бубадин тагькимриз яб гуз, Зи Бубадин кӀанивиле аваз гьикӀ уьмуьр тухузватӀа, гьакӀ куьнени, Зи тагькимриз яб гайитӀа, Зи кӀанивиле аваз уьмуьр тухуда.

¹¹За и гафар Зи шадвал квехъ галаз хьун ва куь шадвал ацӀайди хьун паталай лагьанвайди я.

¹²За квез ихьтин тагьким ийизва: Зун квез кӀанзавайвал, гьакӀ квезни садаз сад кӀан хьухь.

¹³Виридалайни чӀехи кӀанивал — жуван дустар патал чан гун я.

¹⁴За лугьузвай гафар куьне кьилиз акъудзаватӀа, куьн Зи дустар я.

¹⁵ЛукӀраз вичин агъади вучзаватӀа чир жедач. За жуван Бубадивай ван хьайи кьван вири квез чирна. Гьавиляй мад За квез лукӀар лугьузмач. Куьн Зи дустар я.

¹⁶Зун куьне хкянач, куьне ийидай крарин майваяр китӀидайбур тахьун патал, куьн хкягъайди Зун я. Куьне Зи Бубадивай Зи ТӀварцӀелай вуч тӀалабайтӀани, гьам Ада квез гуда.

¹⁷Ингье квез Зи тагьким: садаз сад кӀан хьухь.

¹⁸Дуьньядиз куьн такӀан ятӀа, рикӀел хуьх, адаз Зун квелайни вилик такӀан тир.

¹⁹Куьн и дуьньядикай тиртӀа, дуьньядиз куьн вичинбур хьиз кӀан жедай. Амма куьн и дуьньядикай туш; И дуьньядай За куьн хкягъайвиляй дуьньядиз куьн такӀан я.

²⁰За квез «Нуькер вичин иесидилай артух туш» лагьай гаф рикӀел хкваш. Зун хурук кутунватӀа, куьнни хурук кутада; дуьньяди Зи гаф кьилиз акъудзавайтӀа, ада куь гафни кьилиз акъуддай.

²¹Инсанриз Зун Ракъурнавайди течизвайвиляй, Зун себеб яз абуру куьн хурук кутунва.

²²За атана Зи гафар абуруз лагьаначиртӀа, абурук гунагь тахсир жедачир. Амма гила абурухъ чеб гьахъардай са делилни авач.

²³Низ Зун такӀан ятӀа, гьадаз Зи Бубани такӀан я.

²⁴Залай гъейри, садавайни тежедай крар За абурун арада тавунайтӀа, абурук гунагь жедачир. Амма абуруз За авур кьван крар вири акунатӀани, абуруз Зунни Зи Буба такӀан я.

²⁵Гьа и саягъда абурун Къанунда кхьенвай «Зун себеб авачиз такӀан хьана» лугьудай гафар кьилиз акъатна.

²⁶За Бубадин патавай квез Несигьатдар ракъурда. Ам — Гьакъикъатдин Руьгь — Бубадин патавай куь патав къведа ва Зи гьакъиндай квез шагьидвал ийида.

²⁷Куьнени Закай шагьидвал ийида: куьн Захъ галаз лап гьа сифте йикъалай хьайибур я.