Read Lezgi New Testament – ЦӀийи Икьрар Каласвийриз 1 Bible Online

Каласвийриз 1 - Lezgi New Testament – ЦӀийи Икьрар bible

Каласвийриз 1

¹Аллагьдин къастуналди хкянавай Иса Месигьдин илчи Павелан ва стха ТӀиматӀеян патай

²Каласра авай, Месигьдихъ иман ийизвай, Адаз талукь стхайриз-вахариз. Чи Буба Аллагьдин патай берекатар ва саламатвал хьурай квез.

³Куь паталай авур дуьайра чна датӀана Аллагьдиз — чи Ребби Иса Месигьдин Бубадиз шукур гъизва,

⁴вучиз лагьайтӀа чав Иса Месигьдихъ куьне ийизвай имандикай ва Аллагьдиз талукь вирибуруз куь патай авай муьгьуьббатдикай ванер агакьзава.

⁵Куь иманни муьгьуьббат квев цаварал агакьдайдак кутунвай умудди арадал гъанвайди я. Идакай квез виликдай гьакъикъатдин гафунай — куь патавни атанвай Шад Хабардай ван хьана. И Хабар вири дуьнья тирвал чкӀизва ва Ада бегьер гъизва. Квез сифте яз адакай ван хьана ва Аллагьдин берекат гьакъикъатдаказ кьатӀай йикъалай инихъ дуьнья тирвал гьикӀ бегьер гъизватӀа, гьакӀ куь арадани бегьер гъизва.

⁷А хабардикай квез чи кӀани амадаг, куьн паталди Месигьдиз вафа яз къуллугъзавай Эпафарасавай чир хьана.

⁸Квез Руьгьди гайи муьгьуьббатдикай гьада чаз ихтилатни авуна.

⁹Гьавиляй квекай сифте яз ван хьайи чӀавалай инихъ чна куь гьакъиндай акъваз тавуна дуьаяр ийизва ва куьне Аллагьдин къаст Руьгьдалди ва гьар жуьредин камалдалди кьатӀун тӀалабзава.

¹⁰Куьне Ребби рази жедайвал уьмуьр тухун паталай чна дуьаяр ийизва. Куь хъсан крари гьар са жигьетдай бегьер гъурай ва куьне Аллагь мукьувай кьатӀунрай.

¹¹Ада Вичин къуватдин ва зурбавилин куьмекдалди, квевай вири крара дурум гуз ва эхи ийиз жедайвал, куьн мягькем авурай.

¹²Квез Аллагьдин экуь Пачагьлугъда Вичиз талукьбурун ирсиникай пай къачудай алакьун гана. Ам квез гайи Цаварин Бубадиз шаддаказ шукур ая.

¹³Ада куьн мичӀивилин гьукумдикай хиласна ва куьн Вичин рикӀ алай Хцин Пачагьлугъдиз тухвана.

¹⁴Хцелди чав хиласвал, гунагьрилай гъил къахчун агакьна.

¹⁵Иса Месигь Аллагьдин къамат я таквазвай, халкьнавай кьван виридалай Ам виликдай авазвай.

¹⁶Адан куьмекдалди цаварал ва чилерал алай кьван вири, аквазвайди ва таквазвайди халкь авуна: чеб кӀандатӀа тахтар хьурай, кӀандатӀа гьакимвилер, кӀандатӀа регьбервилер ва кӀандатӀа гьукумар — вири Гьадан куьмекдалди ва Гьам патал халкь авуна.

¹⁷Вири халкь ийидалди вилик Ам авазвай, халкьнавай кьван вири Гьадалди къайдада ава.

¹⁸Ам Бедендин кьил я, иманийрин КӀватӀалдин кьил я, Ам виридан эвел я, вири патарихъай сифтегьанди хьун патал, кьена чан хтайбурун арадани Ам сад лагьайди я,

¹⁹куьз лагьайтӀа Аллагьдин вири ацӀайвал Месигьда аваз хьун Аллагьдиз кӀан хьана.

²⁰Хашунал экъичай Месигьдин Иви себеб яз, Адан куьмекдалди цаварал ва чилел алай кьван вири Аллагьди Вичихъ галаз туькӀуьр хъувуна.

²¹Са мус ятӀани куьн Аллагьдивай яргъа тир ва чӀуру крарихъ элкъуьрнавай куь акьулдалди Адахъ галаз мидявиле авай.

²²Амма исятда Месигь Вичин Бедендин кьиникьдалди Аллагьди куьнни Вичихъ галаз туькӀуьр хъувуна, вучиз лагьайтӀа Адаз куьн пакбур, рехне квачирбур ва леке алачирбур яз Вичин вилик акъвазариз кӀанзавай.

²³Куьн имандин бинедал ян тагана амукьайтӀа, цаварин кӀаник квай виридаз муштулух яз ганвай ва квезни ван хьанвай Шад Хабарди квез ганвай умуддикай къерех тахьайтӀа, гьакӀ женни ийида. Закай, Павелакай, лагьайтӀа и Шад Хабардиз къуллугъзавайди хьанва.

²⁴Гила за куь паталай азаб чӀугвазва лугьуз шадвал ийизва. Месигьди Вичин Беден патал, яни иманийрин кӀватӀал патал заз тайинарнавай бедендин азабар чӀугун за тамамар хъийизва.

²⁵Аллагьдин эмирдалди заз и кӀватӀалдиз къуллугъ ийидай мумкинвал гана. Ада заз Вичин гаф вири тамамвилелди квев агакьарунин эмир гана.

²⁶А гаф инсанар патал асирдай асирдиз, несилрай несилриз сир яз амукьзавай, амма гила ам Адаз талукьбуруз ачух хьанва.

²⁷Месигьди куь рикӀера уьмуьр тухузвайвиликай ибарат сир вири халкьар паталди гьикьван зурба ятӀа, Аллагьдиз чириз кӀан хьана. Инлай кьулухъ жедай баркалладик куьне кутазвай умуд Месигь я.

²⁸Гьар са кас геле тваз ва адаз чирвал гуз, чна Месигьдикай хабар гузва. Гьар садакай акьалтӀай месигьи хьун патал, чна вири камалдикай менфят къачузва.

²⁹Дуьз лагьайтӀа, и кар патал за Месигьдилай къвезвай, зак акатна, гуж аваз гьерекат ийизвай къуват кардик кутаз зегьметни чӀугвазва.