Read Lezgi New Testament – ЦӀийи Икьрар Каласвийриз 4 Bible Online

Каласвийриз 4 - Lezgi New Testament – ЦӀийи Икьрар bible

Каласвийриз 4

¹Агъаяр, куь лукӀарив гьахъ-михьивал гваз ва лайихдаказ, квехъ цаварал Агъа авайди рикӀел хвена, эгечӀа.

²ДатӀана дуьаяр ая. Дуьа ийидайла, уях хьухь ва Аллагьдиз шукур гъваш.

³Зун исятда гьа Месигь себеб яз къазаматда ава. Аллагьди чи хабардиз рак ахъаюн патал, Месигьдин сирдикай хабарар гун патал чи гьакъиндайни дуьаяр ая.

⁴А сир инсанриз завай лазим тир саягъда ачухиз хьун патал тӀалаб ая.

⁵Иман тийизвайбурухъ галаз рафтарвиле вахтуникай дуьздаказ менфят къачуз, камал къалура.

⁶Къуй куь ихтилатар хуш жедайбурни кьел квайбур хьурай, квелай гьардаз герек жаваб гуз алакьрай.

⁷Закай квез играми стха, вафа тир къуллугъзавай, Ребби патал чӀугвазвай зегьметда зи амадаг Туьхика вири суьгьбетда.

⁸Чун авай гьаларикай квез чир хьун патал ва куьн кӀубан авун патал, за ам куь патав ракъурни ийизва.

⁹Ам куь патав чи гьакъикъи ва играми стха, куь ватанэгьли Энесим галаз къведа. Абуру ина жезвай кьван вири крарикай квез суьгьбетда.

¹⁰Захъ галаз къазаматда авай АристӀархани квез саламар лугьузва. Барнабадин имидин хва Маркани квез саламар лугьузва, за адан гьакъиндай куьн тагькимар авунай. Ам куь патав атайтӀа, ам мугьмандиз ийидай гьуьрмет хвена кьабула.

¹¹Вичел Юст лакӀаб алай Исадини квез саламар лугьузва. Зи амадагрин арада авай-авачир чувудар гьабур я. Абуру Аллагьдин Пачагьлугъвал патал кӀвалахзава ва заз теселли гузва.

¹²Иса Месигьдиз къуллугъзавай гьа куь Эпафарасани квез саламар лугьузва. Аллагьдиз квевай кӀани вири кардал куьне тамамвилелди ва агъунваз амал авун патал Эпафараса датӀана вири рикӀелди куь хийирдиз дуьа ийизва.

¹³Ада куьн ва Ладикейдани Гьерапулда авай иманияр патал кӀевелай кӀвалахзавайдан шагьид зун я.

¹⁴Чи играми жерягь ЛукӀади ва Димаса квез саламар лугьузва.

¹⁵Ладикейда авай стхайриз, гьакӀни Нимфадиз ва адан кӀвале кӀватӀ жезвай иманийриз зи саламарни лагь.

¹⁶Квез и чар кӀелай чӀавуз ам Ладикейдиз, гьанани кӀелун патал, ракъура. Куьнени Ладикейдай квев агакьардай зи чар кӀела.

¹⁷АрхипӀаз вичел Реббиди тапшуругъ авунвай къуллугъ эхирдал кьван твах лагь.

¹⁸За, Павела, жуван гъилелди кхьизва: квез зи патай саламар. Зун бухавра авайди рикӀел хуьх. Берекат квехъ галаз хьурай.