Read Lezgi New Testament – ЦӀийи Икьрар 1-Саланиквийриз 1 Bible Online

1-Саланиквийриз 1 - Lezgi New Testament – ЦӀийи Икьрар bible

1-Саланиквийриз 1

¹Павелан, Силаван ва ТӀиматӀеян патай — Аллагь Бубадиз ва Ребби Иса Месигьдиз талукь яз Саланикда авай иманийрин кӀватӀалдиз. Берекатар ва саламатвал хьурай квез!

²Куьн ва куь имандин крар, куьне муьгьуьббатдивди кьилиз акъудзавай регьят тушир кӀвалах, чи Ребби Иса Месигьдихъ умуд кваз квехъ авай сабур датӀана жуван дуьайра чи Буба тир Аллагьдин вилик рикӀел хкиз, чна куь виридан паталай гьар чӀавуз Аллагьдиз шукур гъизва.

⁴Аллагьдиз куьн кӀанзава, стхаяр-вахар, ва чаз Ада куьн хкянавайди чизва!

⁵Чи Шад Хабар куь патав тек са гафар яз ваъ, гьакӀни Пак Руьгьдин къуват яз, адан гьакъикъивилихъ акьалтӀай иман яз атана. Квехъ галайла, чун куьн паталди гьихьтинбур тиртӀани, квез чизва.

⁶Куьне чалайни Реббидилай чешне къачуз хьана ва, чӀехи азабриз килиг тавуна, Месигьдикай лагьанвай гаф квез Пак Руьгьди гайи шадвилелди кьабулна.

⁷ГьакӀ тирвиляй квекай МакӀеданда ва Ахайда авай иманияр патал чешне хьана,

⁸гьа и саягъда Реббидин Гаф квелай тек са МакӀеданда ва Ахайда чкӀанач, Аллагьдихъ чи иман авайвиликай хабар виринриз хьана. Чаз гьич са гафни лугьунин гереквал авач.

⁹Вучиз лагьайтӀа куьне чун гьикӀ кьабулнатӀа ва куьне гьикӀ бутар гадарнатӀа ва чан алай, халисан Аллагьдихъ куьн гьикӀ элкъвенатӀа, чаз масадбуру ахъайзава. Куьне гила Аллагьдиз гьикӀ къуллугъ ийизватӀа ва Адан Хва Иса Месигь цаварилай къведайвал гьикӀ куьне вилив хуьзватӀа, чаз ван хьана. Кьейидалай кьулухъ Аллагьди Вичи чан хкай Иса Месигьди чун къвердавай чаз мукьвал жезвай Аллагьдин хъилекай хкудда.