Read Lezgi New Testament – ЦӀийи Икьрар 1-ТӀиматӀеяз 2 Bible Online

1-ТӀиматӀеяз 2 - Lezgi New Testament – ЦӀийи Икьрар bible

1-ТӀиматӀеяз 2

¹Гьа икӀ, виридалайни вилик за тӀалабзава: чавай ислягьдаказ, секиндаказ муъминвал ийиз лайихдаказ уьмуьр тухун патал, Аллагьдиз вири инсанрин, пачагьрин ва гьукум гъиле авай вирибурун паталай аман-минет ва шукурар авуналди, дуьаяр ая.

³И кар чи Хиласкар тир Аллагьдиз хъсанни я, хушни.

⁴Адаз вири инсанар хилас хьана ва абуру гьакъикъат кьатӀана кӀанзава.

⁵«Аллагь сад я», Аллагьдинни инсанрин арада авайдини сад я — ам Инсан Иса Месигь я.

⁶Ада Вичи Вич вири инсанрин паталай эвекь яз гана, Ам дуьньядиз вичин вахтунда ганвай Аллагьдин шагьадатнама я.

⁷Гьавиляй зун чувудар туширбур патал гьакъикъи имандин чархачи яз, илчи яз ва муаллим яз тайинарнава, ва за авайвал лугьузва, табзавач.

⁸Гьавиляй итимри, хъелни гьуьжетар туна, гьар са чкадал пак гъилер хкажиз дуьа авуна кӀанзава заз.

⁹ГьакӀ папарини дамах гвачиз ва абу́р хвена, эдебдал амал авуна, алукӀрай; къуй абуру чеб кифер хруналди, къизилралди, гевгьерралди ва багьа парталралди ваъ,

¹⁰Аллагьдиз бахш хьанвай папари авуна кӀани хъсан краралди чӀагуррай[2].

¹¹Къуй папари секиндиз, тамам табийвиле аваз чирвилер къачурай.

¹²Итимдиз тербетар ва я регьбервал гудай ихтияр за папаз гудач; ада сабур хуьн лазим я.

¹³ГьикӀ лагьайтӀа сифтедай халкь авурди Адам я, ахпа Гьава я,

¹⁴алцурар хьайидини Адам ваъ, паб я, тапунин чӀалахъ хьайиди ва хата авурди гьам я.

¹⁵Амма паб, аяларни хаз, иманда, муьгьуьббатда ва суваб галай паквиле хьайитӀа, хилас жеда.