Read Lezgi New Testament – ЦӀийи Икьрар 1-Ягья 3 Bible Online

1-Ягья 3 - Lezgi New Testament – ЦӀийи Икьрар bible

1-Ягья 3

¹Килиг Бубади чаз гьихьтин муьгьуьббат къалурнаватӀа: чаз Аллагьдин веледар лугьузва! РикӀивайни чун Адан веледар я! Чаз Ам чизвачирвиляй, дуьньядизни чун чизвач.

²Эй кӀанибур, гила чун Аллагьдин веледар я, амма чун вужар жедатӀа, гьеле малум туш. Чаз чизва хьи, Ам атай чӀавуз чунни Ам хьиз жеда, вучиз лагьайтӀа, а чӀавуз чаз Ам гьакъикъатда авайвал аквада.

³Адак ихьтин умуд кутазвай гьар сада вични Ам хьиз михьи ийизва.

⁴Гунагь ийизвай гьар сада къанунар чӀурзава, вучиз лагьайтӀа, гунагь авун къанунар чӀурун я.

⁵Квез чизва, Месигь чалай гунагьар алудун патал атанвайди я. Адахъ гунагьар авайди туш.

⁶Адаз талукь яз амукьай гьар вуж хьайитӀани, а касди мад гунагьар хъийидайди туш. Гунагьар ийизвай касдиз я Ам акунвач, я Ам чизвач.

⁷Чан балаяр, къуй садани куьн алцурар тавурай. Гьахъ-михьи кар ийизвайди, Месигь хьиз, гьахъ-михьи я.

⁸Гунагьар ийизвайди иблисдин патай я, вучиз лагьайтӀа иблисди дуьнья арадал атай сифтегьан йикъалай гунагь ийизва. Аллагьдин Хва иблисдин крар чӀурун паталди атана.

⁹Аллагьдин патай тир гьар ни хьайитӀани гунагьар ийидайди туш, вучиз лагьайтӀа, ам Аллагьдилай я. Ада гунагьар авун мумкин туш, вучиз лагьайтӀа ам Аллагьдин велед я.

¹⁰Вуж Аллагьдин велед, вуж иблисдин велед ятӀа, гьа и кардай чир жеда: гьахъ-михьи кӀвалахар тийизвай ва гьакӀни вичин стха кӀан тийизвай гьар сад Аллагьдин патай туш.

¹¹Ингье гьеле эвелдай квез ван хьайи хабар гьа им я: чаз садаз-сад кӀан жен.

¹²Шийирдин пата авай, вичин стха яна кьейи Къабил хьиз тежен. Ада вичин стха вучиз кьена? Вучиз лагьайтӀа, адан кӀвалахар нагьахъ, стхадин кӀвалахар гьахъ-михьибур тир.

¹³Дуьньядиз куьн такӀанзаватӀа, мягьтел жемир, стхаяр-вахар.

¹⁴Чи стхаяр кӀанзавайвиляй, чаз чизва хьи, чун кьиникьдай уьмуьрдиз атанва. Низ кӀанзавачтӀа, ам ажалдин гьукумдик кума.

¹⁵Вичин стха-вах такӀанзавай гьар са кас ивикъич[1] я. Квез чизвайвал, гьич са ивикъичдизни вичихъ авай эбеди уьмуьр несиб жезвайди туш.

¹⁶Муьгьуьббат вуч ятӀа, Месигьди Вичин чан чун паталди гайила, чаз чир хьанва. Чнани чи чан чи стхаяр-вахар паталди гун герек я.

¹⁷Са кас дуьньядин мал-девлетдин иеси яз, адаз вичин стха-вах муьгьтежвиле аваз акуна, адан язух къвезвачтӀа, Аллагьдин муьгьуьббат адан рикӀе гьикӀ амукьун мумкин я?

¹⁸Чан балаяр, гафаралди ва мецелди ваъ, рикӀин сидкьидай ва чи краралди чаз Аллагь кӀан жен.

¹⁹Гьа идалди чаз чун гьакъикъатдай тирди чир жеда ва, рикӀи чак тахсир кваз гьисабзаватӀа, Аллагьдин вилик чавай ам секинариз жеда, вучиз лагьайтӀа, Аллагь чи рикӀелай вине ава ва Адаз гьар са затӀ чизва.

²¹КӀанибур, рикӀи чак тахсир кваз гьисабзавачтӀа, чавай жуьрэтдалди Аллагьдин вилик къвез жеда.

²²Чна адавай вуч тавакъу авуртӀани, Ада чаз гузва. Вучиз лагьайтӀа, чна адан тагькимар кьилиз акъудзава ва адаз хуш тир крар ийизва.

²³Адан тагьким ам я хьи, чна Адан Хва Иса Месигьдин ТӀварцӀел иман гъин ва Ада чаз тагьким авурвал, чаз садаз-сад кӀан жен.

²⁴Адан тагькимар кьилиз акъудзавай кас Аллагьдиз талукь яз, Аллагьни гьадаз талукь яз амукьда. Ам чахъ амукьзавайди ада чаз гайи Руьгьдин куьмекдалди чир жезва чаз.