Read Lezgi New Testament – ЦӀийи Икьрар 2-Ягья 1 Bible Online

2-Ягья 1 - Lezgi New Testament – ЦӀийи Икьрар bible

2-Ягья 1

¹Агъсакъалдин патай заз рикӀивай кӀани, хкянавай ханумдиз[1] ва адан веледриз. Тек са заз ваъ, гьакъикъатдин гъавурда акьазвайбуруз виридаз куьн кӀан я.

²Вучиз лагьайтӀа гьакъикъат чахъ галаз ава ва ам даим яз чахъ галазни амукьда.

³Гьакъикъатдалдини муьгьуьббатдалди Аллагь тир Бубадилай ва Адан Хва Иса Месигьдилай атай берекат, регьим ва саламатвал датӀана чахъ галаз санал хьурай.

⁴Ви аялрин арада, Бубади чаз тагьким гайивал, гьакъикъатдив кьадайвал уьмуьр тухузвайбур хьунал зун гзаф шад хьана.

⁵Гила, ханум, за ваз цӀийи тагьким кхьизвач, им чаз сифтедилай авай тагьким я: чаз садаз сад кӀан жен.

⁶И кӀанивал адакай ибарат я хьи, чна Адан тагьким кьилиз акъудун герек я. Квез сифтедилай гьа и тагькимдин ван атанва. Гьа тагькимдалди гьерекатни ая.

⁷Иса Месигь инсандин бедендаваз атанвайди кьабул тийизвай гьиллебазар дуьньядал гзаф пайда хьанва.

⁸Килиг гьа, чна зегьмет чӀугуна кӀватӀай затӀар квадармир ва куь зегьметдин эвездай бегьем савкьват къачуз алахъ!

⁹Ни Месигьди чирайвал уьмуьр тухузвачтӀа, маса рекьерай физватӀа, адахъ Аллагь авач. Вуж Адан тарсариз вафа хуьз амукьзаватӀа, адахъ гьам Буба, гьамни Хва ава, яни Аллагь ава.

¹⁰Са вуж ятӀани куь патав Иса Месигьдин ваъ, маса тарсар гваз атайтӀа, куьне ам кӀвализ ахъаймир ва адаз салам гумир.

¹¹Ни ахьтин касдиз салам гузватӀа, ам гьа касдин пис кӀвалахрив шерик жезва.

¹²Захъ квез лугьудай гафар мад гзаф ава, амма заз абур чарчин ва девитдин куьмекдалди лугьуз кӀанзавач. Куь патав атана, квехъ галаз чин-чинал рахуник за умуд кутазва, чи шадвал бегьемди жедайвал.

¹³Ваз ви хкянавай вахан веледрин патай саламар!