Read Limbum Ñwaè' Koèlosïì 3 Bible Online

Ñwaè' Koèlosïì 3 - Limbum bible

Ñwaè' Koèlosïì 3

¹Weèe rïìñ ená Nyúè aè gee weèe aè fúú efa rkwe weèe Jisoès Kraâis weèe, baná weèe lá ntee ba aè buu embe buèu, mbe dïì' Jisos Kraâis yu, a cu aè rkoo maè' Nyúè.

²Kuè ce kwa'shi neè ba aèmboè buu embe buèu, ke' ba aèmboè buu enjep ñgoèñ ka'.

³Weèe kwa'shi wa'a njobeè' weèe aè m kwe, le ryoèñ li ba njep Jisos Kraâis ce e yu a Nyúè, Nyúè aè kupshïì ryoèñ anaè a lá neè weèe.

⁴Le ryoèñ yu Jisos Kraêis. Be keè ba aè nfeè' ce e nyáá, tá weèe woweèe ba aèbee, tá weèe túr ñgúè' moè' efa foèo ce Nyúè aè fa neè ye.

⁵Baná weèe borni njáèá buu ce weèe aè m ce geèe aè nfeè' weèe aè m ce cu ba rcu enjep ñgoèñ na naè. Loèr neè buu anaè aèmboè buu ce vi kwe wa'a. Maè'shi neè bsaèkïì ba mká'ni, borni ñgeâe bebep wááwá, ba mkwaè'shïû mmbembep. Fa baèñ mmir aè buu ka', njobeè' aè ka' ce baèñ mmir aè buu baná wáè loèr buu anaè aèmboè yu Nyúè wa'a.

⁶Njáèá buu bbebep ca vi geèe Nyúè ce ko'si rshentee neè beèe.

⁷AÈ m ba aè nfeè' entombïì weèe aè ce geèe njáèá ñgeèe ca, njáèá mkwaè'shïì aè rgeèe buu ca mi túr ñger mbe weâe nduè.

⁸AÈ ka' ba seè'ni ce weèe Jisos Kraâis weèe yu aèbee na, baná weèe borni ñgeâe bebep. Fa ba ñwáè rshentee káè ñwáè ncápntee ka'. Fa kwaè'shi bebep aèmboè ñwáè moè' ka'. Fa ba ñwáè mnsa'ni ka'. Fa maè'shi tá blaâa bbebep vi fúú eku wáâ cuèu ka'.

⁹Fa nya' neè mnde' neè ñwáè moè' ka', njobeè' weèe aè maè' ye ñgeâe rúèú ce weèe aè m ce geèe naè,

¹⁰a lor seè'ni ba ñgeâe fi. Nyúè ce e m boo weèe aè beâe bfi ca ce kupshi ye ñgeèe ca tá yi bo ba aèmboè ñgeèe yi, tá weèe bo rïìñ ye boèñboñ.

¹¹AÈ ka ba njobeè' weèe aè túr ba ñgeâe fi seè'ni na, jáá jáèá jáá ker ba fa weâe mú ka'. Jus a yu jáá efa beèe enje jáá ka'. Beèe ce a geèe búè a yu jáá efa beèe ce a yu mbáè'nsúèr ka'. Ñwáâ aè rïìñ yu jáá ka'. Nfuu bkaè' a yu jáá ka. Jáá jáèá jáá yu aègho mbetar bkwaèa ba boo ka'. Woweèe wááwá a ku ba byáánïì njobeè' a ce yá seè'ni ba Jisos Kraêis, aè ba ye ce e túr beèe wááwá.

¹²Nyúè aè ce weèe ená weèe ba yïì beèe. E koèñ weèe seê. Baná weèe gee ba ñgeèe ce yi duèñshi ená weèe yu yïì beèe. Ce koosi neè mnse neè beèe mo', gee ñgeâe boèñboñ neè woweèe. Loèr neè wee mnyor njep nsheè, ba neè rbonïì-ñwáè, ker kur ntee.

¹³Fa bepsi neè ntee cárcár ka'. Ñwáè moè' ka' gee yuu bebep neè weèe, weèe foosïì ye. Tata Jisoès aè foèosi weèe efa yeè buu bbebep, baná weèe foosi beèe mo' foñ.

¹⁴Yuu ce yi yu lulu seê, yi yu ená weèe koñ beèe, njobeè' rkoèñnïì a yuu ce yi kur buu ca wááwá aèbee, tá weèe bo ba aèmboè Nyúè ce koèñ ená weèe ba.

¹⁵Yá neè ená cumúnyañ ce e loè ese Jisos Kraâis ba njep weâe mntee aè buu wááwá ce weèe ce geèe, njobeè' Nyúè aè ká' weèe ená weèe ba aèbee aèmboè ñwáè moè'sir, neè cumúnyañ-ñwáè. Ce yoñshi neè Nyúè aè nfeè' wááwá.

¹⁶Yá neè ená blaâa Jisoès vi cu njep weâe mntee aè nfeè' wááwá. Loèr bfee ce Nyúè aè fa weèe, yá'ni ker cep aègho. Ku'si Nyúè neè byáá njáèá jáá jáèá jáá. Wee yoèp wa'a, weèe ce yoñshi Nyúè enjep ntee.

¹⁷Buu wááwá ce weèe ce geèe, káè weèe ce laèa áè, geèe neè buu anaè wááwá ba aè rlii Tata Jisoès, ker ce yoñshi Nyúè Taèr a yeâ rlii.

¹⁸Bbyeèñgeê, yu'ni neè neè bduu wee aèmboè beèe ce a ce duè aèmbuèu Tata Jisoès a ba geèe.

¹⁹Mmbañruè, koèñ neè wee bbyeèñge. Fa nyúè' neè woweèe ka'.

²⁰Boêo, yu'ni neè neè weêe bta ba weêe mma aè buu wááwá, njobeè' weèe ka' ce geèe wa'a, Tata yu' rboèñ.

²¹Btar boo, weèe fa geèe ñgeèe aè njáèá njïì ce ntee yi lo yañ boo wee tá bsáè vi lo koo woweèe ka'.

²²Bkwaèa, yu'ni neè neè wee mmasaè enjep ñgoèñ na. Weèe fa kuè ce faè' ba aè nfeè' ce woweèe a ce yá weèe tá woweèe a bo yu' rboèñ neè weèe ka'. Faè' neè neè woweèe neè nteâe mo'sir njobeè' weèe ce wáp Tata Nyúè.

²³Weèe ka' ce geèe ba njáèá ká, weèe gee neè ye ntee wááwá njobeè' weèe ce geèe yuu anaè ba neè ñwáè ka, weèe ce geèe ba neè Tata Jisoès.

²⁴Ñwáè ce e yu yeè masaè yu Tata Jisos Kraêis. E be keè laè' weèe. E be keè fa weèe buu ce e kupshi a lá neè yïì beèe.

²⁵Nyúè be laè' beèe ce a ce geèe buu bbebep aè buu bbebep anaè. E ke so'niñgoèñ ka'.