Read MUKANDA WANZAMBI Genese 13 Bible Online

Genese 13 - MUKANDA WANZAMBI bible

Genese 13

¹Abarama wanyamukili wafumini muEjipitu, niŋodindi, ni antu indi ejima, niyuma yindi yejima, niLoti hamu, hakuya mumpata yakukabeta kakuchidiilu.

²Abarama wadiŋi wasweja kuheta, niŋombi, nisiliva, niwuru.

³Hakwendanjila yakufuma kukabeta kakuchidiilu nakuya nikuBeteli, kwadiŋiitenti dindi hatachi, mukachi kaBeteli naAyi;

⁴hakuya kuna kwadiŋi kameŋa katuŋiliyi hakusambila; kwenoku Abarama hakutambika niijina daYehova.

⁵Loti niyena, owu wayili naAbarama, wadiŋi nawanyikokujindi niampembi jindi, ni aŋombi jindi, nimatenti indi.

⁶Ituŋa dayikeheleli, kutwesha kushakama hamu nehi; mahetawu aswejeli kuvula, hiyatwesheli nawa kushakama hamuku.

⁷Kwanyamukili ndombu mukachika watubiŋa abiŋilaŋa ŋombi jaAbarama nawatubiŋa abiŋilaŋa ŋombiji Loti; henahana ni aKenani ni aPerizi ashakamini mwituŋa.

⁸Abarama hakumwila Loti, nindi, Bayi hekala ndombu, mwani, nanamihela nawatubiŋa twami natubiŋa tweyuku; muloŋa etu mwivumu detu.

⁹Ituŋa dejima odu, hiwunadi monuku? Ambukakuku, mwani, kudami; neyi wukuya yachikasa chachimunswa ami nukuya yachikasa chachidiilu, neyi eyi wukuya yachikasa chachidiilu ami nukuya yachikasa chachimunswa.

¹⁰Loti wafumbwili mesu indi, hakumona chana chaYodana chejima, komana chi kweti tuloŋa kwejima, henohu Yehova kanda ajilumuni Sodoma naGomoraku, chadiŋi neyi itempa daYehova, chadiŋi neyi ituŋa daEjipitu mutamba wakutwala kuZowari.

¹¹Loti hakutonda chana chaYodana chejima; Loti wayili kwindi kumusela; aambuka nikwambuka, iwu nakwambuka kudi mukwawu.

¹²Abarama washakamini mwituŋa daKenani, Loti niyena washakamini munyikala yakuchana, walemeni itenti dindikwoku Sodoma kachi.

¹³Ilaŋa dinu amayala akuSodoma adiŋi atama, adiŋi akwakuvulumuna Yehova nankashi.

¹⁴Cheliliyi Loti naambuki dehi kudi yena, Yehova hakumwila Abarama, nindi, Fumbulaku mesu eyi, hana hiwekala, wutali nikukabeta, nikukabeta, nikumusela, nikumujika;

¹⁵ituŋa dejima diwukumonodu, nakakwinkadu, deyi nidawanya neyi haya nyaka.

¹⁶Nianyaneyi nakayivulisha neyilunkupu lwahamaseki; neyi lunkunu lwahamaseki anatweshi kuluchinda, nianyaneyi akayichinda nawa.

¹⁷Nyamukaku, wuyi nakwendesha mwituŋa nimudale hela nimudatohela; muloŋa nakakwinkadu.

¹⁸Abarama hakubwitaniitenti dindi, hakuya nakushakama kunyikula yaMamiri, yekala muHeberoni, yonamutuŋilaku Yehova nikamena kindi.