Read MUKANDA WANZAMBI Genese 15 Bible Online

Genese 15 - MUKANDA WANZAMBI bible

Genese 15

¹Chimwahitili yeniyi, izu daYehova dashikili kudi Abarama muchi mwenu, nakumwila nindi, Bayi wutiyaŋa womaku, eyiAbarama; ami yami nkebu yeyi, yami wuloku weyi wasweja kutoha.

²Abarama nindi, Eyi Mwanta Yehova, wukunyinkadi, ami nukwenda makasa, mwana hinikwetuku, ninona wakaswana mukala wami diyi Eliyezawa kuDamakasa.

³Abarama nindi, Tala tuhu mwani, ami hiwunanyinkimwanaku, nimuntu wadivwalikila mumukala wami diyi nswana yami.

⁴Kutiya izu daYehova hidikwinza kudi yena nakumwila nindi, iyali wuhakela nswana yeyuku, ilaŋa muntu wakafuma mwivumu deyeyi awenidiyi wakela nswana yeyi.

⁵Hakumwidisha hanzi, nindi, Talaku tuhumwiwulu, wuchindi tutumbwa neyi wunatweshi kutuchinda; hakumwila nindi, Dichi chakela anyaneyi chochina.

⁶Yena wamwitiyili Yehova; Yehova wamufuukwililichu nindi hikuloŋa.

⁷Hakumwila nindi, Ami yami Yehova nakufumishili muUri wawaKaladeya, nami nakakwinki ituŋidi wakadiswani.

⁸Kuchinka yena nindi, Mwanta Yehova, nukwiluka ŋahi nami nakadiswana?

⁹Hakumwila nindi, Nkwatili niŋombi wamukaji wanyaka yisatu, nimpembi wamukajiwanyaka yisatu, nichizamba chamukoku wanyaka yisatu, niiyembi, nikapompakachidi mwana.

¹⁰Yoyikwata ejima, yoyibalula nihakachi, yoyitente kamutamba iku mutamba iku; ilaŋa tudya hatubalwiluku.

¹¹Atujila hiyakuwila nihambiji, Abarama hakuyihaŋa.

¹²Chidayili nakuhuma itaŋwa, tulu twatweni twamuweni Abarama; niwoma wamwidima waweni wumukwata nikumukwata.

¹³Hakumwila Abarama, nindi, Ilukaku chalala neyi anyaneyi akela aŋeji mwituŋa dambala, akayikalakela; akayikabisha nyaka makulakaji awana;

¹⁴wena muzowu akakala kelawu nakawusompesha; hakukuminaku akafumamu namaheta aweni.

¹⁵Hakwila eyi wakaya kwaya atata jeyi chachiwahi chakumona kuwunda zo-o; amba kakujiika hawushinakaji wawuwahi.

¹⁶Mufwa awa muhiŋa acheŋi, mufwa awa muhiŋa acheŋi, mufwa awa muhiŋa acheŋi akafunta cheŋi kunu; muloŋa kuluwa kwa waAmori kuchidi kanda kuwani.

¹⁷Chelili itaŋwa daholoka dehi, kuneli dehi nimwidima, kutala luteŋu lukuka kumuka wishi, nichimunyi chikubutuka kesi, chikuhita mukachi kanyitamba yanyama.

¹⁸Denodu ifuku odu Yehova watiyaŋeni naAbarama, nindi, Anyaneyi nayinki ituŋidi, kufumisha kukaloŋa kaEjipitu nakushikanikuka loŋa keneni, yowu Yufurati;

¹⁹niaKeni, niaKenizi, nia-Kadimoni,

²⁰niaHiti, ni aPerizi, niaRefwa,

²¹niaAmori, ni aKenani, niaGirigashi, niaYebusi.