Read MUKANDA WANZAMBI Genese 16 Bible Online

Genese 16 - MUKANDA WANZAMBI bible

Genese 16

¹Ilaŋa Sarayi iŋoda Abarama hamuvweleli anyanaku; yena wadi ijina nduŋu yindi wamumbanda, kaEjipitu, ijina dindi Haga.

²Sarayi hakumwila Abarama, nindi, Tala dinu, Yehova nanlekeshi kuvwala anyana; epili mwani, mudi nduŋu yami, wamba kela nakamwena anyana kudiyena. Abarama wetejeli mwizu daSarayi.

³Dichi heliliyi Abarama nashakami dehi mwituŋa nyaka ikumi, iŋoda Abarama Sarayi hakunonanduŋu yindi kaEjipitu Haga, hakumwinka nfumwindi Abarama eli Iŋodindi.

⁴Yena hakwijila mudi Haga, Haga hakuba aba niivumu. Chanamoni yinindi naba abi ivumu hakudiwula nkaka yindi.

⁵Sarayi hakumwila abarama, nindi, Kutama kunamonami kushikeni hadeyi. Ami nakwinkelinduŋu yami muntulu yeyi; chanamoniyi nindi naba abi dehi ivumu, hanimona nawa cheŋi kulemaku; Yehova atusompeshi ninami nineyi.

⁶Abarama hakumwila Sarayi, nindi, Hinduŋu yeyeyi aweni, kamwili mwonsu muwunakeŋi eyi aweni. Sarayi hakumukabisha, niyena yomute mukaniku mutemuka.

⁷Kaŋelu kaYehova wamuweni kukaseloki kameji mwikuna, kwokukaselokikekala munjila yakuya kuShuri.

⁸Hakumwihula nindi, Eyi Haga, eyi nduŋu yaSarayi, wunafumi kudihi? Wudi nakuya kudihi? Yena nindi, Nidi nakutemuka nkaka yami Sarayi.

⁹Kaŋelu kaYehova hakumwila nindi, Funtaku kudi nkaka yeyi wakamwovwahilaŋa.

¹⁰Kapelu kaYehova hakumwila nindi, Nakavulisha nankashi anyaneyi, akakaŋanya kuyichinda, nanochu chiyakavula.

¹¹Kaŋelu kaYehova hakumwila nindi, Eyi wudi nevumu, wakavwala mwana weyala, wakanamutumba ijina dindineyi Ishimeli, nanochu chanatiyiyi Yehova chiwunamoni yihuŋu.

¹²Yena mukachi kawantu wakekala neyi chadiyi chimbulu wamumpata; yena wakazuŋa nawantu ejima, niantu ejima akazuŋa nayena; wakashaka makumesu awana kwindi ejima.

¹³Haga wanamutumbili Yehova wahosheliyi nindi ijina, nindi yeyi Nzambi Wamonaŋa; nindi, Hela kunu hinamoniyena wanmonaŋaku, tahindi?

¹⁴Dichi chatumbiluwu ishima dina ijina, nawu Ishima daWahandaŋa Wanimonaŋa; dekala hakachi kaKadeshi naBeredi.

¹⁵Haga wamuvweleli Abarama mwana weyala; Abarama wanamutumbili mwanindi wavweliyi Haga ijina dindi, nindi Ishimeli.

¹⁶Hamwaka wamuvweleluwu Abarama Ishimeli kudi Haga, Abarama washi kili munya kamakumi atanu nasatu nanyaka yitanu nawumu.