Read MUKANDA WANZAMBI Genese 17 Bible Online

Genese 17 - MUKANDA WANZAMBI bible

Genese 17

¹Chashikiliyi Abarama munyaka makumi atanu nawana nanyakayitanu nayiwana, Yehova wadi mwekesheli kudi Abarama, wamwililinindi, Ami yami Nzambi Chinaweji; endaku kumesu ami, ikalaŋawalala chikupu.

²Ami nukutiyaŋana neyi, nakakuvulishila nankashi anyaneyi.

³Abarama wadinatili chamesu indi hamaseki; Nzambi wahoshelinindi.

⁴Nindi, Tiya, ami kwami chitiyaŋenu chami chidi naneyi, eyiwakela nkakulula yamukanka wanyuza.

⁵Ijina deyi hiyakaditena cheŋi nawu Abaramaku, ilaŋa ijina deyi dakekala yeyi Abarahama; muloŋa nakwilishi dehi wunkaleulula wamukanka wanyuza.

⁶Nakakwilisha wunsemi nankashi, nakelisha nyuza kudeyi nianyanta akafuma kudeyi.

⁷Nakakolesha chitiyaŋenu chami chinu kutiyaŋana naneyi, nawanya neyi akakulondela muyamba kavwalikilawu haya nyaka, kulonda kudeyi niikali Nzambi nikudi anyaneyi akalondelamu.

⁸Nakakwinka eyi nianyaneyi akalondelamu ituŋa diwashakama, dodituŋa daKenani dejima, denudahaya nyaka, ninami nakekalaŋa Nzambi yawu.

⁹Nzambi hakumwila Abarahama, nindi, Eyi kweyi, muchitiyaŋenu china tiyaŋanami naneyi wakakakelamu, nineyi nianyaneyi akalondelamu mwejima muyamba kavwalikilawu.

¹⁰Tiya chitiyaŋenu chami chimwakakakela, chiwukutiyaŋana ninami ninenu nianyaneyi akalondelamu; enuamayala ejima akayalamisha.

¹¹Akayalamisha nyivumbu yenu; chakekalachuma chakwilukisha nachu chitiyaŋenu chetu chitunatiyaŋani ninamininenu.

¹²Mwinenu navwaliki dehi mafuku atanu nasatu akamwala misha, amayala ejima muyamba kavwalikilawu, hela wavwalika hamukala, helawakulanda namali naŋeji, mwabula kusemuka nawu.

¹³Hela wakuvwalikaha mukala weyi, hela wakulanda namali eyi, chiŋa kumwalamisha hohu; chitiyaŋenu chami chikwikala kunyijimba yenu hichitiyaŋenu chahayanyaka.

¹⁴Yenowu chidima iyakabula kwalamishawu muvumbu windi, akamufumishi mudi antaŋa jindi; najahi dehi chitiyaŋenu chami.

¹⁵Nzambi hakumwila Abarahama, nindi, Hakwila iŋodeyi Sarayi bayi wakamutena cheŋi ijina dindi neyi Sarayuku, ilaŋa ijina dindi dakekala diyiSara.

¹⁶Nukumukoolekesha, mwamweni nukukwinka mwana weyalanayena; mwalala nukumukoolekesha, wamba kekala nyuza yayeni; anyantaja wantu amba kafuma kudi yena.

¹⁷Abarahama wadinatili chamesu indi heseki, hakuseha, hakuhosha mumuchima windi, nindi, Muntu washika dehi munyaka nkulakaji amuvweli mwana? Sara niyena washika dehi munyaka makumi atanu namakumi awana avwali?

¹⁸Abarahama hakumwila Nzambi, nindi, Ishimeli ahandi mwani, kumesu eyi.

¹⁹Kuchinka Nzambi nindi, Nehi, iŋodeyi Sara diyi wakakuvwela mwaneyi weyala; wakanamutumba ijina dindi, neyi Isaka; nakamukoleshelayi, chitiyaŋenu. Beri Lahayi Royi chami chiikali chitiyaŋenu chahaya nyaka chawanya nindi akalondelamu.

²⁰Hansaŋu yaIshimeli, nakutiyi dehi; tala namukiswili dehi nkisu, nakamwilisha nsemi, nakamuvulishila anyana chacheni chabadika; wakavwala atulamba ikumi nayedi, nakamwilisha muza weneni.

²¹Ilaŋa chitiyaŋenu chami nakamukoleshelayi Isaka, yowu Isaka akakuvwela wukudi Sara mwaka wakenzaku kafwampi hakakweji kokenoku.

²²Yokumisha nikukumisha kuhosha nindi, Nzambi yofuma kudi Abarahama.

²³Abarahama hakutambula nimwanindi Ishimeli, niejima avwalikiliha mukala windi, niejima akulanda namali indi, yotambula amayala ahamukala waAbarahama ejima hakuyalamisha nyivumbu yawu ifuku dawudimu, mwomwa mwililiyi Nzambi.

²⁴Abarahama washi kili munya kamakumi atanu nawana nanyaka yitanu nayiwana hamwala mishiluwu muvumbu windi.

²⁵Ishimeli mwanindi wadiŋi wanyaka ikumi nayisatuha mwalamishiluwu muvumbu windi.

²⁶NiAbarahama nimwanindi Ishimeli ayalamishili ifuku dawu dimu.

²⁷Amayala ejima ahamukala windi, niavwalikili hamukala, niakulanda namali nawapeji, ayalamishili hamunindi.