Read MUKANDA WANZAMBI Genese 18 Bible Online

Genese 18 - MUKANDA WANZAMBI bible

Genese 18

¹Yehova wadi mwekesheli kudi yena kunyikula yaMamiri, chadiŋiyi nakushakama muchisu chetenti dindi hamwa ana.

²Wafumbwili mesu indi, hakutala, amayala asatu ana anemani ana kwakwihi; chayimweniyi, hakunyamuka muchisu chetenti hakuyaku lufuchi nakuyikinkilila, hakubandama nichamesu heseki,

³nindi, Eyi mwanta, neyi wunantiyikumuchima kuwaha, bayi wupandakana, mwani, ami kambupeyuku;

⁴ayileteluhu tumeji, muweleshi nyendu yenu, munookuhu mwishina damutondu;

⁵niyileteli kakudya mudiwundishi nachu nyichima; neyimunadyi dehi mukuya; ndochu mwenjiladi kudami kambuŋenu? Wenanawu, Ilaŋa muwunahoshi.

⁶Abarahama hakunyakala, hakuya mwitenti mwadi ŋiyi Sara, nindi, Loŋeshaku swayi swayi yesekelu yisatu yawuŋa wakusalulula, wuwuŋi, wili mankendi.

⁷Abarahama hakuya lufuchi kwadi ŋuwu ayimuna, hakuleta mwana kaŋombi wamwovu, wamuwahi, haku mwinkaŋamba, niyena hakunyakala kumuteleka.

⁸Hakutambula nimanteka, nimayeli, ni mwana kaŋombi wanayitelekeliyi, hakuyitulila kumesu; emana ni kwimana kwakwihi mwishina damutondu, niwena hiyakudya.

⁹Wena hiyakumwihula nawu, Iŋodeyi Sara wudi kudihi? Nindi, Owu wudi mwitenti owu.

¹⁰Welili nindi, Chalala nakafunta cheŋi kudeyi hamwaka wakenzahu; ipodeyi Sara wakavwala mwana weyala. Sara wachitiyili mwadiŋiyi muchisu chetenti chadiŋi kunyima yanona iyala.

¹¹Henohu Abarahama naSara akula dehi, ela dehi anyaka nanyaka, niSara waleka dehi kuya kwitala di kwawu.

¹²Sara hakuseha mumuchima windi, nindi, Ami nakula dehi nimwanta wami wakula dehi; ami nakatiyi cheŋi kuwaha?

¹³Yehova hakumwila Abarahama, nindi, Sara nasehelidi? Hakwila nindi, Ami nakula dehi mwalala nivwali mwana?

¹⁴kudi Yehova komana kudi chuma chakukaŋa nyayi? Hefuku dakutoŋola dehi nakafunta cheŋi kudeyi, hamwaka wakenzahu Sara wakakwata mwanindi.

¹⁵Sara hakudikala, nindi, Hinasehi kwamuku. Muloŋa watiyili woma. Kuchinka yena nindi, Mwalala, wunasehi chi.

¹⁶Amayala anyamukili kwenoku, hiyakuya, hiyakutalisha kuSodoma; Abarahama wayili nawu, wayishinjikijiluku.

¹⁷Yehova hakwila nindi, Nimujindi Abarahama ochu chinakeŋi kwila, tahindi?

¹⁸Muloŋa Abarahama wakela muza weneni wasweja, ninyuza yejima yahamaseki yakakoolekela kudi yena.

¹⁹Muloŋa yena namwiluki kulonda akaleji nianyani ndiniantaŋa jindi akuhiŋamu akalondi mwakuyayi, kulonda akakakeli munjila yaYehova, akeli nikuŋa niwuŋaji; kulonda Yehova akamushikŋili Abarahama yuma yina yamuteneneniyi.

²⁰Yehova welili nindi, Mwalala izu dakubilela Sodoma naGomora dinasweji, mwalala nshidi yawu yinaswejinankashi;

²¹hinukukunku muka dinu nitali neyi kwiji anakoŋi mwejima mwashika izu dakubilelawu dinashiki kudami; neyi nehi, nukwiluka.

²²Ana amayala hiyakufuma kwenoku, hiyakuya kuSodoma; ilaŋa Abarahama chochema nayi kumesu aYehova.

²³Abarahama hakuswila kwakwihi, nindi, Antu aloŋa wukuyijilu muna hamu nanawa atama, tahindi?

²⁴Wamba kela hamukala antu aloŋa makumi atanu mwaduwu; wukuwujilu muna, hiwukuwana kenaku nanawa makumi atanu aloŋa adumuku?

²⁵Chinjila eyi kwila mwenomu, aloŋa wuyŋahili hamu nawatama, aloŋa eseki hamu nawatama. Chenochu kudeyi chinjila. Mukwakusompesha iseki dejima abuli kwila mwaloŋa?

²⁶Yehova nindi, Neyi nukuwana muSodoma aloŋa makumi atanu hamukala, nakawanakena wejima hanyiji mbayawu.

²⁷Abarahama hakwakula cheŋi, nindi, Tiya dinu, ami nakwati dehi kuhosha naMwanta, nilunkuŋu namawuti hohu.

²⁸Indi kwiji kukubula atanu nakuwanisha makumi atanu aŋa; wukujilumuna mukala wejima nákubulahu atanu? Kuchinka yena nindi, Neyi kudimakumi awana natanu, hinukuwujilu munaku.

²⁹Hakuhosha nindi cheŋi chikwawu, nindi, Wamba kela akawanamu makumi awana? Yena nindi, Neyi kudi makumi awana hinakachilaku.

³⁰Nindi, Mwanta bayi azuwaku, nihoshi; wamba kela akawanamu makumi asatu? Yena nindi, Neyi kudimakumi asatu hinakachilaku.

³¹Nindi, Tiya dinu, nakwati dehi kuhosha naMwanta; wamba kela akawanamu makmni ayedi? Yena nindi, Neyi kudi makumi ayedi hinakawujilu munaku.

³²Nindi, Mwanta bayi azuwaku, nihoshi cheŋi kakwawu kamu hohu aka; wamba kela neyi akawana muikumi? Yena nindi, Neyi kudi ikumi hinakawujilu munaku.

³³Chakumi shiliyikuhanjika naAbarahama Yehova hakudiyila; Abarahama hakufunta kwindi.