Read MUKANDA WANZAMBI Genese 19 Bible Online

Genese 19 - MUKANDA WANZAMBI bible

Genese 19

¹Awa aŋelu ayedi ashikili kuSodoma hamelela; Loti wadiŋi nakushakama muchisu champwembu yaSodoma; Loti wayimweni, wanyamukili nakuya nakuyikinkilila, wabandamini chamesu indi heseki;

²welili nindi, Enu anyanta jami, ambukenu munjila yenu mwani, mwiŋili mwitala damami kambuŋenu, mwakakami mwomu, muweleshi kunyenduyenu, mwakamenekesha ntetemena, mwakaya munjila yenu. Nawu, Nehi, tukudishakamina kwetu hanzi.

³Wayika njikŋili nankashi, aambukili nakuya mwindi yena, epilili mwitala dindi; wayitelekeleli chawija, wocheli nimankendi akadi iluŋi, hiyakudya.

⁴Hohana kanda akami, amayala ahamukala, wowu amayala ahaSodoma, hiyakupompa kwitala kwi-ndo, niatwansi, niakulumpi, antu ejima akufumakuyota yejima yamukala.

⁵Hiya kutambika Loti, hiyakumwila nawu, Indi awa mayala anepili mwitala deyi wufuku wunu hiyadihi? Twidishiluwu, tuyiluki.

⁶Loti hakwidika kwadiŋuwu wena kuchisu, hakwenzelani chenzelu munyima yindi.

⁷Hakwila nindi, Enu ana kwami mwani, bayi mwilaŋa chatama chochichuku.

⁸Tiyenu mwani, ami ni kweti anyanami ayedi awambanda kanda eluki dehi amayalaku; tali niyiidishiluwumwani, mwakayili mwejima mumukutiya kuwaha munyichima yenu; ilaŋa awa mayalawa bayi muyila chumaku, muloŋa anampeeki kwitala dami.

⁹Wena nawu, Twambuluki. Nawu, Yeniwu iyala wenjili nakushakama chawenyi, chiŋa eli mukwakusompesha! Ichi dinu tukukwileyi mwata mamwa kubadika namutukuyila wena. Hiya kumuwuŋila naŋovu owu iyala, yowu Loti, aswilili kwakwihi, nawu abaluli chenzelu.

¹⁰Ilaŋa wa mayala edishili makasawu, hiyakwiŋija Loti mwitala mwadiŋuwu, hiyakwenzelanichenzelu.

¹¹Ayiputishili mesu amayala adiŋi kuchisu chetala, niamukunkulu, nialema; hiyakudizeyesha nawu amoni kudi chisu.

¹²Awa mayala hiyakumwila Loti, nawuti, Kunu wuduku nawantu amakwawu, tahindi? Hela muku weyi wasumbula mwaneyi, hela anyaneyi amayala, hela anyaneyi awambanda, wowu wudi nawu hamukala wunu; yifumishumu;

¹³muloŋa hitukuwujilumuna, izu dakubilelawu dinasweji dehi kumesu aYehova; dichi chanatutemesheliyi Yehova kulonda tuwujilumuni.

¹⁴Loti wedi kili hanzi, hakuya nakuhosha nawaku indi asumbwili anyanindi, nindi, Nyamukenu, fumenu munu; muloŋa Yehova hakujilu muna mukala. Aku indi amumweni neyi kwiji hakudimbana.

¹⁵Chikwachili aŋelu hiya kumunya kesha Loti, nawu, Nyamukaku, sendaku niŋodeyi nianyaneyi awambanda ayedi adi kunu; wakenza kajilu mukila mukuluwa kwamukala wunu.

¹⁶Ilaŋa yena chalabajalayi; nochuana mayala hiyaku mukwata kuchikasa chindi bapi, nikuchikasa chaŋodindi, nikumakasa awanyanindi ayedi, muloŋa Yehova wamutiyilili luwi, hiya kumufu mishamu, hiyakumutenteka kunsa yamukala.

¹⁷Chayi fumishiluwuha mukala, hakwila nindi, Temukaku kulonda wuhandi; bayi wutalahanyimaku, hachana chejima bayi wimana hokuku; temukilaku kumpidi, wakenza kajilumuka.

¹⁸Loti hakuyila nindi, Mwanta wami, bayi omuku.

¹⁹Tiya dinu, ami kambuŋeyi wunantoŋuhu, wunanvulishili luwi lweyi, chiwuna amwini wumi wami; oku kumpidi hinukutwesha kutemukilakwokuku, nakenda kamwenaku yatama, nakenda kafwa.

²⁰Tala dinu, mukala wudi kwakwihi owu, wunawahi kutemukilaku, wanyanya hohukwawu; nitemukiluku kwami, niwena hiwanyanyaku? niwumi wamiwakahanda.

²¹Yena hakumwila nindi, Tiya, nihachumichi nakwitejinawa, mukala wunateni hinukuwukisaŋana kwamuku.

²²Nyaka laku, wutemukiluku, hinukutwesha kwila chumaku chiŋa wunashiki dehi kwenoku. Dichi ijina damukala wuna awuteneni nawu Zowari.

²³Chashikiliyi Loti muZowari itaŋwa datuntuka dehi.

²⁴Hohenohu Yehova hakunokesha haSodoma naGomora nimakala akesi, ni kesi kakufuma kwiwulu kudi Yehova.

²⁵Wayi kisaŋeni nyikala yina, niChana chejima, niantu atuŋili munyikala yina, niyuma yameneni hamaseki.

²⁶Ilaŋa Iŋodindi watalili munyima kwakufumayi nfumwindi, hakubalumukahiilola damuŋwa.

²⁷Abarahama wamenekesheli ntetemena yayeni nakuya kwemeniyi kumesu aYehova.

²⁸Watalili nikuSodoma nikuGomora nikwituŋa dejima daChana, wamweni wishi wamwituŋa wuna wukukakumuka wuna, neyiwishi wamuluteŋi.

²⁹Chelili chajilumwiniyi Nzambi nyikala yamuChana, Nzambi wamwanukili Abarahama, wamufumishili Loti mukukisika kwakisa ŋeniyi nyika layashaka miniyi Loti.

³⁰Loti wafumini muZowari, washakamini hampidi, ni anyanindi ayedi awambanda hamu nindi; muloŋa watiyili woma kushakama muZowari; washakamini kwindi mwiyeŋu, niyena nianyanindia wambanda ayedi.

³¹Wedi hakumwila mwanyikindi, nindi, Tata yetu wakula dehi, hanu hamaseki hosi iyala wakwijila mudetu neyi chelaŋawu antu ejima ahanu hamaseki.

³²Tuyi tumunwishi tata yetu vinyu, tukaminindi, kulonda twakavwali anyana akudi tata yetu.

³³Wenowu wufukuowu amunwishili tata yawu vinyu; wedi hakwijila, hakukama natatayindi; hela chakambaminiyi, hela chanyamukiliyi, tata yindi hachilukiluku.

³⁴Chikwachili, wedi hakumwila mwanyikindi, nindi, Ami wufuku walelunakama natata; tumunwishi cheŋi walwa wavinyu niwufuku iwu tukukeŋa kukama; nineyi wiŋila, wukama nindi, kulonda twakavwali anyana akuditata yetu.

³⁵Amunwishili tata yawu vinyu niwufuku wuna nawa; niwakansi wanya mukili hakuya nakukama nindi; hela chakambaminiyi, helachanya mukiliyi, tata yindi hachilukiluku.

³⁶Dimu mwabaabililuwu anyana kaLoti muyayedi wawu mavumu akudi tata yawu.

³⁷Wedi wavweli mwana weyala, wanamutumbili ijina dindi, nindi Mowabi; diyitata yawaMowabi nilelu.

³⁸Wakansi niyena wavweli mwana weyala, wanamutumbili ijina dindi, nindi Beni Ami, diyi tata yawanyana kaAmonini lelu.