Read MUKANDA WANZAMBI Genese 20 Bible Online

Genese 20 - MUKANDA WANZAMBI bible

Genese 20

¹Abarahama wafumini kwenoku, wayili nakutalisha kwituŋa adakuka beta kakuchidiilu, hakushakama Kadeshi iku, Shuri iku; hakushakama chawenyi muGerari.

²Abarahama wateneni iŋodindi Sara, nindi, Himuhelami. Abimeleki, mwanta wakuGerari, watemesheli naku mutambula Sara.

³Abimeleki waloteli Nzambi nawufuku hakwinza kudi yena, hakumwila nindi, Eyi wafwa dehi nanowu mumbanda wunatambuli, hiŋodambala.

⁴Ilaŋa henohu Abimeleki hamukunda minimu mbanda kwakwihuku. Hakwila nindi, Eyi Mwanta wujilumuni muzawaloŋa?

⁵Yemwenindi iyala hidiyi waŋilili nindi himuhelamuku? Nimumbanda, hela yemwenindi, wahosheli nindi himana kwami. Chumi china chili kwami namuchima wawuwahi namakasa atooka akadi muloŋa.

⁶Waloteli Nzambi hakumwila nindi, Eŋaŋi, nachiluki nami chumichi wunachili namuchima weyi wawuwahi; ninami nawa nakulekesha kunvulu munachina bula kukwitiya kukwata hadi yena.

⁷Ichi dinu owu iyala mufuntishili Iŋodindi; muloŋa yena hikaprofwetu, wukukulombela, nineyi wukuhanda; ilaŋa neyi wakabula kumufuntisha, ilukaku neyiwakafwa chalala, nineyi niayeyi ejima.

⁸Abimeleki wahindukili ntetemena yayeni, watambikili ambuŋindi ejima, hakuyishi mwina yumiyi yejima, ana mayala atiyili woma waweni.

⁹Abimeleki watambikili Abarahama, hakumwila nindi, Wunatwili ŋahi? Indi ami nakwili chatama chanka mwaka wunkojeji ninami nimpata yaminshidi yasweja? Yeniyi yuma yiwuna ŋilami chinjila kuyila akwenu.

¹⁰Abimeleki wamwilili Abarahama, nindi, Indi eyi wamwenidi mwakawili chumichi?

¹¹Kuchinka Abarahama, nindi, Nelili nami chalala kunuhikwekala woma waNzambi uku; nami, akanjahila hamujimba waŋodami.

¹²Chayena tuhu himuhelami chalala, himwana katata, ilaŋa hiwakuvwalakudi mamaku; dichi namusumbwilili;

¹³dichi chanyamwishiliyi Nzambi kwatata nakuntambisha, ami hinukumwila nami, Wakaŋa nakenaŋa hachumichi, kwejima kuwakaya wakantenaŋa neyi, Himana kwami.

¹⁴Abimeleki wakwatili nianyikoku, niaŋombi, nianduŋu amayala nawambanda, wamwinkeli Abarahama, hakumufuntishila niŋodindi Sara.

¹⁵Abimeleki welili nindi, Tala, ituŋa dami odu, kashakami kunakutookeliku muchima weyi.

¹⁶Hakwila Sara, wamwilili nindi, Tala, mana kweyina mwinki mali asiliva ikombakaji; akukujika nachu kumesu eyi hadi antu ejima iwudi nawu; hadi antu ejima wunayipi dehi.

¹⁷Abarahama walombeli kudi Nzambi; Nzambi wokili niAbimeleki niŋodindi, nianduŋujindi awambanda; hiyakuvwala nianyana.

¹⁸Muloŋa Yehova wajikilichikupu mumavumu ejima awantu ahamukala waAbimeleki, muloŋa waSara iŋodaAbarahama.