Read MUKANDA WANZAMBI Genese 21 Bible Online

Genese 21 - MUKANDA WANZAMBI bible

Genese 21

¹Yehova wayili nakumutala Sara mwomwashiikiliyi, Yehova wamwilili Sara mwomwahosheliyi.

²Sara wabaabili ivumu, wamuvweleli Abarahama mwanindi weyala hawushinakaji windi, hakakweji kamutenenenuwu kudi Nzambi.

³Mwanindi wavwalikili, wamuvweleliyi Sara, Abarahama wanamutumbili ijina dindi, nindi Isaka.

⁴Chimwahitili mafuku atanu nasatu Abarahama wamwalamishili mwanindi Isaka mwamulejeliyi Nzambi.

⁵Chavwa likiliyi mwanindi Isaka Abarahama washikili munyaka yindi nkulakaji.

⁶Sara welili nindi, Nzambi nanseheshi, antu ejima akachitiya nakaseha nawu chimu.

⁷Nindi, Ochuhakeŋa kumwekana muntu wukumwila Abarahama nindi, Sara wambaka amwishahu mwana? Namuvwela dehi mwanindi weyala hawushina kajiwindi.

⁸Mwana wakulili, yosumuka nikusumuka; hetaŋwa dasumukili Isaka Abarahama watelekeli chawija chacheni.

⁹Sara wamweni mwana kakaEjipitu Haga, avweleliyi Abarahama, hakuseha.

¹⁰Hakumwila Abarahama, nindi, Mutemuni yeniwu nduŋu namwanindi, ochu mwanakayeniwu nduŋu atweshi kuswanina chimu namwanami Isaka wanyi.

¹¹Chumichi chamutaminini nankashi Abarahama hansaŋu yamwanindi.

¹²Nzambi hakumwila Abarahama, nindi, Bayi ehikutamina hansaŋuya mukwenzi, hela hansaŋu yanduŋu yeyi wamumbandaku; kumina dakutiyamwizu daSara mwejima mwanahoshiyi, muloŋa anyaneyi akayitenenamudi Isaka.

¹³Nikudi mwana kanduŋu nakelisha muza waweni nanochuchaneliyi himwaneyi.

¹⁴Abarahama wahindukili ntetemena yayeni, wanoneni niyakudyainswaha yameji, wamwinkeli Haga, nakumushila hachifwiji chindi; wamwinkeli ni mwana, nindi, Yaŋa; hakuya nikuya, hakukimbuka mwisaŋa daBerisheba.

¹⁵Meji adiŋi munswaha amaninumu zo-o, wamu umbilimwana mwishina dachiputa.

¹⁶Wayili nakushakama kwakulehi namwana, kuleha neyi chintampu chakwasila muvu; welili nindi, nakamba katala hakufwilayi mwanami. Washakamini kwakulehi chanti namwana, wadililiikumbu deneni.

¹⁷Nzambi watiyili izu dakamukwenzi; kaŋelu kaNzambi mwiwulu hakutambika Haga, nindi, Eyi Haga, kudidi? Bayi wutiyawomaku; Nzambi natiyi dehi izu damukwenzi kuna kwadiyi.

¹⁸Nyamukaku, wumunyamuni mukwenzi, wumukwati nachikasa cheyi; ami nakamwilishahimuza weneni.

¹⁹Nzambi wamutonesheli mesu indi, yena wamweni ishima dameji; wayili, wenzesheli nswaha yindi, wamunwishili mukwenzi meji.

²⁰Nzambi wadiŋi nindi ona mukwenzi, wakulili. Washakamini mwisaŋa daParani, welili mukwakwasa nawuta wamukunji.

²¹Washaka minimwikuna daParani; mama yindi wamusumbwilili mumbanda wamwituŋa daEjipitu.

²²Hamwaka wenowu Abimeleki, niFwikoli wadiŋi mukulumpi wamashidikaindi, ahosheli naAbarahama, nawu, Nzambi wudi nindi muyumayiwelaŋa yejima;

²³dichi dinu sanyikaku Nzambi kwokwenakunu kumesuami, nakwila neyi chalala hiwamba kandimbaku, hela ami, hela mwanami, hela mwizukulu wami; neyi, mwaya luwi lunakwileyi dimu wakaŋilamini ituŋa diwunashakami chawenyi.

²⁴Abarahama welili nindi, Nukusanyika.

²⁵Abarahama wamuhosholeli Abimeleki heshima dameji dadindiluwu aŋamba jaAbimeleki nandombu.

²⁶Kuchinka Abimeleki nindi, Yenowuna kopichenochu ami kwami hinamwilukaku, ochu eyi wanlejelu muwanyi, hela kuchitiya hinachitiyi kwamuku chipa lelu hohu.

²⁷Abarahama wakwatili nianyikoku niaŋombi, hakumwinka Abimeleki, wena ayedi atiyaŋeni chitiyaŋenu chawu.

²⁸Abarahama washili kanka wawu anyanakanyikoku anyikaji atanu nayedi akwiyinda dindi.

²⁹Abimeleki hakumwila Abarahama, nindi, Indi awa anyana kanyikoku anyikaji atanu nayediwunashi kwakanka wawu anka?

³⁰Yena nindi, Awa anyana kanyikoku anyikaji atanu nayedi wukuyitambula kudami, kulonda chuma chakunshi mwinanachu wunsahu, nawu yami napundili denidi ishima.

³¹Dichihenahana watumbiluhu ijina, nindi dihu haBerisheba, nanochu chasanyikiluwu mwayedi wawu.

³²Chochina atiyapeni chitiyaŋenu chawu muBerisheba. Abimeleki wanyamukili kwindi, niFwikoli mukulumpi wamashidikindi, hiyakufunta cheŋi ni mwituŋa dawaFwilistinu.

³³Abarahama watumbili mutondu watamarisiki muBerisheba, kwenoku watambikili niijina daYehova, Nzambi Wahaya nyaka.

³⁴Abarahama washakamini chawenyi mwituŋa dawaFwilistinu mafuku amavulu.