Read MUKANDA WANZAMBI Genese 24 Bible Online

Genese 24 - MUKANDA WANZAMBI bible

Genese 24

¹Abarahama welili kashinakaji, nyaka yindi yamuvulilili. Yehova wamuko olekesheli Abarahama muyuma yejima.

²Abarahama hakumwila ŋamba yindi, mukulumpi wahamukala windi, yowu wadiŋi kapitawu kayuma yindi yejima, nindi, Shaku mwani, chikasa cheyi mwishinadekata dami.

³Nukukusa nyikisha wusanyiki Yehova, Nzambi mwini iwulu, Nzambi mwini iseki, neyi, hiwukumusumbwila mwanami mumbandawahadi anyana kawaKenani, awa nashakama nawuku.

⁴Chiŋa wakayakwituŋa detu, kudi antaŋa jami, kwoku wakamusumbwila mwanami Isaka mumbanda.

⁵Ŋamba hakumwihula nindi, Hadaha mumbandahaketiya kwinza nanami kwituŋa dinuku; chiŋa nakamutwala mwaneyi mwituŋa muwafumini, tahindi?

⁶Abarahama hakumwila nindi, Chinjila! Bayi wumutwala mwanami kwenokuku.

⁷Yehova, Nzambi mwini iwulu, wanfumishili kwatata, mwituŋa dinavwalikili, wahosheli nanami, wasanyima; kili nindi, ituŋidi nakayinka anyaneyi, diyi wakatemeshaŋahu dehi kaŋelukindi, nineyi wakamusumbwila mwanami mumbanda wakwenoku.

⁸Neyi mumbanda haketiya kwinza ninduku, eyi wunayiŋi nanichi chiwunasanyiki, hakwila mwanami kumutwala kwenoku chinjila.

⁹Ŋamba washili chi kasachindi mwishina dekata damwanta windi Abarahama, asanyika nikusanyika hansaŋu oyu.

¹⁰Ŋamba wanoneni anŋameli jamwanta windi ikumi, hakuya. Muloŋayuma yamwanta windi yayiwahi yejima yadiŋi kudi yena. Yonya mukani kunya muka, hakuya nikuMesopotamiya, kumukala waNahori.

¹¹Wafukamishili anŋameli hamaseki kunsa yamukala kwishima dameji hamelela, hayilaŋawu ambanda nakutaha meji.

¹²Welili nindi, Eyi Yehova, Nzambi yamwanta wami Abarahama, aŋendeshi mwani chachiwahi lelu, amwili mwanta wami Abarahama luwi.

¹³Tala, yaminu kwima niwu kunu kukaseloki kameji, nianyana awambanda kamayala ahamukala hiyakwinza nakutaha meji.

¹⁴Yowu chaŋadima inukwilanami, Tulaku nsaba yeyi ninwi meji, niyena hakwila nindi, Nwaku eyi, ninwishi nawa anŋameli jeyi, yenowu diyi wakela kwindi mumbanda, iwunamufu ukwili kambuŋeyi Isaka. Hohenaha hinukwilukila namiwuna mumwekesheli mwanta wami luwi.

¹⁵Cheliliyi yena kanda akumishi kuhosha, kutala Rebeka wukwinzowuninsaba yindi hachifwiji, diyi avweleluwu Betuweli, niyena mwana kaMilika, iŋoda Nahori mana kwaAbarahama.

¹⁶Yenowu chaŋadima kumutalawasweja lubanji, himujiki kwindi, kanda adiluki neyalaku. Wakunku mukilikuka seloki, hakwinzesha nsaba yindi, hakukandama cheŋi.

¹⁷Ŋamba wayili lufuchi nakumukinkilila, nindi, Anyinkuhu mwani, tumeji twanteshatwa munsaba yeyi ninwi.

¹⁸Yena nindi, Nwaku mwanta. Wanyakeli, hakutenteka nsaba yindi muchikasa chindi hakumunwisha meji.

¹⁹Chakumi shiliyiku munwisha meji, welili nindi, Tali niyitahili anŋameli jeyi meji nawa, nichiya kaku mishawu kunwa.

²⁰Hakunyakala nikunyakala, hakuhuŋununa muchizawu meji asheli munsaba yindi, hakuya cheŋi lufuchi kwishima nakutaha, hakuyitahila anŋameli jindi ejima meji.

²¹Iyala saŋa amwenenayi zo-o, hakumushinshika, kulonda eluki neyi kwiji Yehova namwendeshi chachiwahi munjila yindi, tahindi nehi.

²²Cheliluwu anŋameli anakumishi dehi kunwa, Iyala hakuloŋolola kazeyakawuru pezu yaku mulushekeli lwahafu, ninyibulu yiyedi yakusha kumakasindimpezu yayu mujishekeli jawuru ikumi daju.

²³Nindi, Indieyi wumwana kanyi? Anleji mwani. Oku kwitala datata yeyi kudi kwakushikena etu?

²⁴Yena nindi, Ami ni mwana kaBetuweli, niyenahimwana kaMilika, yowu avweleliyi Nahori.

²⁵Wamwilili nawa nindi, Kwetu kudi nimatahu awuma amavulu nikudya kwakuvulu, nikwa kukama antu kudi kwoku.

²⁶Iyala wanopamini namutu windi, wadifukwiii kudi Yehova.

²⁷Nindi, Kisu kisu, Yehova Nzambi yamwanta wami Abarahama, sapa amumwekeshelayi mwanta wami niluwi lwindi nikashinshikindi. Hakwinza ami, Yehova nanlomboli munjila yakuya kwitala dawana kwamwanta wami.

²⁸Chapadima wayili lufuchi, wayilejeli kwitala damama yindi mwejima mwanahoshiyi mazu awa.

²⁹Rebeka wadiŋi namana kwindi weyala, ijina dindi Labani. Labani wayili lufuchi kudi iyala kuna kukaseloki,

³⁰cheliliyi chamweniyi nikazeya, ninyibulu yidi kumakasa amuhelindi, natiyidehi nimazu amuhelindi Rebeka dayi nindi, dichanahoshiyi iyala, hakuyakudi iyala, kumuwana iwu nemaniwu kudi anŋameli kukaseloki.

³¹Hakwila nindi, Ipilaku, eyi anakiswiluwu nkisu kudi Yehova; wunemenidi hanzi? Naloŋeshi dehi itala, nimwakukama anŋameli.

³²Iyala wepilili mwitala; Labani hakuyikasununa anŋameli yiteli yawu, hakuyinka anŋameli nimatahu awuma nikudya kwawu, nimeji akumuwelesha nikunyendu yindi yena, nikunyendu yamayala adiŋiyi nawu.

³³Anamutulilili yakudya. Yena kwindi nindi, Ami kwami kudya nehi, chiŋa nishimuna nsaŋu yami yinendela. Mukwawu nindi, Shimunaŋa.

³⁴Nindi, Ami nipamba yaAbarahama.

³⁵Yehova namukoolekeshi mwanta wami nankashi. Wela dehi muneni. Yehova namwinki ninyikankayampembi nanyikoku, ninyikanka yawaŋombi, nisiliva niwuru, nianduŋuamayala, nawambanda, nianŋameli niayimbulu.

³⁶Sara, iŋoda mwanta wami, cheliliyi neli dehi kashinakaji, hakumuvwela mwanta wamimwana weyala. Yena diyi anenkiyi yuma yejima yadiyi nayu.

³⁷Mwantawami nansanyikishi nindi, Bayi wakamusumbwila mwanami mumbanda wakudi aKenani akweti ituŋa dinashakamaku.

³⁸Nindi, Chiŋa wuya kwatata, kuchisaka chami kwoku wakamusumbwila mwanami mumbanda.

³⁹Ami namwilili mwanta wami nami, Hadaha mumbanda wakaleka kwinzanami?

⁴⁰Yena waŋilili nindi, Yehova, inendaŋa kumesu indi, wakatemeshakaŋelu kindi wuyi nindi hamu, wakakwendesha chachiwahi, wakamusumbwila mwanami mumbanda wakuchisaka chami, kwokwatata.

⁴¹Eyi wakayiŋa nachina chiwunasanyiki, chiwakashika kuchisaka chami; neyi akabula kukwinkayi, wakayiŋa nakusanyika kuwunasanyiki.

⁴²Ami lelu nashika kukaseloki, hinukwila nami, Eyi Yehova, Nzambi yamwanta wami Abarahama, tutali dinu neyi wudi nakuŋendesha chachiwahi munjila yami yinukwenda.

⁴³Yami nukwimaniwu kukaseloki kameji. Yowu chaŋadima wukwinza nakutaha meji, chinukumwila nami, Anyinkuhu mwani tumeji twantesha munsaba yeyi ninwi;

⁴⁴niyenahakaŋilami nindi, Anwaŋa mwani, niyitahili nianŋameli jeyi nawa, yoyenowu diyi mumbanda anatoŋweluwu mwana kamwanta wami kudi Yehova.

⁴⁵Ninami nichidi kanda nikumishi kuhosha mumuchima wami, kutala Rebeka hakwinza ninsaba yindi hachifwiji, hakukunkumuka nikukaseloki, hakutaha meji. Hinukumwila nami, Anyinkuhu meji akunwa mwani.

⁴⁶Yena hakunyakala, hakufumisha nsaba yindi kuchifwiji chindi, nindi, Anwaŋa mwani, nukuyinwisha nianŋameli jeyi nawa. Ami ninwa nikunwa, hakunwisha nianŋameli nawa.

⁴⁷Nimwihula nami, Indi eyi wumwanakanyi? Yena nindi, Ni mwana kaBetuweli, diyi mwana kaNahori, yowuavweleliyi Milika. Nimusha nikazeya kumuzulu windi ninyibulu kumakasindi.

⁴⁸Ninoŋama ninamutu wami, nakudifukula kudi Yehova, nikisulaninkisu nakumutena Yehova, Nzambi yamwanta wami Abarahama, nanlombolimunjila yakadi kujimbala, nimusumbwili mwana kamwanta wamimumbanda, mwizukulu wamana kwamwanta wami.

⁴⁹Dichi neyi mukumwila mwanta wami chaluwi chakashinshi nlejenu, neyi nehi, nlejenunawa kulonda nitalishi hela kuchikasa chachidiilu, indi kwiji kuchikasa chachimunswa.

⁵⁰Kuchinka aLabani naBetuweli, nawu, Chuma chinafumi kudi Yehova, hitukweti mwakuhosha neyi hela mwatama hela mwamuwahuku.

⁵¹Rebeka owu. Mutambuli, muyaŋa, akeli iŋoda mwana kamwanta weyi, mwomwanahoshiyi Yehova.

⁵²Cheliliyi ŋamba yaAbarahama natiyi dehi mazu awu, hakumubandamina Yehova nikumaseki.

⁵³Ŋamba waloŋolweli niyuma yasiliva niyumayawuru, nimahina akuvwala, wamwinkeli Rebeka. Wenkeli nimanakwindi nimama yindi yuma yalema.

⁵⁴Adiili, anwini, akamini niyenaniamayala adiŋiyi nawu. Chahindukiluwu budidi, hakwila nindi, Ŋitejenu nifunti kudi mwanta wami.

⁵⁵Kutiya nimana kwamumbanda nimamayindi nawu, Muleki chaŋa dima tushakamuhu nindi mafuku hela ikumi, hakaya nikuya.

⁵⁶Hakuyila nindi, Bayi munlabishaku, muloŋa Yehova naŋendeshi chachiwahi. Ijiŋenunifunti cheŋi kwami kudi mwantawami.

⁵⁷Wena nawu, Imana, tutambiki chaŋa dima tutiyi kukanwakindi yemweni.

⁵⁸Amutambikili Rebeka, amwihwili nawu, Wukuyanindi iyaliwu, tahindi? Yena nindi, Nukuya.

⁵⁹Ayilekeli, nimuhela wuRebeka, ninleli yindi, niŋamba yaAbarahama, niantu indi nawu, Yenuŋa.

⁶⁰Amukiswilili Rebeka nkisu nakumwila nawu, Eyi muheletu, wakehmama yawantu makombakaji amakumi amakombakaji, anyaneyi akahetaŋa chisu chanawa akayihela.

⁶¹Rebeka wanyamukili, nituluŋwŋi twinditwawambanda hiyakwenda hanŋameli, hiyakuya neyala. Ŋamba watambwili Rebeka hakuya nikuya.

⁶²Isaka wafumini kuBeri Lahayi Royi, muloŋa washakamini mwituŋa dakukabeta kakuchidiilu.

⁶³Isaka wayili melela mwiha nakutoŋojoka wafumbwili mesu indi, wamweni anŋameli ana akwinza ana.

⁶⁴Rebekani yena wafumbwili mesu indi, chamweniyi Isaka, wasulukili hanŋameli.

⁶⁵Wamwihwili iŋamba, nindi, Ona wukwenda mumpata hakwinza nakutukinkililahi iya lanyi? Ŋamba nindi, Himwanta wami. Hakunona ihinadindi dakudibuta nachu kumesu, yodibuta nikudibuta wi-i.

⁶⁶Ŋamba wa mulejeli Isaka yuma yeliliyi yejima.

⁶⁷Isaka wamusokejeli mwitenti damama yindi Sara, wamutambwili Rebeka, niyena hakwikala Iŋodindi. Wamukeŋeli. Niwushona wakufwa kwamama yindi wumufuma niku mufuma Isaka.