Read MUKANDA WANZAMBI Genese 25 Bible Online

Genese 25 - MUKANDA WANZAMBI bible

Genese 25

¹Abarahama wasumbwili Iŋodindi mukwawu, ijina dindi Ketura.

²Yena wavweli nindi niZimirani, niYokishani, niMedani, niMidiyani, nilshibaki, niShuwa.

³Yokishani wavweli niSheba niDedani. Anyana kaDedani amayala diwu Ashurimi naLetushimi naLewumimi.

⁴Anyana amayala aMidiyani; iwu Efwa, iwu Efwenai, iwu Hanoki, iwu Abida, iwu Elidaya. Wenawa wejima wawu anyana kaKetura.

⁵Abarahama wamwinkeli Isaka yuma yindi yejima.

⁶Hakwila anyanakawanduŋu jindi adiŋiyi nawu Abarahama, Abarahama wayinkeli yamukunkulu. Hohadiŋiyi mumi wayambwili kudi mwanindi Isaka ayi kwituŋa dakumusela.

⁷Tiyenu nyaka yejima yahandiliyi Abarahama, nyaka nkulakaji nanyakamakumi atanu nayedi nanyaka yitanu.

⁸Abarahama wumi windi wamufumini, wafwili hawushinakaji wawuwahi, wela dehi kashinakaji wanyakananyaka; amutweli kwayili antaŋa jindi.

⁹Anyanindi Isaka naIshimeli amujiikili mwiyeŋu daMakapela, mwiha daEfwenaoni mwana kakaHiti Zohari, dekala kwakwihi naMamiri.

¹⁰Dodiha dalandiliyi Abarahama kudi anyana kaHeti. Dimu mwaji ikiluwu niAbarahama niŋodindi Sara.

¹¹Cheliliyi Abarahama nafwi dehi, Nzambi hakumukoolekesha mwanindi Isaka. Isaka washakamini kuBeri Lahayi Royi.

¹²Tiyenu nsaŋu jaIshimeli, mwana kaAbarahama, amuvweleluwu Abarahama kudi kaEjipitu Haga nduŋu yaSara.

¹³Diwu majina awanyana kaIshimeli amayala, mwomwaya majinawu, mwomwavwalikiluwu; wedi waIshimeli diyi Nebayoti, niKedari, niAdibeyeli, niMibisami,

¹⁴niMishima, niDuma, niMasa,

¹⁵niHadadi, niTema, niYeturi, niNafwishi, niKedema.

¹⁶Wenawa diwu anyana kaIshimeli amayala, diwu majinawu, mwahita nyikala yawu, mwahita niyilombu yawu; anyanta ikumi nayedi mwahita nyuza yawu.

¹⁷Tiyenu nyaka yahandiliyi Ishimeli, nyaka nkulukaji namakumi asatunanyaka yitanu nayiyedi. Wumi windi wamufumini, wafwili. Amutwelikwayili antaŋa jindi.

¹⁸Kwashakaminuwu kwadiŋi kufumisha kuHavila nakushika kuShuri, kwakwihi naEjipitu, munjila yakuya kuAshuri. Yena washakamini kwakwihi nawana kwindi ejima.

¹⁹Tiyenu nsaŋu jaIsaka, mwana kaAbarahama. Abarahama wavweli Isaka.

²⁰Isaka washi kili munyaka makumi awana hasumbwiliyi iŋodindi Rebeka, mwana kakaSiriya Betuweli wakuPadani Arama, muhelakaSiriya Labani.

²¹Isaka wamulembeleleli nankashi Iŋodindi kudi Yehova, muloŋa wadiŋi nshinta. Yehova wamwitiyili mwejima mwamulembeleleliyi, Iŋodindi Rebeka hakubaaba niivumu.

²²Anyana alwishili mwivumudindi. Yena welili nindi, Neyi dimu chikwila, indi ami neli ŋahi? Hakuyanakwihula kudi Yehova.

²³Yehova wamwilili nindi, Mwivumu deyimudi nyuza yiyedi, kwivumu deyi kwakaambuka nyichidi yawantu yiyedi, muchidi wumu wakabadika wukwawu Ŋovu; mukulumpi wakamuka lakelaŋa kansi.

²⁴Chiyawanini mafuku mwakusapulukilayi, mwivumu dindikomana mwadiŋi anyana ampamba.

²⁵Wásambilili wedi kili mwivumu wuchinana nge, mujimba windi wejima wawutambu; anamutumbili ijina dindi, nawu Esawu.

²⁶Mwalondeleli nimwanyikindi, chikasa chindi saŋa chakwatila kukatutu kaEsawu; anamutumbili ijina dindi, nawu Yakoba. Hayivweleliyi Rebeka, Isaka washi kili munyaka makumi atanu nadimu.

²⁷Anyana akulili. Esawu wadiŋi chibinda wasweja, muntu wampa takwindi. Yakoba wadiŋi muntu wawunda, washakaminaŋa mumatenti.

²⁸Isaka wakeŋa eli Esawu nanochu chadiilaŋayi mbiji yindi, hakwila Rebeka wakeŋa eli Yakoba.

²⁹Ifuku dimu Yakoba wadiŋi nakuteleka yakudya; Esawu hakufuma mumpata wafwa dehi chinzeya.

³⁰Esawu hakumwila Yakoba, nindi, Anyinkuhu, mwani, oyu yichinana oyu nidyi, nafwi dehi chinzeya. Dichi chanamutu mbililuwu ijina dindi, nawu Edomi.

³¹Yakoba nindi, Sambila kukunlandisha wuawakulumpi weyi wakusemuka.

³²Kuchinka Esawunindi, Ami hinukufwa, wuawakulumpi nakadiilamu ika?

³³Yakoba nindi, Sambilaku kusanyika. Yosanyika nikusanyika. Hakumulandisha Yakoba wuawakulumpi windi.

³⁴Yakoba hakumwinka Esawu nidinkendi, nimakundi akuteleka. Wadiili, wanwini, wanyamukili, hakuya kwindi. Dimu mwadiwililiyi Esawu wuawakulumpi windi.