Read MUKANDA WANZAMBI Genese 26 Bible Online

Genese 26 - MUKANDA WANZAMBI bible

Genese 26

¹Nzala yaholokeli mwituŋa, bayi nzala yakusambila yaholokeli hamafuku hadiŋi Abarahamaku, yacheŋi. Isaka wayili kuGera kudi Abimeleki mwanta wawaFwilistinu.

²Yehova wadi mwekesheli kudi yena, hakumwila nindi, Bayi wukunkumuka wuyi muEjipituku, shakama kumwituŋa dinakakuleja.

³Shakamaku tuhu mwituŋa dinu, ninami nakekalaneyi, nakakukoolekesha. Nineyi nianyaneyi nakayinka matuŋa waejima, nakakolesha nimukusanyika kunasanyikili natata yeyi Abarahama.

⁴Nakavulisha anyaneyi neyi tutumbwa twamwiwulu kuvula, anyaneyinakayinka matuŋawa ejima, kudi anyaneyi nyuza yahamaseki yejima yakawena kukukooleka,

⁵nanochu chovwahililiyi Abarahama mwizu dami, nakuhemba munashiikili, nimunamulejeli, nimuyidika yami, nimunshimbomi.

⁶Isaka washakamini muGerari.

⁷Enimbu amayala amwihwili yapodindi; nindi, Himuhelami; muloŋa watiyili woma wakuyila nindi, Hiŋodami; nindi, akenza kanjaha kudi enimbu hamujimba waRebeka; mulonwadiŋi walubanji.

⁸Cheliliyi nashakami dehi kwenoku hanalehi dehi, Abimeleki mwanta wawaFwilistinu watalilili munjanena hanzi, wamwenikomana Isaka hakuhema naŋodindi Rebeka.

⁹Abimeleki wamutambi kili Isaka, wamwilili nindi, Komana chalala hiŋodeyi, indi eyi wahosheli ŋahineyi, Himuhelami? Isaka wamwilili nindi, Nelili nami nakenza kafwahamujimba windi.

¹⁰Abimeleki nindi, Wunatwili ŋahi? Muntu wumuwadi kukama tuhu naŋodeyi, wadi kutukojeja muloŋa.

¹¹Abimeleki wayikumikili antu ejima, nindi, Yowu wakakwata chikasa hadi iyaliwu, hela hadi Iŋodindi, chalala akamujaha.

¹²Isaka wadimini mwituŋa dina, wadiililumu mwaka yowumu mbutujakusemunwina nkulukaji. Yehova wamukoolekesheli.

¹³Yenowu muntuwaswejeli kutoha, hakusweja nikusweja, yolema ni kulema chacheni.

¹⁴Waheteli ninyikanka yawampembi niyawanyikoku, ninyikanka yawaŋombi, ni aŋamba amavulu nankashi. AFwilistinu hiyakumutiyila ichima.

¹⁵Henohu mashima ejima apundiluwu aŋamba jatata yindi, hadiŋiyitata yindi Abarahama, aFwilistinu ayijika dehi nakushikilamu maseki to-o.

¹⁶Abimeleki wamwilili Isaka, nindi, Tufumi. Wunatubadiki etu nankashi ŋovu.

¹⁷Isaka hakufuma kwenoku, hakutuŋa yisolu muchine kinekicha muGerari, hakushakama kwokwenoku.

¹⁸Isaka walahulwili cheŋi mashima ameji apundiluwu hadiŋilaŋayi tata yindi Abarahama, muloŋa aFwilistinu ayishikilili hafwiliyi Abarahama, wayitumbili cheŋi majina mwomwayi tumbililiyi tata yindi.

¹⁹Aŋamba jaIsaka apundili muchinekineki, awenumu ishima dameji mwenda mufuuluka chakufuuluka.

²⁰Atubiŋa akuGerari hiyakufwilaŋana natubiŋa twaIsaka, nawu, Mejietu. Ishimodu waditumbili ijina dadu, nindi Eseka, nanochu chazuŋiluwunindi.

²¹Apundili ishima di kwawu, nidena nawa adifwilaŋeneni. Hakuditumba niijina, nindi Sitina.

²²Wafumini kwenoku, hakupunda niishima di kwawu. Denodu hiya difwilaŋenenuku. Hakudi tumba niijina daRehoboti, nindi, Ichi dinuYehova natushili mwakushakama, mwituŋa twakavulilamu.

²³Wafumini kwenoku, wayili kuBerisheba.

²⁴Yehova wadimwekesheli kudi yena wowena wufuku ovu, nindi, Yami Nzambi yatata yeyi Abarahama; bayi wutiyaŋa womaku, ami nidi naneyi, nakakukoolekeshapa, nakakuvulishila anyaneyi hamujimba waŋamba yami Abarahama.

²⁵Kwenoku watupililuku kameŋa, hakutambika niijina daYehova, hakulemenakuni itenti dindi. Kwenoku apamba jaIsaka apundiluku niishima.

²⁶Abimeleki wafumini kuGerari hakuya kudi yena, niibwambu dindiAhuzati, niFwikoli wadiŋi mukulumpi wamashidikindi.

²⁷Isaka wayililinindi, Munenjilidi kudami, yenu mwanhelaku? Yenu mwanhapiluku?

²⁸Kuchinka wena nawu, Twamweni chalala netu, Yehova wudi nindi; netu, Hekali kusanyika hakachi ketu, hakachi ketu naneyi, tutiyapani neyi chitiyaŋenu.

²⁹Chitiyaŋenu chakwila chitunabuli kukwilahu chuma, nichitunakwili mwamuwahi hohu bwepi, nichituna kwitŋi kuya chachiwahi chakadi nsaŋu, eyi nawa kutwiletu chuma chatama nehi. Eyi kweyi komana anakukiswili nkisu kudi Yehova.

³⁰Wayitelekeleli chawija, adiili, anwini.

³¹Ahindukili ntetemena yayeni, hiyakudishipa nakusanyika, iwu nakusanyika, iwu nakusanyika. Isaka wayilekeli ayi, hiyakufuma kudi yena chachiwahi.

³²Itapwa dodimu apamba jaIsaka enjili nakumuleja ishimada pundiluwu. Amulejeli nawu, Tunawani meji.

³³Yena waditumbili ijina, nindi Sheba, dihafuma kutena ijina damukula nawu Berisheba nilelu.

³⁴Esawu chashikiliyi munyaka makumi awana wasumbwili niYudita mwana kakaHiti Beyeri, niBasemati mwana kakaHiti Eioni.

³⁵Wenana atiyishilaŋa niIsaka niRebeka chikela kumuchima.