Read MUKANDA WANZAMBI Genese 27 Bible Online

Genese 27 - MUKANDA WANZAMBI bible

Genese 27

¹Cheliliyi Isaka nakuli dehi, mesu indi aneli dehi mbundu, nakapanyi kumona, hakutambika wedi windi Esawu, hakumwila nindi, Mwanami. Yena nindi, Vude.

²Nindi, Tala ntahi, ami nela dehi kashinakaji, hineluki kwami itaŋwa dinakafwaku.

³Dichi dinu, nonaku mwaniyitwa yeyi yiwazombaŋa nachu, mungongu weyi wanyivu, niwuta weyi, wuyi mumpata wunjahili mbiji;

⁴wakantelekeli mbiji yikweti lupwembuyi na keŋa, wakanleteli nakadyi, kulonda nakakukiswili nkisu yamumuchima wami hohanu nichidi kanda nifwi.

⁵Rebeka wachitiyili chahosheliyi Isaka namwanindi Esawu. Esawuhakuya mwisapa nakuzomba, akajahi mbiji, akaleti.

⁶Rebeka wahoshelina mwanindi Yakoba, nindi, Tiya dinu, ami namutiyi tata yeyi nahoshinamana kweyi Esawu;

⁷namuleji nindi, Kanleteli mbiji yamwisaŋa, wakantelekeli mbiji yikweti lupwembu, kulonda nakadyi, nakakukiswilinkisu kumesu aYehova hohanu nichidi kanda nifwi.

⁸Dichi dinu, eyimwanami, ovwahilaku mwizu dami mwejima munukukuleja.

⁹Yaku dinukwiyinda wakankwatiluku twana twampembi tuyedi twatuwahi, nakamutelekelitata yeyi mbiji yikweti lupwembu, yakeŋayi.

¹⁰Wakayitwala kuditata yeyi, kulonda akadyi, akakukiswili nkisu hohanu kanda afwi.

¹¹Yakoba hakumwila mama yindi Rebeka, nindi, Mana kwami Esawu himuntu wawutambu, hakwila ami nimuntu wasenena wakadi wuvuji.

¹²Wamba kela tata wakankwatakwata nakuntiya, yena wakanmona neyinimukwakudimbana, nakadikojeja kwakunshipa honu, nikunkiswila hakunkiswilaku.

¹³Mama yindi hakumwila nindi, Neyi akukushiŋa, mashiŋu akela amami, mwanami; kumina dakutiya mwizu dami, yaŋa kankwatiliyi.

¹⁴Wayili nakuyikwata. Wayileteli kudi mama yindi. Mama yindi watelekeli mbiji yikweti lupwembu, yakeŋeliyi tata yindi.

¹⁵Rebeka wanoneni mahina amawahi awedi windi Esawu adiŋiyi nawumwitala, wamuvwikili mwanindi wakansi Yakoba.

¹⁶Washili yitembi yawanyana kampembi nihamakasindi, nihanshiŋu yindi hana hakadi wuvuji.

¹⁷Wamwinkeli mwanindi Yakoba muchikasa chindi nimbiji yikweti lupwembu nidinkendi dehliyi.

¹⁸Niyena hakuya kudi tata yindi, nindi, Tata. Yena nindi, Yamonu; yeyinyi mwanami?

¹⁹Yakoba hakumwilatata yindi, nindi, Yami wedi weyi Esawu; nela dehi muwunanleji. Ahinduki mwani, ashakami adiyi mbiji yami yamwisapa, ankiswili nkisu yamu muchima weyi.

²⁰Isaka hakumwila mwanindi, nindi, Wunayiwani ŋahi kachawichi, mwanami? Yena nindi, Muloŋa Yehova, Nzambi yeyi, diyi waŋendesha chachiwahi.

²¹Isaka hakumwila Yakoba, nindi, Swilaku kwakwihimwanami, niku kwatakwati nikutiyi, niiluki neyi chalala wumwanami Esawu, tahindi nehi.

²²Yakoba hakuswila kwakwihi natata yindi Isaka; yena hakumu kwatakwatana kumutiya, nindi, Izu dinu hiizu daYakoba, kwinza makasa himakasa aEsawu.

²³Hamwilukiluku, muloŋa makasindi adiŋi awuvuji neyichadiŋuwu makasa amana kwindi Esawu. Nochu wamukiswilili nkisu.

²⁴Nindi, Eyi chalala yeyi mwanami Esawu? Yena nindi, Yami.

²⁵Nindi, Yileti kunu kwakwihi, kulonda nidyi mbiji yamwanami, kulonda nikukiswilinkisu yamumuchima wami. Wamu tweleleliyi kwakwihi, wadiili; wamutweleleli nivinyu, wanwini.

²⁶Tata yindi Isaka hakumwila nindi, Swilaku dinu kwakwihi wumpwepuli, mwanami.

²⁷Wamwilili kwakwihi, wamupwepwili. Watiyili ivumba damahinindi, wamukiswilili nkisu, nindi, Talenu, ivumba damwanami didineyi ivumba dampata yanakiswililiyi Yehova nkisu.

²⁸Nzambi akwinkaŋa wuumi wamwiwulu, nimpata jamwekana manji, akuvulishili nitidiku nivinyu.

²⁹Antu amavulu akukalakeli, ninyuza yawantu akubandamini. Ikalaku mwanta wawana kweyi, nianyana kamama yeyi akufukamini. Yowu wukukushiŋeyi niyena amushiŋi, yowu wukukukiswileyi nkisu niyeni amukiswili nkisu.

³⁰Cheliliyi Isaka hohakukumisha kumukiswila Yakoba nkisu, niYakoboni yena mwomu kufuma mwadiŋiyi tata yindi Isaka, mana kwindi Esawu hakwinza kwayiliyi nakuzomba.

³¹Niyena watelekeli mbiji yikweti lupwembu, wayitweli mwadi niyi tata yindi; wamwilili tata yindi nindi, Tata ahinduki mwani, adiyi mbiji yamwaneyi, kulonda muchima weyi wunkiswilinkisu.

³²Tata yindi Isaka hakumwila nindi, Yeyinyi? Yena nindi, Yamimwa neyi, yami wedi weyi Esawu.

³³Isaka hakuzaala nikuzaala nankashi chakubadika, nindi, Indi owu wajaha mbiji nakunletela, ninami nayidyi dehi yejima to-o eyi kanda winzi, namukiswila dehi ninkisu, wadi ŋinyi? Chalala niyena diyi wakakooleka chi.

³⁴Esawu chatiyayi mazu atata yindiyodila ikumbu dadeni dasweja niwushona nankashi, hakumwila tata yindi, nindi, Nkiswili nkisu ninami nawa, eyi tata.

³⁵Nindi, mana kweyi wenza dehi nakudimbana, watambula dehi nkisu yeyi.

³⁶Yena nindi, Komana chalala dichi chanamutu mbililuwu ijina daYakoba, muloŋa naŋamuki dehi aka kayedi aka; wantambwili wuawakulumpi wami, ichi dinu nantambuli dehi ninkisu yami. Nindi, Hiwunanswekeluku nkisu yamuku?

³⁷Isaka wamwakwili Esawu, nindi, Namwilislii dehi himwanta weyi, niana kwindi ejima namwinkuwu akeli aŋamba jindi; namuhandishi dehi natidiku navinyu; ndochu dinu eyi nukukwililadi, mwanami?

³⁸Esawu wamwililitata yindi, nindi, Wukweti nkisu yimu hohu bweŋi, tata? Nkiswilinkisu ninami nawa, eyi tata yami. Esawu hakutwa ikumbu dakudila.

³⁹Tata yindi Isaka wamwakwili nindi, Tiya, kumpata jamwekana manji diku kuwakashakama, nikudi wuumi wamwiwulu.

⁴⁰Wakahandila mpokuyeyi yakabali, wakamukala kelaŋa mana kweyi. Chakekala chiwaka dipukumuna wakasahula mpanda yindi kunshiŋu yeyi.

⁴¹Esawu wamuheleli Yakoba nanoyu nkisu yamukiswililiyi tata yindi. Esawu wahosheli mumuchima windi, nindi, Mafuku akudila tata adikwakwihi, henohu dihu nakamujaha mana kwami Yakoba.

⁴²Amulejeli Rebeka mazu awedi windi Esawu; niyena hakutemesha nakutambi kamwa nindi wakansi Yakoba, hakumwila nindi, Tiyaku, mana kweyi Esawu hansaŋu yeyi hakudikundeja mumuchima windi nindi wakakujaha.

⁴³Dichi dinu, eyi mwanami, ovwahilaku mwizu dami; nyamukaku, wutemukili kuHarana kudi mana kwami Labani.

⁴⁴Wakashakami nindi mafuku antesha, nichi yakakuma ndombu yamana kweyi;

⁴⁵chikwakakuma kuzuwa kwamana kweyi, chakavulame nayi chiwunamwili, nakakutumeshela kaŋanda akakuleti cheŋi akumbondeladi wejima wenu ayedi ifuku denudimu?

⁴⁶Rebeka wamwilili Isaka, nindi, Wumi wami wansekeli dehi nanawa ambanda anyana kaHeti; neyi Yakoba wukusumbula ambanda ahadi anyana kaHeti, neyi chaduwu wenawa, awa ambanda amunu mwituŋa, nihandilidi dinu?