Read MUKANDA WANZAMBI Genese 29 Bible Online

Genese 29 - MUKANDA WANZAMBI bible

Genese 29

¹Yakoba hakuya munjila yindi, hakushika kwituŋa dawantu akumusela.

²Watalili kumpatoyu kwadiŋi ishima, kutala kunakami nyikanka yanyikoku yisatu; mwishimodu dimu mwanwishila ŋawu yimuna; niilola dajikiluwu kwishima dadiŋi deneni.

³Yimuna yejima yapompelaŋa kwenoku; akunkumwinaŋa ilola kwishima hiyakunwisha nyikoku, hiyakusha cheŋi ilola kwishima kudadiŋi.

⁴Yakoba hakuyila nindi, Enu ana kwami, mwafuma kudihi? Nawu, Etu twekala kuHarana.

⁵Wayilili nindi, Enu mwamwiluka Labani mwana kaNahori? Nawu, Twamwiluka.

⁶Wayilili nindi, Wáshakama chachiwahi? Nawu, Wáshakama chachiwahi. Mwanindi Racheli iwu wukwinziwunanyikoku.

⁷Nindi, Itaŋwa dichidi mwiwulu, hanu dihu hapompeshaŋa wuyi muna wanyi; yinwishenu nyikoku muyi nakuyidiisha.

⁸Nawu, Hitukutweshaku, chiŋa yimuna yejima ayipompesha, hiyakukunkumuna ilola kwishima; hitukuyinwisha ninyikoku.

⁹Wuchidi kuhosha nawu, Racheli hakwinza nanyikoku yatata yindi, muloŋa diyi wayibiŋilaŋa.

¹⁰Yakoba chamweniyi Racheli mwana kamandu miyindi Labani, ninyikoku yamandumi yindi Labani, Yakoba hakuswila kwakwihi, hakukunkumuna ilola dadiŋi kwishima, hakunwishanyikoku yamandumi yindi Labani.

¹¹Yakoba hakumupwepujola Racheli, hakutwala izu dindi hewulu nekumbu dakudila.

¹²Yakoba wamulejeli Racheli nindi, Ami nimwiha watata yeyi, ni mwana kaRebeka. Niyena hakuya lufuchi nakumuleja tata yindi.

¹³Chatiyayi Labani nsaŋu yaYakoba mwiha windi, hakuya lufuchi nakumukinkilila, hakumukumbata nakumupwepujola, hakumutwala nikwitaladindi. Wamulejeli Labani yumiyi yejima to-o.

¹⁴Labani wamwililinindi, Chalala mwayedi wetu mwivumu detu. Washakamini nindi mwahitilikakweji.

¹⁵Labani hakumwila Yakoba, nindi, Ochu chiwudi ntaŋa yami wunkalakeli chamukunkulwayi? Nleji dinu munakakufwetela.

¹⁶Labani wadi ijina wanyanindi awambanda ayedi; wamukulumpi ijina dindi Leya, wakansi ijina dindi Racheli.

¹⁷Mesu aLeya adiŋi kukola chalala nehi, hakwila Racheli wadiŋi walubanji nikumujimba ni kumesu.

¹⁸Yakoba wakeŋa eli Racheli; welili nindi, Nukukukalakela nyidimu nyaka yitanu nayiyedi, wakanyinki mwaneyi wakansi Racheli.

¹⁹Labani ninai, Chachi wahini kwinkiyi eyi, ochu nimwinki iyala wacheŋi? Shakamaku nanami.

²⁰Yakoba wamukalakeleli Racheli nyaka yitanu nayiyedi; wayimwenineyi himafuku antesha hohu nanochu chamukeŋeliyi.

²¹Yakoba wamwilili Labani, nindi, Nyinki iŋodami, muloŋa mafuku ami anawani dehi, kulonda niiŋili mudi yena.

²²Labani wapompesheli amayala ejima akwenoku, watelekeli chawija.

²³Hamelela watambwili mwanindi Leya, hakumutwala kudi yena; yena wepilili mudi yena.

²⁴Labani wamwinkeli mwanindi Leya nduŋu yindi wamumbanda, ijina dindi Zilipa, kulonda akeli nduŋu yindi.

²⁵Hantetemena kutala komanahi Leya; hakumwila Labani, nindi, Eyi wunaŋili ŋahi? Ami nakalakalaŋa kudeyi nami wunyinki Racheluku? Ndochu wunandimbilidi?

²⁶Kuchi nka Labani nindi, Kwenakunu kusambila kusumbwisha kansi, mukulumpi kanda, hitwachilaŋaku.

²⁷Wanishaku mulungu wayeniwu, nimukwawutukukwinkayi nanyidimu yiwakakalakala kudami nyaka yi kwawu yitanu nayiyedi.

²⁸Dimu mweliliyi Yakoba, wawanishili mulungu wamumbanda; Labani wamwinkeli nimwanindi Racheli kulonda akeli Iŋodindi.

²⁹Labani wamwinkeli mwanindi Racheli nduŋu yindi wamumbanda, ijina dindiBiliha, kulonda akeli nduŋu yindi.

³⁰Wepilili nimudi Racheli, Rachelidiyi akeŋeliyi nankashi, Leya hamukeŋeli chalalaku. Wakalakeli nyakayikwawu yitanu nayiyedi kudi yena.

³¹Yehova chamweniyi Leya anamuheli, wamujikwili lusemu mwivumu; hakwila Racheli welili nshinta.

³²Leya yoba aba niivumu, yovwala nimwanaweyala, yonamutumba ijina dindi, nindi Rubeni; nindi, Nanochu chanataliyi Yehova yihuŋu yami; ichi dinu nfumwami wukunkeŋa.

³³Wabaabilicheŋi ivumudi kwawu, wavweli mwana weyala; nindi, Nanochu chanatiyiyi Yehova chananheluwu, dichi chananyinkeliyi niyeniwu nawa; yonamutumba ijina dindi, nindi Simeyona.

³⁴Wabaabili cheŋi ivumudikwawu, wavweli mwana weyala; nindi, Ichi dinu chinavwali, nfumwamiwu kudi kunda nanami, nanochu chinamuvweli anyanindi amayala asatu. Wanamutumbili ijina dindi, nindi Levi.

³⁵Wabaabili cheŋi ivumu, wavwelimwana weyala; nindi, Ichi chinavwali ichi nukumusakilila Yehova. Dichicha namutumbililiyi ijina dindi, nindi Yuda. Yokumisha nikuvwala.