Read MUKANDA WANZAMBI Genese 30 Bible Online

Genese 30 - MUKANDA WANZAMBI bible

Genese 30

¹Racheli chamweniyi chabuliliyi kumuvwela Yakoba anyana, Racheli wamutiyilili mana kwindi ichima. Hakumwila Yakoba, nindi, Nyinki nyana, mukunkulwayi nukufwa.

²Yakoba wamuzuwilili Racheli, nindi, Ami yami Nzambi mwaka nikulekeshi kuvwala?

³Iŋodi ndinindi, Tala nduŋu yami Biliha owu, iŋilaku mudi yena; kulonda akanvwelinyana hanyendu yami, ninami nawa nakamweni nyana kudi yena.

⁴Yomwinka nduŋu yindi Biliha akeli Iŋodindi; Yakoba niyena hakwijila mudi yena.

⁵Biliha yoba aba nikuba aba, hakumuvwela Yakoba mwanindiweyala.

⁶Racheli nindi, Nzambi nanhakwili dehi, natiyi niizu dami nawa, nanyinki dehi mwanami weyala. Dichi chanamutumbililiyi ijinadindi, nindi Dani.

⁷Nduŋu yaRacheli Biliha wabaabili cheŋi ivumudikwawu, wamuvweleli Yakoba mwana weyala wamuchiyedi.

⁸Racheli nindi, Nadikwati dehi kampaŋa kakeni kakavulu namana kwami, namubulu mufutu. Wanamutumbihi ijina dindi, nindi Nafwatali.

⁹Leya chamweniyi nakumishi dehi kuvwala, hakutambula nduŋu yindi Zilipa, hakumwinkayi Yakoba akeli Iŋodindi.

¹⁰Zilipa nduŋu yaLeya wa muvweleli Yakoba mwana weyala.

¹¹Leya nindi, O kukooleka. Yonamutumba ijina dindi, nindi Gadi.

¹²Nduŋu yaLeya Zilipa wamuvweleli Yakoba mwana weyala wamuchiyedi.

¹³Leya nindi, O kuwaha kunatiyami. Akwetu ambanda akantenaŋa nawu, Watiya kuwaha. Yonamutumba ijina dindi, nindi Asheri.

¹⁴Hamafuku aaŋulaŋawu tidiku Rubeni waweni nyitookato-oka mwiha, hakutwala kudi mama yindi Leya. Racheli hakumwila Leya, nindi, Anyinkuhu mwani, nyitookatooka yamwaneyi.

¹⁵Yena hakumwakula, nindi, Kuntambula nfumwami chikehi, wutambuli nawa nyitookatooka ya mwanami? Racheli nindi, Komana wufuku owu wukukama nindinanoyu nyitookatooka yamwaneyi.

¹⁶Yakoba wafumini kwiha namelela, Leya hakuya nakumukinkilila, nindi, Chiŋa wiŋila mudami, muloŋa nakukwati dehi nanyitookato-oka yamwanami. Wakamini nindi wena wufuku owu.

¹⁷Nzambi wamutiyililili Leya, yoba aba nikuba aba, yomuvwela Yakobamwana weyala wamu chitanu.

¹⁸Leya nindi, Nzambi nanyinki dehi wuloku wami, nanochu chinamwinka nfumwami nduŋu yami. Yonamutumba ijina dindi, nindi Isakari.

¹⁹Leya wabaabili cheŋi ivumu, wamuvweleli Yakoba mwana weyala wamu chitanu nawumu.

²⁰Leya nindi, Nzambi naniheteshi maheta alala. Ichi dinu nfumwami wukushakama nanami, muloŋa namuvweli dehi anyana amayala atanu nawumu. Yonamutumba ijina dindi, nindi Zebuluni.

²¹Chanafuntili yumu yovwala mwanawa mumbanda, yonamutumba ijina dindi, nindi.

²²Diŋa Nzambi wamwanukili Racheli, wamutiyililili, wamujikwili lusemulwindi.

²³Yoba aba nikuba aba, hakuvwala mwana weyala. Nindi, Nzambi nanfumishili dehi nsonyi.

²⁴Wanamutumbili ijina dindi, nindi Yosefu, nindi, Yehova wakambombelaku mwana mukwawu weyala.

²⁵Chelayi Racheli navwali dehi Yosefu, Yakoba hakumwila Labani, nindi, Nleki niyaŋa nakafunti cheŋi kwetu, kwituŋa detu.

²⁶Anyinkini aŋodi jami ni anyanami inakukalakeleli, nleki niyi; wuneluki mudimu wunakukalakeleli.

²⁷Labani wamwilili nindi, Neyi wunamonami kuwaha, shakamaku. Nashinshiki dinu komana Yehova nankoolekeshi dehi hamujimbaweyeyi.

²⁸Nindi, Nleji muwufwetu weyi, nakakwinka.

²⁹Wamwilili nindi, Eyi weluka dehi chinakukalakeli ami, niyimuna yeyi chiyanashaka muwunanami.

³⁰Ami chinenjili, nakuweni nayimuna yantesha hohu, ichi yasemununa dehi, yavula dehi nankashi; saŋa nashakamina kunukweyeyi Yehova nakukoolekeshi hohu; indi awa ahamukala wamamiaweni namba kayihetela kumwakanyi?

³¹Nindi, Nikwinkidi? Yakobanindi, Hiwukunyinka chumaku. Tiya chuma chiwakaŋilila kulondanakadiishi cheŋi yimuna yeyi nakuyihemba.

³²Ami nukuhita lelu mukachikayimuna yeyi nakufumishamu nyikoku yejima yikweti tumabeŋa niyamaasamaasanieliya ejima, niampembi akweti tumabeŋa niamaasamaasa; diwu akela wufwetu wami.

³³Chiwamba kenza nakuhosha jawufwetuwami wakamona chinashinshika, neyi wakawana kudami ampembi akaditumabeŋa, niákubula maasamaasa, nianyikoku ákubula kwiliya, wakankwatakweyi wukombi.

³⁴Labani nindi, Chachiwahi, twilenu muwunahoshi.

³⁵Ifuku dodenoduwa fumishilumu yizamba yawampembi yejima yikweti nyileji, ninyikajiya wampembi yamaasamaasa, niyikweti tumabeŋa, yejima yikweti kutooka kwanti, ninyikoku yeliya yejima. Wayinkeli anyanindi.

³⁶Washili mukachi kayena naYakoba mpata yakweseka mukwenda kwamafuku asatu. Yakoba hakudiishaŋa yimuna yaLabani asheluhu.

³⁷Yakoba hakuteta tunyitondu twatwovu twanyipopilari nialimondana nyilendi, hakutubwambula mabeka mabeka atooka, mutondu wutooka wamukachi wumwekana.

³⁸Hakusha tunyitondu twabwambwiliyi kumesu awayimuna mwawoŋakana muyizawu yakunwisha meji kwanwininu wuyimuna meji. Chayilaŋawu nakunwa hiyakutachika nimavumu.

³⁹Hiya kutachi kanimavumu kuna kutunyitondu, hiyakuvwala anyana, nianyileji niamaasama asa niatumabeŋa.

⁴⁰Yakoba wayambwili anyana, hakutalishamesu awayimuna kudi anyileji, nikudi eyila ejima ahadi yimuna yaLabani. Nyikanka yayomwenindi wayishili hakanka wawu, hayibombeli nayimuna yaLabanuku.

⁴¹Nochu welili, chakuta chikawu mavumu, yimuna yakola yaYakoba hakuyishila tunyitondu kumesu awu muyizawu, kulonda akata chiki mavumu mukachi katunyitondu;

⁴²ilaŋa yimuna yayonda hatushili mwoku; choche nochu yayonda hiyikwikala yaLabani, hakwila yakola yaYakoba.

⁴³Yena iyalowu hakuheta nankashi, waheteli ninyikanka yayeni yawayimuna, nianduŋu awambanda nianduŋu amayala, nianŋameli, niayimbulu.