Read MUKANDA WANZAMBI Genese 33 Bible Online

Genese 33 - MUKANDA WANZAMBI bible

Genese 33

¹Yakoba nindi afumbuli mesu indi nakutala, Esawu owu wukwinza owu namayala makulakaji awana. Wayambwili anyanindi, awakudi Leya, awa kudi Racheli, awa kudi anduŋu awambanda mwayedi wawu.

²Anduŋu awambanda nawanyanawu wayitwa mwŋiluku, mulondela niLeyana wanya nindi, Racheli naYosefu wayikumishili munyima.

³Yemweni wazambukila ŋahu dehi kumbidi, wabandamini nihamaseki mapampakatanu nakayedi, nichashikiliyi kwakwihi namana kwindi.

⁴Esawu wayili lufuchi nakumubulakana, wamukumbatili, yomunoŋa minanihanshiŋu yindi, yomupwepujola nikumupwepujola; hiyakudila.

⁵Wafumbwili mesu indi, wamweni niambanda nianyana, nindi, Indi awawudi nawu anyi? Nindi, Wowu anyana anantoŋweliyi Nzambi ami kambuŋeyi.

⁶Hohenohu anduŋu awambanda aswilili kwakwihi nawanyanawu, hiyakubandama.

⁷NiLeya nawanyanindi hiyakuswila kwakwihi hiyakubandama, kukuminaku niYosefu naRacheli hiyakuswila kwakwihi hiyakubandama.

⁸Esawu nindi, Chendu china chejima chinabulakana chadi? Mukwawu nindi, Kulonda wuntiyili luwi kumuchima, eyi mwanta wami.

⁹Esawu nindi, Yami nidi nayu yinawani; eyi mana kwami shakamakutuhu nayuma yeyi.

¹⁰Kuchinka Yakoba nindi, Nehi mwani, neyi wunantiyililuwi kumuchima, tambulaku yuma yami yinukukwinka yamukunkulu; nanochu chinakumoni dehi kumesu eyi, neyi kwiji namoni Nzambi kumesu indi, nineyi wunantiyi kuwaha.

¹¹Atambuli mwani, yumayami yamukunkulu yanakutweleluwu; nanochu chanaŋiliyi Nzambi luwi, muloŋa yuma yejima niai nayu. Wamukakejeli, yotambula nikutambula.

¹²Welili nindi, Tuyenuŋa munjila yetu, tuyenu, ami nukutwaminaku.

¹³Mukwawu nindi, Eyi mwanta, wuneluki anyana amwovu niampembini anyikoku ni aŋombi enda amwisha; neyi akuyendesha chakola hela ifukudimu hohu, ampembi nanyikoku ejima akufwa.

¹⁴Mwanta mwani, ayaŋahu dehi kumbidi, ami kambuŋindi nukushala munyima; nukulondelaŋa chovu chovu, mwomwendelaŋa ayimuna inidi nawu, mwomwendelaŋani anyana, nichinakashika kuSeyiri kudi mwanta.

¹⁵Esawu nindi, Tali nikushiili antu amakwawu inidi nawu. Kuchinka mukwawu nindi, Kulondadi? Mwanta wami antiyili luwi kumuchima.

¹⁶Nochu Esawu dodena ifuku odu wafuntili cheŋi, hakuya kuSeyiri.

¹⁷Yakoba wendeli nakushika kuSukoti, watuŋili itala dindi, watuŋilini nyinkanda yawayimuna jindi; dichi chiyatenena ŋawu kwenoku nawuku Sukoti.

¹⁸Yakoba hafuminiyi kuPadani Arama washi kili chachiwahi kumukalaweneni waShekemi, wekala mumpata yaKenani. Watuŋili chilombu chindi kwakwihi namukala.

¹⁹Walandili kapata kantesha kwokwalemeniyiitenti dindi, walandili kudi anyana kaHamori, tata yaShekemi, namali nkulakaji.

²⁰Watuŋiluku kameŋa, wakatumbili ijina nindi ElEloheIsarela.