Read MUKANDA WANZAMBI Genese 34 Bible Online

Genese 34 - MUKANDA WANZAMBI bible

Genese 34

¹Diŋa, mwana kaLeya wamumbanda, avweleliyi Yakoba, wayilinakutala anyana awambanda amwituŋa diŋa.

²Shekemi, mwana kaHamori kaHivi, mwanta wetuŋa, wamumweni, hakumutambula, hakukamanindi, hakumutamisha.

³Muchima windi wamulamatili Diŋa mwana kaYakoba mbe, wamukeŋeli ona chaŋadima, hakuhanjika nindi nakumukundeja.

⁴Shekemi wahosheli natata yindi Hamori, nindi, Nsumbwiliyeniwu chaŋadimiwu.

⁵Henohu Yakoba wachitiyili dehi nawu yena namutamishi dehi mwanindi Diŋa. Anyanindi adiŋi mumpata nawayimunayindi. Yakoba wadimweneni kwindi zo-o nakutalila chakenzawu.

⁶Hamori, tata yaShekemi, wayili kudi Yakoba nakuhanjika nindi.

⁷Anyana kaYakoba, chachitiyiluwu, hiyakufuma mumpata mwadiŋuwu, hiyakwinza. Wena amayala atiyili kutama, azuwili nankashi, muŋayena nakoŋi dehi yawusupi muIsarela, chanakamiyi namwana kaYakoba; chuma china kuchikopa chinjila.

⁸Hamori wahanjikili nawu, nindi, Mwanami Shekemi nafwili mwanenu. Mwinkenu iyi mwani, asumbuli.

⁹Twakasumbwapani kwetu, enu mutwinkianyanenu, ninenu nawa mutambuli anyanetu.

¹⁰Twaka shakaminenu hamu; ituŋa denu odu; shakamenu kwenu nakulandulwilamu, mwakadihete shelumu mahetenu.

¹¹Shekemi wamwilili tata yamumbandanana kwindi, nindi, Antiyili luwi, nukuyinka mwonsu mumukunleja.

¹²Nfuukwilenuŋa nyivu mwonsu mumukunfu ukwila mwomu, hela mweneninankashi, nikazundu, mwejima mumwakanleja nukukumina dakuyinkatuhu, chiŋa munyinka iwu chapadima nimusumbuli.

¹³Anyana kaYakoba ayakwili aShekemi natata yindi Hamori nakudimbana, nanochu chatamishiliyi muhelawu Diŋa;

¹⁴ahosheli nakuyilanawu, Etu kwetu chumichi hitunatweshi kuchilaku, tunoni muheletu tumwinkiyi chidima. Chenochu chikututiyisha nsonyi.

¹⁵Ilaŋa ntahi neyienu mukwi kala neyi etu, amayala ejima nakuyalamisha, neyi chochinatukuyiŋeja;

¹⁶hitukuyinka ni anyanetu, ninetu nawa hitukutambula anyanenu, tukushakama nenu, tukwila antu wowamu.

¹⁷Ilaŋa neyi kwontikwenu kututiyilila nakwalamaku, tukutambula kwetu mwanetu, tukudiyila.

¹⁸Mazu awu atiyishili aHamori namwanindi Shekemi kuwaha.

¹⁹Yenona mukwenzi halabili nakwila chumochuku, nanochu chatiyiliyi kuwaha namwana kaYakoba. Kwitala datata yindi diyi yalemesheluwu chakubadika akwawu ejima.

²⁰AHamori namwanindi Shekemi ayilikuchisu champwembu yamukala wawu, ahanjikili namayala ahamukala wawu,

²¹nawu, Wenana mayala twashakama nawu chachiwahi; tutŋienukwetu ashakami mwituŋa dinu alandulwilumu. Ituŋa kwadu dinatohi. Tusumbulenu anyanawu, ninetu nawa tuyinki anyanetu.

²²Ilaŋa wena hiyakwiteja kushakama nanetu twi kali antu wowamuku, chiŋa etuamayala wejima wetu twalami neyi chalamawu wena.

²³Niyimunayawu, niyuma yawu, nianyama jawu ejima akabuli kwikala etwetu? Chakala chituneteji mwanahoshuwu, niwena twakashakama nawu.

²⁴Antuejima edikilaŋa muchisu chamukala windi atiyili chahosheluwu aHamorina mwanindi Shekemi; amayala ejima ayalamishili, wejima wawu edikilaŋamuchisu chamukala windi ayalamishili hohu.

²⁵Chi kwelili ifuku damu chisatu, anatiyi dehi kukata, anyana kaYakoba ayedi, iwu Simeyona, iwu Levi, wowana kwaDina, anoneni wejima wawumpoku jawu jatubali, ayili kumukala chakuyibazu mwisha, ajahili amayala ejima.

²⁶Ajahili aHamori namwanindi Shekemi nampoku yakabali, amwidishili Diŋa mwitala daShekemi, hiyakuya nikuya.

²⁷Anyana kaYakoba ayili kwajahililuwu antu, apupili nimukala, nanochu chatamishilu wumuhelawu.

²⁸Akuŋwili nimpembi jawu, ninyikoku yawu, niŋombiwu, niyimbulu yawu, niyuma yadiŋi mumukala, niyuma yadiŋi mumaha;

²⁹nimahetawu ejima, ni anyanawu anyanya ejima, ni aŋodi jawu, akwatani kukwata hiyankoli jawu, apupili niyuma yejima yadiŋi mumatala.

³⁰Yakoba wayilili aSimeyona naLevi, nindi, Munankabishi, munanunkishi ivumba datama kudi antu amunu mwituŋa, aKenani nawaPerizi; ami nidina wantu antesha, akampompela nakuntapa; nakajila ji-i, ninami nimukalawami.

³¹Kuchinka wena nawu, Ochu adi kumukoŋa tuhu muheletu neyi chiyakoŋaŋawu chivumbi?