Read MUKANDA WANZAMBI Genese 35 Bible Online

Genese 35 - MUKANDA WANZAMBI bible

Genese 35

¹Nzambi wamwilili Yakoba, nindi, Nyamukaku, yaŋa kuBeteli, wakashakamuku; wakatuŋiluku kameŋa kaNzambi wadimwekesheli kudeyi hana hiwamutemukili mana kweyi Esawu.

²Hohenohu Yakoba hakuyila akwamukala windi, niantu ejima adiŋiyi nawu, nindi, Fumishenu mukachi kenu akishi akwacheŋi imudinawu, mudijiliki, vwalenu nimahina acheŋi.

³Tunyamukenu, tuyenu kuBeteli, nakatuŋiluku kameŋa kaNzambi waŋakwili hefuku dinamweni yihupu, inadiŋi nindi munjila yami yinendeli.

⁴Amwinkeli Yakoba akishi akwacheŋi adiŋuwu nawu ejima, nituzeya twadiŋi kumatu awu. Yakoba wayivumbikili mwishina damukula wadiŋi kwakwihi nakuShekemi.

⁵Hiyakuya nikuya. Hanyikala yadiŋi kwakwihi nawena hadiŋi womawaweni, hiyalondeleli mwayili anyana kaYakobaku.

⁶Dichi Yakoba washi kili kuLuzi, wekala mwituŋa daKenani, diku kuBeteli, niyena niantuadiŋiyi nawu ejima.

⁷Watuŋililuku kameŋa, watumbiluku ijina, nindi KuEli Beteli; nanochu kwadimwekesheliyi Nzambi kwenoku, hatemukili yimana kwindi.

⁸Nleli yaRebeka Debora wafwili, amujiikili kuBeteli muchikulu, mwishina damukula, awutumba niijina dawu, nawu, Mukula Wakudilila.

⁹Nzambi wadi mwekesheli cheŋi kudi Yakoba hafuminiyi kuPadani Arama, wamukiswilili nkisu.

¹⁰Nzambi wamwilili nindi, ijina deyi yeyi Yakoba. Ijina deyi hiyakaditena cheŋi nawu Yakobaku, ijina deyi dakelayeyi Isarela. Wanamutumbili ijina dindi nindi, Yeyi Isarela.

¹¹Nzambi wamwilili nindi, Yami Nzambi Chinaweji, semunune nuŋa, mwakavulaŋa. Muza nimukanka wanyuza wakafuma mudeyi, nianyanta akafuma mumayeyi.

¹²Ituŋa dinenkeli Abarahama naIsaka, nakakwinkadu eyi, nakayinkaduni anya neyi akahiŋa mudeyi.

¹³Nzambi wafumini kudi yena kwahosheleli yinindi, hakuya mwiwulu.

¹⁴Yakoba wemi kili kaposhi kwahosheleli yinindi, kaposhi kelola. Wahuŋunwininuhu himulambu wakuhuŋununa, wahuŋunwininuhu nimanji.

¹⁵Kwenakuna kwahosheleliyi nindi Nzambi, Yakoba watumbiluku ijina, nindi kuBeteli.

¹⁶Hiyakuya nakufuma kuBeteli. Kwasheli kachintampu kantesha nakushika kuEfwarata, Racheli hakufunyisha, hakukata nankashi nyisoŋu yakuvwala.

¹⁷Chakatiliyi nankashi nyisopu yakuvwala, nkoŋu wamwilili nindi, Bayi wutiya womaku, keŋa wuvwali mwana weyala mukwawu.

¹⁸Chelili mwevulu windi hiwukuya, muloŋa hakufwa, hakunamutumba ijina dindi, nindi diyi Benoni. Ilaŋa tata vindi wanamutumbili ijina dindi, nindi diyi Benjamini.

¹⁹Racheli wafwili, amujiikili munjila yakuya kuEfwarata, diku kuBetelemi.

²⁰Yakoba wemi kili kaposhi hejamu dindi, diku kaposhi kakwijamu daRacheli nilelu.

²¹Isarela hakwenda cheŋi, walemeni itenti dindi kwakupandakana itala dadilehi dakuEdari.

²²Hashakaminiyi Isarela mwituŋa diŋa, Rubeni wayili nakukama naŋodatatayindi wanduŋu Biliha, Isarela hakuchitiya. Anyana kaYakoba amayala adiŋi ikumi nayedi.

²³Anyana kaLeya, iwu wedi waYakoba Rubeni, iwu Simeyona, iwu Levi, iwu Yuda, iwu Isakari, iwu Zebuluni.

²⁴Anyana kaRacheli, iwu Yosefu, iwu Benjamini.

²⁵Anyana kanduŋu yaKacheli Biliha, iwu Dani, iwu Nafwatali.

²⁶Anyanakanduŋu yaLeya Zilipa, iwu Gadi, iwu Asheri. Diwu anyana kaYakoba amayala, amuvweleluwu muPadani Arama.

²⁷Yakoba washi kili kuMamiri, kudi tata yindi Isaka, kwoku Kiriyata Araba, diku kuHeberoni, kwashakaminuwu Abarahama naIsaka chawenyi.

²⁸Mafuku aIsaka ashikili munyaka nkulakaji nanyaka makumi atanu nasatu.

²⁹Isaka wumi windi wamufumini, afwani kufwa, amutweli kwaya antaŋa jindi, wela dehi kashinakaji, wanyaka nanyaka. Anyanindi aEsawu naYakoba amujiikili.