Read MUKANDA WANZAMBI Genese 37 Bible Online

Genese 37 - MUKANDA WANZAMBI bible

Genese 37

¹Yakoba washakamini mwituŋa dashakaminiyi tata yindi chawenyi mwituŋa daKenanima.

²Tiyenu nsaŋu jaYakoba. Yosefu washika dehi munyaka ikumi nayitanu nayiyedi, wabiŋilaŋa yimuna nawana kwindi; wadiŋi mukwenzi kwindina kushakama hamu nawanyana kaBiliha, nawanyana kaZilipa apodŋatata yindi. Yosefu wamushimwininumu tata yindi mwata mishapawu.

³Isarela wakeŋa eli Yosefu chakubadika anyanindi ejima, muŋa wadiŋi mwana wahawushinakaji windi. Wamuchiminini chi kovwelu chamahina eni naeŋi.

⁴Ana kwindi chamwenuwu tata yawu wamukepa yena chakubadika ana kwindi ejima, amuhela nikumuhela nkunyi mbe, kutweshakuhosha nindi chachiwahi nehi.

⁵Yosefu waloteli, wayawililumu ana kwindi, asweja nikumuhela mbe.

⁶Wayilili nindi, Tiyenu mwani, chinalotami.

⁷Twadiŋi mwiha nakukasayita; kutala chita chami chinyamuka nikunyamuka, chiimana ni kwimana. Kutala yita yenu hiyikwinza nakunyeŋumuka, hiyikubandamina kuchitachami.

⁸Kutiya ana kwindi nawu, Aka! Eyi kwaamu wikali mwantawetwetu? Eyi wutuyuletu? Hiyakusweja kumuhela mbe nayilota yindinamazu indi.

⁹Waloteli nawa cheŋi, wayawililumu ana kwindi, nindi, Tiyenu, nalotinawa cheŋi; naloti niitaŋwa nikakweji nitutumbwa ikumi nakamu hiyakumbandamina.

¹⁰Wayawililumu nitata yindi niana kwindi. Tata yindi hakumuhoshola, hakumwila nindi, Oku kulota kuwunaloteyi kwanka? Ninami nimama yeyi niana kweyi twakaya kwaamu nakukubandamina eyiri hamaseki?

¹¹Ana kwindi amutiyilili ichima, hakwila tata yindi nsaŋu oyu wayihembeli mumuchima.

¹²Ana kwindi ayili kuShekemi akadiishi yimuna yatata yawu.

¹³Isarela wamwilili Yosefu, nindi, Ana kweyi hiyakudiisha yimuna kuShekemu ku? Twaya ni kutemeshi kudi wena. Yena nindi, Vude.

¹⁴Wamwilili nindi, Yaku dinu wakatali neyi ana kweyi ashakama chachiwahi, neyi niyimunayidi chachiwahi, wakenzi cheŋi nakunleja. Wamutemesheli mwadiŋi yimuchinekineki chakuHeberoni, yena hakuya kuShekemi.

¹⁵Amuweni kudi iyala wumu wudi nakukimbuka mumpata. Iyala wamwihwili nindi, Wukukeŋadi?

¹⁶Nindi, Nukukeŋa ana kwami; anlejimwani, kwadi nakudiishilawu yimuna.

¹⁷Iyala nindi, Akunu afumaku dehi, nayitiya hiyakwila nawu, Tuyenu kuDotani. Yosefu wayilo ndeliana kwindi, wayiweni kwokuDotani.

¹⁸Wena amumweneni maaya, wachidirii kanda ashiki kwakwihi nawenaku, amukwatilili mpùŋa, nawutumujahi.

¹⁹Hiyakuhosha niniwu niniwu, nawu, Talenu, Sakulota onawukwinzona.

²⁰Tuyenu tumujahenu, tumuumbenu muwina, twakelanetu, Chisuma namudyi, kulonda tutali mwakaya kulota kwindi.

²¹Rubeni chachitiyiliyi hakumupulwisha kudi wena, nindi, Bayi tumujahaku.

²²Rubeni hakuyila nindi, Bayi mumwaŋa mashuku; kuminenu dakumuumbamuwina iwu wudi mwisaŋa, bayi mumwila chumaku. Wahosheli chochina kulonda kumupulwisha, akamufuntishi cheŋi kudi tatayindi.

²³Chashikiliyi Yosefu kwadiŋuwu ana kwindi, amuvuulili chikovwelu chindi, chochikovwelu chamahineŋi na eŋi, chadiŋi chavwalayi;

²⁴amukwataniku mukwata, amuumba nimuwina. Muwina mwadiŋi mwamukunkulu, mwosi mejuku.

²⁵Hiyakushakama kwawu nakudya; hiyakufumbula mesu awu, kutalaniseku, mukanka wawaIshimeli, awa akuhita awa hiyakufuma kuGileyadi nanŋameli jawu, anasendi nisitoraki nimasitiki niladanumi, hiyakuya nayu muEjipitu.

²⁶Yuda hakuyila ana kwindi, nindi, Neyi tukujaha mana kwetunakusweka mashi indi, tukudiila hodi?

²⁷Tuyenu tumulandenu nawa-Ishimeli, etu kwetu bayi tumwila chumaku, yena himana kwetu mwivumudetu. Ana kwindi etiyili.

²⁸AMidiyani hiyakuhita, akwakulandisha yuma. Hiyakumukoka Yosefu muwina, hiyakumulanda nawaIshimeli namali asiliva makumi ayedi. Yosefu amutwala nikumutwala muEjipitu.

²⁹Rubeni hakufunta kuwina, kumuwana Yosefu muwina mwosi, hakutabulani mahi nindi, bwechi bwechi.

³⁰Hakufunta kudi ana kwindi, nindi, Kansi kwosi, indi ami nukuyahi?

³¹Anoneni chi kovwelu chaYosefu, ajahili chizamba champembi, aputili chi kovwelu chindi mumashi.

³²Atemesheli chikovwelu chamahina eŋi neŋi, achishi kŋili kudi tata yawu, nawu, Tunawani chumichi, shinshikaku chachiwahi neyi hichikovwelu chamwaneyi, tahindi chacheŋi.

³³Yena wachilukili, nindi, Dichi chikovwelu chamwanami! Chisuma namudyi! Yosefu chalala amutabola dehi!

³⁴Yakoba hakutabula nimahinindi, bwechi bwechi, hakuvwala chikeleyi mumayindi, hakumudila mwanindi mafuku amavulu.

³⁵Anyanindi ejimani amayala nawambanda anyamukili, nawu amukundeji, ilaŋa yena kwindi kwonti kwindi kumukundeja. Nindi, Ami kwami nakakunkumuka mukaluŋa mudi mwanami nakudila hohu. Tata yindi hakumudila.

³⁶AMidiyani amulandulwili muEjipitu naPotifwari ishidika daFwaro, mukulumpi wa awatulama.