Read MUKANDA WANZAMBI Genese 38 Bible Online

Genese 38 - MUKANDA WANZAMBI bible

Genese 38

¹Wena mwakowu Yuda wanyamukili kudi ana kwindi, hakuyakudi muntu wakuAdulami, ijina dindi Hira.

²Kwenoku Yudawamweni mumbanda mwana kamuntu wakuKenani, ijina dindi Shuwa, wamutambwili, hakwijila mudi yena.

³Yena wabaabili ivumu wavwelimwana weyala. Yuda wanamutumbili ijina dindi, nindi Eri.

⁴Wabaabili cheŋi ivumu, wavweli mwana weyala, wanamutumbili ijina dindi, nindi Onani.

⁵Wavweli cheŋi mwana weyala, wanamutumbili ijina dindi, nindi Shela; hamuvweliyi Yuda wadiŋi kuKezibi.

⁶Yuda wamusumbwilili wedi windi Eri mumbanda, ijina dindi Tamari.

⁷Wedi waYuda Eri wadiŋi watama kumesu aYehova; Yehova wamujahili.

⁸Yuda wamwilili Onani, nindi, Iŋilaku mudi iŋodamana kweyi, wakamwilili mudimu wamana kwanfumwindi, wakamusaŋwili mana kweyi mbutu.

⁹Onani welukili nindi mwana hakekala winduku, dichi cheŋililiyi mudi iŋodamana kwindi, wechilili mbutu hamaseki, kuchina kumusaŋwila manakwindi mbutu.

¹⁰Chuma china cheliliyi Yehova wachimweni nindi chatama, wamujahili niyena nawa.

¹¹Yuda wamwilili muku windi Tamari, nindi, Shakamaku wuntuluwa kwitala datata yeyi, wutalili kwamba kakulilayimwanami Shela, muloŋa welili nindi wakenza kafwa neyi chafwiluwu ana kwindi. Tamari wayili nakushakama kwitala datata yindi.

¹²Chimwahitili mafuku amavulu mwana kaShuwa iŋodaYuda wafwili. Yuda wakumishili kudila, hakuya kwadiŋuwu antu indi atewilaŋa nyikokuyindi, ayili niyena niibwambu dindi Hira wakuAdulami.

¹³Amulejeli Tamari nawu, Muku weyi hakuya kuTimina akatewuli nyikoku yindi.

¹⁴Wavuulili mahinindi awuntuluwa, wadibutili mulesu, wadikumbakesheli, washakamini muchisu champwembu yakuEnayimi, kumbadi yanjilayaya kuTimina, muloŋa wamweni Shela nakuli dehi, kumwinkayi nawuamusumbuli nehi.

¹⁵Yuda chamumweniyi, watoŋojokeli nindi kwijihichivumbi nanochu chanadibutiyi kumesu indi.

¹⁶Yuda hakuya kudiyena kumbadi yanjila, nindi, Twatuyaŋa mwani, wuŋitiji kwijila mudeyi, muloŋa helukili nindi diyi muku winduku. Yena mumbanda nindi, Wukunyinkadi kulonda wiŋili mudi ami?

¹⁷Nindi, Nukukute meshela mwana kampembi wakwiyinda dami. Mumbanda nindi, Wukunyi nkadini kwatuku nitalili nachu chiwakantemeshela?

¹⁸Yena nindi, Ochu nikwinkidi wukwatuku? Mumbanda nindi, Nikazeya keyi, nimukwatu weyi, nimbwechi yeyi yidi kuchikasa cheyi. Wamwinkeli, weŋilili mudi yena, niyena wabaabili nindi ivumu.

¹⁹Wanyamukili kwindi, wayili, yosubula nimulesu windi, hakuvwala cheŋi mahinindi awuntuluwa.

²⁰Yuda watemesheli mwana kampembi nebwambu dindi wakuAdulami, kulonda atambuli cheŋi kudi mumbanda yuma yamwinkeliyi kukwataku. Ilaŋa hamuwenuku.

²¹Wehwili amayala akwenoku, nindi, Chivumbi wadiŋi kuEnayimi hambadi yanjila wudi kudihi? Nawu, Akunu hikwadiŋichivumbuku.

²²Wafuntili cheŋi kudi Yuda, nindi, Hinamuwanuku, ni amayala akwenoku nawu, Akunu hikwadiŋi chivumbuku.

²³Yudanindi, Asendi kwindi ayi nachu, akenda katukoolesha nsonyi. Tala ntahiami mwana kampembi namutemeshi, ilaŋa hiwunamuwanuku.

²⁴Chimwahitili kwiji neyi tukweji tusatu, amulejeli Yuda nawu, Mukuweyi Tamari neli wuvumbi, wudi nevumu. Yuda nindi, Kamwidishenu, kulonda amushiti.

²⁵Chamwidishiluwu, wamutemesheleli muku windi, nakwila nindi, Yenowu iyala wukweti yumiyi diyi wanyinka ivumu. Nindi, Shinshikaku chachiwahi mwani, yumiyi, nikazeya nimukwatu, nimbwechi, yanyi?

²⁶Yuda waytŋili, nindi, Komana yena diyi waloŋa chakubadikami, nanochu chinabulili kumwinkayi mwanami Shela. Hadilukili nindinawa cheŋuku.

²⁷Hafunyishiliyi komana mwivumu dindi mwadiŋi anyana ampamba.

²⁸Chafunyishiliyi wumu wedishili chikasa hanzi; nkoŋu wanoneni wandawuchinana wamukasili kuchikasa chindi, nindi, Yeniwu diyi wasambilakwidika.

²⁹Chafuntishiliyi chikasa chindi mana kwindi hakwidika, kutiyankoŋu nindi, Ehe-e, wunadibuzili ŋahi? Dichi chanamutumbililuwu ijinadindi, nawu Perezi.

³⁰Nkumininaku mana kwindi yowidika nikwidika, yenowu wadiŋi nawanda wuchinana kuchikasa chindi. Yena ijina dindianamutumbili, nawu Zera.