Read MUKANDA WANZAMBI Genese 39 Bible Online

Genese 39 - MUKANDA WANZAMBI bible

Genese 39

¹Yosefu amutweli muEjipitu. Potifwari, kalala kaFwaro, mukulu ipiwa awatulama, kaEjipitu, wamulandili nawaIshimeli amutwelikwenoku.

²Yehova wadiŋi naYosefu, niyena washakamini chachiwahi nakuyakumbidi hohu, washakamini hamukala wankaka yindi yenowu kaEjipitu.

³Nkaka yindi wamweni komana Yehova wudi nindi, komana Yehova hakuwahisha yuma yakwilayi yejima.

⁴Yena wamutiyili Yosefu kuwaha, niyena Yosefu wamukalakeleli; wamwilishili kapitawu kahamukala windi, yuma yindi yejima wamushililiyu kuhemba.

⁵Kufumisha hamwilishiliyi kapitawu nikahamukala windi nikayuma yindi yejima, Yehova hakukoolekeshamukala wayenowu kaEjipitu hamujimba waYosefu; nkisu yaYehova yashakamini hayuma yindi yejima, niyamwitala, niyamumaha.

⁶Yena wamushiyilili Yosefu yuma yejima kuhemba, helukili nawa cheŋi yumayinduku, welukili kwakudya kwindi kwadiilaŋayi. Yosefu wadiŋi wamuwahimumujimba, wukweti nilubanji kumesu.

⁷Kufumisha henohu iŋodamwanta windi hakutala hadi Yosefu, hakumwila nindi, Tukami neyi.

⁸Ilaŋa yena walekeli, hakumwila iŋoda mwantawindi, nindi, Tiya, mwanta wami hela yuma yinidi nayu mwitala hayilukaku, nanshilami yuma yindi yejima;

⁹mwitalidi mwosi wambadikamuku, kwosi chuma chananlekeshiyuku chiŋa yeyi hohu nanochu chiwudi Iŋodindi; ndochu ami nukutwesha ŋahi kukoŋa chumichi chaswejakutama nakumuvulumuna Nzambi?

¹⁰Chahoshela ŋayi naYosefu hefukuhefuku yena kwindi hetiyiluku, hela kukama nindi, hela kushaka manindi.

¹¹Ifuku dimu Yosefu wepilili mwitala nakwila nyidimu yindi, mwadiŋi mwosi amayala akwitalaku.

¹²Mumbanda hakumukwata kwihina dindi, nindi, Tukami neyi. Yena washiyili ihina dindi muchikasa chamumbanda, watemukili hanzi.

¹³Mumbanda chamweniyi yena namushiyili dehi ihina muchikasa chindi, natemuki dehi nihanzi,

¹⁴hakutambika amayala akwitaladindi, hakuyila nindi, Talenu ntahi, anatuleteli dehi mukachi ketu kaHeberu kulonda tuseŋulaŋa nindi; yena weŋila mwitala munidi, nindi nikamineyi, ami kwami hinukubidika chakola.

¹⁵Chantiyayi ami hinukutwalaizu dami hewulu nakutambika, yovuma niku usu, hakushiya ihina dindinanami.

¹⁶Mumbanda hakusweka ihina deyala nichichafuntiliyi nkaka yaYosefu kwitala dindi.

¹⁷Mumbanda wamulejeli mwomumu, nindi, Ona m iwaleteleyi, weŋila mwitala munadiŋi, nindi niseŋuli neyi;

¹⁸ilaŋa yena wela, chinatwala izu dami hewulu nakutambika, hakushiyaihina dindi nanami, hakutemuka kwindi hanzi.

¹⁹Nkaka yaYosefu chatiyiliyi mazu apodindi ahoshayi nindi, Tiyamwanaŋiliyi nduŋu yeyi; hakuzuwa.

²⁰Nkaka yaYosefu wamukwatili, wamushili mukaleya mwakasilaŋawu ankoli jamwanta Fwaro; hakushakamani mwenomu mukaleya.

²¹Ilaŋa Yehova wadiŋi naYosefu, wamumwekesheleli luwi, mwakenza amutoŋi kudi mukwakuhemba kaleya.

²²Mukwakuhemba kaleya wamushilili Yosefu kuhemba ankoli ejima adiŋi mukaleya; yuma yejima yeliluwu kwenoku, yena diyi wayilili.

²³Mukwakuhemba kaleya hatalili chuma chadiŋi naYosefu nichimuku, muloŋa Yehova wadiŋi nindi, niyuma yeliliyi Yosefu yejima Yehova wayiwahishili.