Read MUKANDA WANZAMBI Genese 4 Bible Online

Genese 4 - MUKANDA WANZAMBI bible

Genese 4

¹Iyala wamwilukili Iŋodindi Evu, yoba aba niivumu, hakuvwala Kena, nindi, Natambuli iyala kudi Yehova.

²Wavweli cheŋi, yovwalanimana kwindi Abeli. Abeli wadiŋi kabiŋa kanyikoku, Kena wadiŋi mukwakudima.

³Chimwahitili mafuku, chashakaminuwu shakame-e, elili Kena hakutwala kudi Yehova himulambu wayuma yamenaŋa hamaseki.

⁴Abeli, niyena, hakutwala awedi ayimuna yindi nimanji awu. Yehova watalili kudi Abeli nikuhimulambu windi;

⁵ilaŋa hela kudi Kena hela kumulambu windi, hatalili kwokuku. Kena wazuwili nankashi, wadihombe linikumesu.

⁶Yehova hakumwila Kena, nindi, Wunazu wilidi? Wunadiho mbelidi kumesu?

⁷Neyi wukwila chachiwahi hiyakukwitiyaku? Ilaŋa neyi hiwukwila chachiwahuku nshidi yinafukami kuchisu; wakata muchima hadeyi, nineyi wakela mwanta windi.

⁸Kena wahosheli namana kwindi Abeli. Cheliluwu chadiŋuwu mumpata, Kena hakumunyamukila mana kwindi Abeli, hakumujaha.

⁹Yehova hakumwihula Kena, nindi, Mana kweyi Abeli wudi kudihi? Kuchinka yena nindi, Kwiji, ami kwiluka nehi. Ochu ami yami namu hembaŋa mana kwami, tahindi?

¹⁰Yehova nindi, Wuneli nahi? Izuda mashi amana kweyi dinakulobeli kudami hamaseki.

¹¹Eyi dinu wunashiŋe wiheseki diŋa asami nakutambula mashi amana kweyi kudeyi.

¹²Chiwakadima iseki, hiyakakwidishila cheŋi Ŋovu jawuku; eyi wakekala mukwakubata jala, mukwakuki mbakimba hamaseki.

¹³Kena wamwilili Yehova, nindi, Iku kubabesha kuwuna mbabeshi kunabadiki muŊovu jami.

¹⁴Tala ntahi, wunantemuni dehi lelu hamaseki; nakabatama kumesu eyi; nakekala mukwakubatajala, mukwakuki mbakimba hamaseki, yowu wakaŋi dikila wakanjaha hohu.

¹⁵Yehova hakumwila nindi, Dichi dinu yowuwa kamujaha Kena, akamutenda Kena mapampa katanu nakayedi. Yehova wamushili Kena chinjikijilu, akenda kamutaŋa kudi antu amba kamwidikila.

¹⁶Kena wafumini kumesu aYehova, wayili nakushakama mwituŋa daNodi, kumbadi yaEdeni yamusela.

¹⁷Kena wamwilukili inodindi, yoba aba niiviunu, hakuvwala niEnoki; watupili mukala, watumbili mukala ijina damwanindi, nindi Enoki.

¹⁸Kudi Enoki kwavwalikili mwanindi Iradi, Iradi wavweli Mehuyayeli, Mehuyayeli wavweli Metusayeli, Metusayeliwavweli Lameki.

¹⁹Lameki wasumbwili aŋodi jindi ayedi; iwu ijina dindi Ada, iwu ijina dindi Zila.

²⁰Ada wavweli Yabali, diyi nkakulula yawakwa kushakama mumatenti, wowu akweti niyimuna.

²¹Manakwindi ijina dindi diyi Yubali, diyi nkakulula yawantu ejima embaŋayisanji nimateti akwimba.

²²Zila niyena wavweli Tubali Kena, diyimuchiŋi mukwakuchila yuma yakuketula nachu yejima niyawunepu niyachikuŋu; muhela Tubali Kena, Nama.

²³Lameki wayilili aŋodi jindi, nindi, Enu Adama naZila tiyenu izu dami, enu aŋodi jaLameki, tiyenu munukuhoshami; najahi iyala wantaŋa, mukwenzi weyala wankatisha.

²⁴Neyi Kena akamutenda mapampa katanuna kayedi, komana dinu chalala Lameki akumutenda makumi atanu namakumi ayedi nakatanu nakayedi.

²⁵Adama welukili cheni ipodindi; wavweli ni mwana weyala, haku namutumbani ijina dindi nindi Seta; nindi Nzambi nantoriweli mwana mukwawu wakuhiŋisha mudi Abeli ajahiluwu kudi Kena.

²⁶Kudi Seta niyena nawakwavwalikili mwana weyala; yonamutumba niijina dindi nindi Enoshi; henohu nihu hatachikiluwu antu kutambika ijina daYehova.