Read MUKANDA WANZAMBI Genese 40 Bible Online

Genese 40 - MUKANDA WANZAMBI bible

Genese 40

¹Chimwahitili yumiyi mukwakutwala lupasa kudi mwanta wakuEjipitu nimukwakutuŋa mankendi indi atamishili muchima wamwantawawu, yowu mwanta wakuEjipitu.

²Fwaro wazuwili nawenawa atupita twindi ayedi, iwu mukulumpi wawakwakutwala lupasa, iwu mukulumpi wawakwakutuŋa mankendi.

³Wayishilili mwitala damukulumpi wawatulama mwomukaleya, mwomwamukasililuwu Yosefu.

⁴Mukulumpi wawatulama wamulejeli Yosefu nindi, Kayitali. Yena wayikakelelaŋa. Wena ashakamini mafuku muna mukaleya.

⁵Nimukwakutwala lupasa kudi Mwanta wakuEjipitu, nimukwakutuŋa mankendi indi, akasililuwu mukaleya, aloteli, wejima wawu ayedi, iwuna mwindi, iwu namwindi, wufuku wawu wumu, iwu nimwakulumbulwilawu kulota kwindi, iwu nimwakulumbulwilawu kulota kwindi.

⁶Yosefuwayili ntetemena mwadiŋumu, wayimweni adi nakuneŋa.

⁷Wayihwili tupita twaFwaro twadiŋiyi nawu muna mwayishiluwu, muna mwitala damwanta windi, nindi, Indi enu munadihombelidi kumesu enu lelu?

⁸Wena hiyakumwila nawu, Tunaloti, tunabuli wakutulumbulwilamu. Yosefu hakuyila nindi, Kulumbulula himudimu wambala waNzambi uku? Nlejenumu mwani.

⁹Mukulumpi wawakwakutwala lupasa wamulejeli Yosefu mwaloteliyi, nindi, Ami naloti kumesu ami kudi muvinyu;

¹⁰muvinyu wuna wudi nanyitayiyisatu, wamwekana neyi hiwukusapuka, hiwukukenuka ninkenu, yizokofu yawu hiyikusoŋa ninyikabu yavinyu yaha dehi;

¹¹muchikasachami mudi lupasa lwaFwaro; hinukukumuna nyikabu yavinyu, hinukuyi kamwina mulupasa lwaFwaro, hinukumwinka Fwaro lupasa muchikasachindi.

¹²Yosefu wamwilili nindi, Tiya munukukulumbulwila; nyitayiyisatu himafuku asatu.

¹³Neyi kuchidi kanda kuhiti mafuku asatu Fwaro wakabandwisha namutu weyi, wakakufuntisha cheŋi kumudimu weyi, wakamwinka Fwaro lupasa lwindi muchikasa chindi neyi chiwelilaŋa hiwadiŋi mukwakutwala lupasa lwindi.

¹⁴Ilaŋa wakaŋanukaŋa chiwakamona kuwaha, wakanmwekeshelaŋa luwi, mwani, nakuntena kudi Fwaro, kulonda akanfumishi mwitalidi.

¹⁵Muloŋa ami chalala aŋiyili chakuŋiyamwituŋa dawaHeberu, hela tuhu kunu hinakoŋi chuma chakuŋumba muwiniwuku.

¹⁶Mukulumpi wawakwakutuŋa mankendi chamweniyi kulumbulula kunawahi, hakumwila Yosefu, nindi, Ninami nawa naloti yimpaya yisatu yamankendi atooka yidi hanamutu wami.

¹⁷Muchimpaya chahewulu mudiyuma yakwocha dehi yeŋi nayeŋi yaFwaro, niatujila hiyakuyidiila muchimpaya chidi hanamutu wami.

¹⁸Yosefu wamwakwili nindi, Tiya munukukulumbulwila; yimpaya yisatu himafuku asatu.

¹⁹Neyi kuchidi kandakuhiti mafuku asatu Fwaro wakakunyamuna namutu weyi, wakakukudika kumutondu, atujila akadya mbiji yeyi kumujimba weyi.

²⁰Chidashikili ifuku damuchisatu, dadiŋi dakwanakana ifuku davwalikili Fwaro, hakuyitelekeshela aŋamba jindi ejima chawija. Wabandwi shilininamutu wamukulumpi wawakwakutwala lupasa, ninamutu wamukulumpi wawakwakutuŋa mankendi, mukachi kawaŋamba jindi.

²¹Mukulumpi wawakwakutwala lupasa wamufuntishili cheŋi kumudimu windi wakutwalaluŋasa, hakumwinka Fwaro lupasa muchikasa chindi;

²²ilaŋa mukulumpi wawakwakutuŋa mankendi wamukudikili; mwomwayilumbulwiluwu kudi Yosefu.

²³Ilaŋa mukulumpi wawakwakutwala lupasa hamwanukili Yosefuku, wamuvulameneni.