Read MUKANDA WANZAMBI Genese 42 Bible Online

Genese 42 - MUKANDA WANZAMBI bible

Genese 42

¹Yakoba watiyili nawu muEjipitu mudi tidiku. Yakoba wayililianyanindi, nindi, Mudi nakuditaladi?

²Nindi, Ami natiyi nawumuEjipitu mudi tidiku. Yenuku mwakatulandili, twakahandi, twakabulikufwa.

³Ana kwaYosefu ikumi dawu ayili kuEjipitu akalandi tidiku.

⁴Ilaŋa Benjamini, mana kwaYosefu, Yakoba hamutemesheli hamu nawana kwinduku, nindi, Chuma chatama chakamba kamuwana.

⁵Anyana kaIsraela ayili nakulanda hamu nawakwawu ayiluku, muloŋa nzala yadiŋi mwituŋa daKenani.

⁶Yosefu diyi wadiŋi mulopu wetuŋa; yena diyi wadiŋi nakulanaisha antu ejima amwituya. Ana kwaYosefu ashikili, amubandaminini mahamawu hamaseki.

⁷Yosefu wamweni ana kwindi, wayilukili, wadimwekesheli kudi wena neyi himuntu wacheŋi, wahosheli nawu chakola hohu, wayilili nindi, Enu munafumi kudihi? Nawu, Tunafumi mwituŋa daKenani, tunenzi nakulanda kudya.

⁸Yosefu diyi wayilukili ana kwindi ilaŋa wena hiyamwilukili yenaku.

⁹Yosefu wa anukili mwayiloteleliyi, hakuyilanindi, Enu muyakwakwendesha ituŋa; munenzi nakutala ituŋa chididi damukunkulu.

¹⁰Wena hiyakumwila nawu, Nehi mwanta, etu ambuŋeyi tunenzi nakulanda kudya.

¹¹Wejima wetu tuyanyana kamuntu wumu, tuyantu alala, etu ambuŋeyi hitunenzi nakwendesha itupaku.

¹²Hakuyilanindi, Nehi, chimunenjili munalondi kutala ituŋa chididi damukunkulu.

¹³Wena nawu, Etu ambuŋeyi twekala amayala ikumi nayedi, ivumudetu dimu, tuyanyana kamuntu wumu hohu wamwituŋa daKenani; kabindaketu wudi kwatata yetu, mukwawu wachachaŋana dehi.

¹⁴Yosefu hakuyila nindi, Dichi chinayilili nami, Enu muyakwakwendesha ituŋa.

¹⁵Tiyenu mutwakayesekela, kunyima yaFwaro kwaamu, kunu himukufumakwoku, chiŋa kabinda kenu yenza kunu.

¹⁶Temeshenu mwinenu wumuakamuleti mwanyikenu, enu nawa mukushala munyonji, kulonda kwesekanachu mazu enu tutali neyi munahoshi mwalala. Mukunkulwayi dinu, kunyima yaFwaro kwaamu, yenu akwakwendesha hohu mwalala.

¹⁷Wayishili wejima wawu mwakasilaŋawu antu, mafuku asatu.

¹⁸Ifuku damu chisatu Yosefu wayilili nindi, Tiyenu mumukwila muhandi; muloŋa ami namutiyaŋa Nzambi woma;

¹⁹neyi enu muyantu alala, tukasi mwinenu wumu mukaleya mumudi, enu muyi kwenu mutwali tidiku yakudiisha antaŋa jenu adi nanzala,

²⁰mwakaleti kunidami kabinda kenu, kulonda twakeluki netu munahoshi mwalala, kulonda mwakabuli kufwa. Dimu mweliluwu.

²¹Hiyakudiihula niniwu niniwu, nawu, Chalalatuna bayi hansaŋu yamana kwetu, chitwamweni chatiyiliyi kutama mumuchimawindi, chatulembeleliyi, etu kwonti kwetu kutiya, dihu hanafumi kumona lukadi ilu lutukumona.

²²Rubeni hakuyila nindi, Ami hinayihoshelinami, Bayi mumwila kansi chatamaku? Enu kwenu kwonti kwenukutiya. Talenu ntahi dinu, hitukukoola mashi indi.

²³Wena kwilukanawu Yosefu nachitiyi nehi; muloŋa hadiŋi mukwakuyibalumwina mazuhakachi.

²⁴Washetumukili nakuyifutalela, hakudila nikudila; wabalumukili cheŋi kudi wena, hakuhosha nawu; hakwambulamu Simeyona, hakumukasa kumesu awu.

²⁵Yosefu walejeh antu, nindi enzeshi tidikumuyuma yawu yakusendela, nindi ayifuntishili wejima wawu hamuntuha muntu mali awu, iwu munjeki yindi, iwu munjeki yindi, ayinki niyakudya yakudiila munjila. Dichi cheliluwu.

²⁶Atwikili ayimbulu yawu yisenda yawu yatidiku yawu, hiyakuya.

²⁷Hakaminuwu, wumu hakukasununa munjeki yindi, nindi amwinkichimbulu chindi yakudya, hakumona mali indi mukanwa kanjeki.

²⁸Hakuyila ana kwindi, nindi, Mali ami ananfuntishili; awa adi munjeki yami awa; ninyichima yawu mwivumu puchi, hiyakuditala nakuzaala hohu, nawu, Ichichuma chanatwiluwu kudi Nzambi hichumanyi?

²⁹Ashikili kudi tata yawu Yakoba mwituŋa daKenani, amulejeli mwamwenuwu mwejima to-o,

³⁰nawu, Yenowu muntu neli mulopu wetuŋa, watuhosha chakola hohu, watwila nindi tuyakwakwendesha ituŋa.

³¹Etutwamwila netu, Etu tuyantu alala, hituyakwakwendeshaku;

³²twekala amayala ikumi nayedi, ivumu detu dimu, anyana katata wumu; netu, wumu wachachaŋana dehi, wakabinda lelu wudi kwatata yetu mwituŋa daKenani.

³³Yenowu muntu neli mulopu wetuŋa, watwilili nindi, Tiyenu munukwilukila nami enu muyantu alala, shiyenuhu mwinenu wumu kudami, twalilenu antaŋa jenu yakudya, adi nanzala.

³⁴Muyi mwakanleteli kabinda kenu; henaha dihu namba kelukila nami enu himuyakwakwendesha ituŋaku, nami komana muyantu alala; chochina nakayilubwila mana kwenu, mwakalandojoli mwituŋa.

³⁵Cheliluwu nawu asukuli njeki jawu, kutala komana mafundawu amali adi munjeki jawu wejima wawu. Niwena nitata yawu chamwenuwu mafunda awu amali, atiyili woma.

³⁶Tata yawu Yakoba hakuyila nindi, Ami munankonki anyanami. Yosefu kwosi, Simeyona kwosi, mutwalinawa niBenjamini! Yumiyi yejima yinankalili hohu.

³⁷Rubeni hakuhosha natata yindi, nindi, Neyi nakabula kukuletelayi cheŋi, wakajaha anyanami wonsu ayedi; munyinki tuhu ami, nakakuletelayi cheŋi.

³⁸Nindi, Mwanami himukuya ninduku, mana kwindi wafwa dehi, washalakanka windi damunu; neyi chuma chatama chakamuwana munjila yimukuya, mwakashikiji nsuki jami janvu kukaluŋa nayihuŋu.