Read MUKANDA WANZAMBI Genese 44 Bible Online

Genese 44 - MUKANDA WANZAMBI bible

Genese 44

¹Hakuleja nikalama ketala dindi, nindi, Inzeshaku njeki janawa amayala kudya mwomwashikila Ŋovu jawu jakusenda, yishili maliawu namutunwa twanjeki jawu wejima wawu.

²Shaku lupasa lwami, lwolupasa lwasiliva, mukanwa kanjeki yakabinda kawu, nimali indi atidiku. Yena welili mwamulejeliyi Yosefu.

³Chi kwelili to-o habudidi adishalikili nanawa amayala, hiyakuya, niyimbuluyawu hamu.

⁴Chafuminuwu hamukala, kanda ayi nikwakulehi, Yosefu hakumwila kalama kindi, nindi, Nyamukaku, yilondeli awa amayala; chiwukuyiwana, kayili neyi, Enu anayili chachiwahi, indi enu munakoŋelidi chatama? Muneyilidi lupasa lwami lwasiliva?

⁵Hidilu lwanwinaŋayi mwanta wamuku? Hidilu lwahoŋaŋayi nachuku? Ichi chimuneli munakoŋi chatama kwaamu.

⁶Oyiwana nikuyiwana, hakuyihosha mazu awa.

⁷Wena hiyakumwila nawu, Mwanta nahoshelidi mazu awa? Etu ambuŋeyikwila chuma chidi neyi ochu chinjila.

⁸Mali twaweni namutunwa twanjeki jetu wowu tunafumishi kwituŋa daKenani tunakuleteli cheŋi, indi tukwiya pahi mwitala damwanta weyi hela siliva hela wuru?

⁹Etuambuŋeyi yetu awa, yowu wukukwata nalu, akamujahi tuhu kwindi, ninetutukwila kwetu anduŋu jamwanta.

¹⁰Yena nindi, Omu mumunahoshi, dinamutukwila; yowu tukukwata nalu wukwila ndupu yami; ilaŋa enu amakwawu mukuyiŋa.

¹¹Anyakeli, atulili njeki jawu hamaseki wejima wawu, akasunwini munjeki jawu wejima wawu.

¹²Yena watalatalili, kutachikila kudi wedi, kukumishila kudi kabinda; lupasa aluweni munjeki yaBenjamini.

¹³Hiyakutabola mahinawu akuvwala, hiyakutwika cheŋi yisenda hayimbulu yawu wejima wawu, hiyakufunta cheŋi kumukala.

¹⁴NiYuda niana kwindi ashikili kwitala daYosefu, yena wachini diŋi kwoku, liiyakudinata hamaseki kumesu indi.

¹⁵Yosefu hakuyila nindi, Chenichichi munakoŋi hichumanyi? Enu komana kwiluka nenu muntu wudi neyi ami kutwesha kuhoŋa nehi?

¹⁶Yuda nindi, Ochu tukumwila mwantanetwidi? Tukuhosha netwidi? Tukudiyiŋisha ŋahi? Nzambi nasompololi dehi kuluwa kwetwetu ambuŋeyi. Tuneli dehi anduŋu jamwanta, ninetu ninona anakwatuwu nalupasa.

¹⁷Yena nindi, Ami kwila mwenomu chinjila. Yowu iyala anakwatuwu nalupasa diyi wukwila nduŋu yami, ilaŋa enu diyilenu tuhu kwenu kudi tata yenu mumesu mwawunda.

¹⁸Yuda hakumuswila kwakwihi, nindi, Eyi mwanta wami, nleki ntahimwani, ami kambuŋeyi, nihoshuhu kadizu kamu namwanta wami, bayi wusweja kunzuwila ami kambuŋeyuku, muloŋa eyi wudi neyi Fwaro.

¹⁹Mwanta wami watwihwili etu ambuŋindi, nindi, Enu mukweti helatata yenu, hela mana kwenu?

²⁰Etu twamwakwili mwanta, twamulejelinetu, Tukweti tata yetu, hiipala, nimwanindi wakansi avwalayi hawushinakaji windi, himwana wanyanya; mana kwindi wafwa dehi, mwivumu damama yindi munashali yena hohu, nitata yindi wamukeŋa.

²¹Eyi watwililietu ambuŋeyi, neyi, Kamuletenu kunu kunidami, kulonda nakamumoninamesu ami.

²²Etu twamulejeli mwanta, netu, Kansi hakutwesha kumushiya tata yinduku, neyi wukumushiya tata yindi, tata yindi wukufwa.

²³Eyi watwilili etu ambuŋeyi, neyi, Chiŋa kabinda kenu mwakenza nindihohu, mukunkulwayi himwakanmona cheŋi kumesu amuku.

²⁴Chitwashikili kudi kambuŋeyi tata yami, twamushimwinini mazu amwanta.

²⁵Tata yetu welili nindi, Yenu mwakatulandili cheŋi tuyakudya.

²⁶Etutwelili netu, Hitukutwesha kuyaku; neyi kabinda tukuya nindi, tukuya; muloŋa hitukutwesha kumona kumesu anowu muntuku, chiŋa tudi nakabindaketu.

²⁷Kambuŋeyi tata yami watwilili nindi, Enu munelukiiŋodami wanvweleli anyana amayala ayedi;

²⁸wumu wafumini kudami, ami nelili nami, Chalala wadiika dehi. Nilelu hinamumona nawa cheŋuku.

²⁹Neyi mukuntambula niniwu nawa, neyi chuma chatama chakamuwana, mwakanshikiji la nsuki jami janvu kukaluŋa nayihuŋu.

³⁰Dichi dinuchitwakashika kudi kambuŋeyi tata yami chakadi kansi, chaneliyi muchima windi wunadikasili hamu namuchima wakansi mbe;

³¹chakamonayikansi kwosi, wakafwa, ninetu ambuŋeyi twakashiko invu jakambuŋeyi tata yetu kukaluŋa nayihuŋu.

³²Muloŋa ami kambuŋeyi nadihana dehi kudi tata yami kwikala kapopu hamuloŋa wakansi, nami, neyi nakabula kukushikŋilayi muloŋa wakekala wamami kudeyi tata yami haya nyaka.

³³Dichi dinu mwani, anleki ami kambuŋeyi nishali kunu nihiŋi mudi yena, nili nduŋu yambala yamwanta wami, wumuleki kansi ayi nawana kwindi.

³⁴Indi ami nukuya ŋahi kudi tata yami chakadi kansi? Nakenda kamona kutama kwakamonayi tata.